تجربتي في ولادتي الميسرة ..الحمدلله

[أوضاح]

السلام عليكم ورحمة الله وبركاته

انا لله الحمد والمنة ولدت قبل أسابيع...والحمدلله كما ينبغي لجلال وجهه وعظيم سلطانه..
وهذا الموضوع انا كنت ناوية من زمان اذا كانت تجربتي ميسرة اني بكتبته وبفيد فيه خواتي لاني بيوم من الأيام كنت عايشه خوفكم وقلقكم من الولادة
واسأل الله ان ينفعكم فيه

الله يسلمكم انا ولادتي الاولى كانت متعســـــــرة للأقصى درجة وطالت ليوم كااااامل من العذاب والطلق الصناعي لان ماجاني طلق ابداااا الى ان خلصت من التاسع وخذيت اسبوع زيادة...والحمدلله على كل حال

هذي الولادة توكلت على الله سبحانه وقلت راح اسوي كل اللي ربي يقدرني عليه عشان مااشوف اللي شفته فولادتي الأولى..

من دخلت التاسع التزمــــــــــــت بلأذكار وأدعية تييسير الولادة
وحطيت لي كمية من الماء تكفيني لشهر كامل وقرأت فيها المعوذات وسورة مريم والزلزله وضفت نص الكمية ماء زمزم لأن ماكان عندي كثير

ومن اول التاسع الين اخره وانا اكل رطب
قبل ماانهي التاسع بأيام بديت احس بطلوق تروح وتجي وبعدين تخف على هالحال اسبوعين وخلصت التاسع بدا ينتظم الطلق ويجي كل 10 دقايق
حسيت انه الوقت المناسب رحت للدكتورة عملت فحص قالت 1 سم
تحبطت بصراحه وقلت اكيد ماراح يجيني طلق وقلت هاليومين اذا مافي شي بروح اخذ طلق صناعي تعبت
ولكن رحمة الله اوسع من كل شي دعيييييييييييييييييت كثير بتيسير الولادة وشربت من الماء..ولهمت ملعقتين حلبة ..وفنجال زعفران مع ماء زمزم
ويززززززززيد الألم وينتظم رحت ابي اانام على اساس توقعت ولادتي ثاني يوم العصر او المغرب
ولاقدرت انام والله يابنات اني اخذت شور وطيران عالمستشفى ويوم وصلت هناك ماكنت اقدر امشي من الطلق ومن باب المستشفى الى غرفة الولادة علطووووول والله الذي لااله الا هو ان الولادة كلها تمت في 3 ساعات ماكنت اصدق ولااتخيل اني اولد بهالسرعه ماشاءالله ولاحول ولاقوة الا بالله ووصلت (((أوضاح))) أجمل طفله في هالكون والحمدلله من قبل ومن بعد
ومن بعدها قلت لصديقتي ولادتها في نفس الشهر وسبحان الله بس استخدمت الحلبة وتيسرت ولادتها ومثلي مالحقت توصل للمستشفى الا هي والدة بدون مساعده
فنصيحتي لكم يابنات اخذوا حلبة قبل الوضع واللي خايفه تاخذها بالمستشفى والله انها عجييييييييييبه ماتخيلت مفعولها بيكون بهالطريقة

طبعا هذي تجربتي في ولادتي الميسرة واتمنى لكم المثل
(((( تكفون يابنات واللي تقرون من خلف الشاشه ارجوكم ان تدعون لي بتحقيق مااتمنى لعل دعوة منكم تستجاب وتنفرج كربتي)))

[!~¤ حياتي لك ¤~!]

والله غلااتي تقريبا تجربتك زي تجربتي
الحمد لله على سلاامتك ياارب
ومبرووك البنوته ان شاء الله بنفسك تزفيهااااا
وربي يتمم لك عل خير ويحق لك مرااادك

[يازين الصبر]

الحمدالله على السلامه وجزاك الله الف خيرررررررررر

[اجوديه]

ماشاء الله
جزاك الله خير على المساعده والله يهون علي الجميع

[أحلى أيام العمر]

الله يحقق لك ماتتمنين وييسر لنا ياااارب

[غلاامي]

تسلمي حبيبتي والله يحقق لك مراادك

[*قلب(H)حبيبي*]

ألف مبروووك و الحمدلله ع سلامتك

أختي شهرها قريب يخلص ولا ولدت بقولها الطريقة والله يسهل لها إن شاء الله و لي و لجميع الحوامل

[نبع الخير]

مبروووووك اختي والله يوفقك ويسهل عليك..

[سرووءة]

الف الف الف مبروك
وحمدلله عسلامتك
وتتربى بعزك يارب

[وصاايف]

مبرووووووووووووووك
بس الحلبه حب واغليها ولا ايش