بنات تكفون لا تخيبوني والله حالتي النفسيه صعبه

[روااان]

السلام عليكم

شخبااركم ان شاء الله طيبييين ؟؟

بصراحه ترددت واايد قبل لا اكتب الموضوع بس ما عندي أحد اسئله وعنده خبره مثلكم ..

بنات أنا كانت عندي آلام شدييييده أثناء الدوره وزااادت بعد الزواج ( للعلم صار لي متزوجه من 8 شهور ) وبعد 5 شهور تقريباً من الزواج استخدمت حبوب تنظيم الدوره لمده ثلاثة أشهر بوصف الطبيبه وكانت الوصفه 3 اسابيع واوقف وبعدها تنزل الدوره اسبوع وابدأ شهر ثاني واستخدمه ثلاثه اسابيع وهكذا ... ( يعني كل 21 يوم تنزل )

مع ان دورتي ما كانت ملخبطتني واااايد بس عشان ابي أخفف آلامها وصارت تجيني بشكل منتظم جداً واحسن من قبل والالام خفت والحمدلله .. المهم استخدمت الحبوب الى آخر مرة جت فيني الدوره .. وجتني تاريخ 26/9/2011 الموافق 27 شوال .. بس المشكلة مو عارفه اذا تركت الحبوب الدوره بتستمر نفس اذا اخذت الحبوب ؟ لأن قبل لا آخذ الحبوب الدوره كانت تجيني كل 28 يوم وبعد الحبوب صار كل 21 يوم

بس من تركت الحبوب للحين ما جت الدوره ولا ادري يعني انتظر 28 يوم ولا شنو ؟؟

وكنت احس بأعراض ولا زلت لليوم احس فيها مثل

آلام اسفل واعلى الظهر بشكل كبير

افرازات بيضاء

صداع

وآلام اسفل البطن وبالأخص الجانب الايسر ..

سويت اليوم تحليل منزلي والنتيجه سلبيه

وبصراحه الحين اكتب الموضوع وانا حزييينه ولا ادري شسوي ؟

ياريت احد يفيدني لأني متحييييره

وآسفه ع الاطااله

[zaiyzafona]

انتظري كم يوم وبعدها عيدي التحليل حبيبتي بصرااحه ماعندي خبرة لكن حبيت ادعيلك كمان
الله يرزقك بالذرية الصالحه ياااارب

[زهرة الفردوس]

ما عندى فكره بس حبيت ادعى لكى يارب ما تجى وتكونى حامل شوى لو ما اجت عيدى التحليل

[رييف]

والله انا مثلك وحللت اليوم وطلع سلبي منزلي طبعا
بس انا دورتي الاسبوع الجاي
يارب اكون حااامل

[اروي يقيني]

هلا حبيبتي

انتي مثلي في حمالي كان جذي استخدم منظم الدوره ومانزلت

وماكنت متوقعه حامل

انتظري بعد جم يوم وعيدي التحليل اذا حامل بيطلع ان شاءلله

الله يرزقج من رزقه الكريم

ادعي لي جنيني مافي حوله ماي

[كندية]

السلام عليكم
كيفك جوري الجنووب والله انا حلمت حلم من قبل فتره بس ما جاء على بالي افسره واليوم اقوله لزوجي يقلي فسريه واللهم اجعله خير
الحلم
حلمت اني كنت في بيت عمتي والبيت في الحلم مو نفسه الي في الحقيقه المهم الي افتكره اني كنت في الحوش وشفت غنم وانا واخويه الصغير اخذنا خروف صغير دخلناه البيت وجلس يجري بيخرج من البيت لانه خايف وخرجته وانا اتمشا في الحوش الى تجي اغنام ومن ضمنهم فحل طبعا انا ما كنت اعرف وشو الفحل بس لمى جلست اوصفه لزوجي قال اسمه فحل اذا ماعرفتيه سوي بحث في قوقل يجيكي شكله بس انشاء الله انك عرفتيه المهم الفحل كان يجري ورايه وانا اندسيت عنه ورا الباب وانتها الحلم

[كندية]

معليش كتبت الحلم هنا بالغلط ههههههههههههههههههههه

[كندية]

على العموم انا ماعندي فكره بس الله يرزقك بالذريه الصالحه عاجل غير اجل

[ميمونة]

ام روان ياريت تكتبي اسم الحبوب --ومتي اخديتهم من خامس يوم الدوره لاني نبي نستفيد منك

بالنسبه لحالتك ممكن تكوني حامل بعد ماتنضمت عندك الدوره

[روااان]

zaiyzafona

مشكووورة اختي زيزفوون ع الدعاء والله يرزقني ويرزق كل محرومه ..

زهرة الفردوس

المشكلة في الانتظار .. بعد اسبوع راح اعيد التحليل وان شاء الله اجي ابشركم بالحمل

ومشكوورة ع الدعوه الحلووه

رييف

انتظري لبعد موعد الدوره وحللي .. وان شـاء الله يااارب نصير حوامل مع بعض

اروي يقيني

الله يسعدددج .. والله فرحتيني ان شااء الله يارب اكون مثلج واحمل

والله يحفظ لك الجنين من كل شر ..

كنديه

آميييين ومن قااال يااارب

ومشكوورة حبيبتي ع الدعوه الحلوة مثلج .. : )

ميمونه

بصراحة ما اعرف شنو اسم الحبوب .. بس هو قرص دائري ابيض والحبه صغيره ومكتوب عليها حرف A ..

واول مره استخدمته بعد ما اغتسلت من الدوره .. لمده 3 اسابيع وبعدها اوقف اسبوع .. تنزل الدوره اسبوع .. وارد آخذ الحبوب 3 اسابيع وهكذا ... لمده 3 اشهر

الدكتوره قالت لي ان الحبوب ما يمنع لي الحمل واذا حملت وآنا اخذه لازم اوقف الحبوب ..

بس الدوره كانت تجيني في الثلاثه الشهور بشكل منتظم جداً ..

واتمنى اني أفدتج يالغاليه ..