طفشانه مره ومتضايقه ساعدوني

[نورا الامورة]

السلام عليكم ورحمة الله وبركاته

كيفكم حبايبي ان شاء الله تمام ....

انا الدورة فايتتني لليوم 12 يوم ورحت مرتين حللت دم يطلع سالب والدكتورة تعشمني والكل حولي يقولولي عادي وصارو يقولولي فلانه ماطلع انها حامل الا في الشهر الثاني ووحده تقلي ماظهر بالدم انها حامل الا بعد مافاتتها الدورة 20 يوم والدكتورة تقلي مره وحده جت مابان الحمل في دمها الا في الاسبوع الاول من الشهر الثالث واحس اني مره متحمسه خصوصا لي سنتين متزوجه ولسه ربي ماكتبلي الحمل وهذه اول مره تتاخر علي الدورة بعد ما اخذت دواء هرمون الحليب صارت تجي باليوم 31 دورتي ....
امس اجهدت نفسي شوي ورحت عند بيت اهل زوجي في غرفتي وقضيت الليله مع زوجي صحيت اليوم الا نقطه دم وبغيت اتجنن رحت الدكتورة سويت تحليل دم سلبي :( فحصتني من تحت بالجهاز نفس كلام الاسبوع اللي فات في 3 بويضات موجوده لكن مو واضح اذا مخصبه ولا لا ... قالتلي سويتي شي امس قلت ايوه كان عندنا عزومه وتعبت الصراحه وكذا وكذا ... عطتني دوفستون 3 مرات باليوم لمده اسبوع .. قالت اذا في حمل بيثبت ان شاء الله واذا لا بتنزل الدورة ...
مره متضايقه صحيح انا دائما اقول الله ييسر اللي فيه الخير والحمد لله داااااائما على كل حال لكن السبب في اهلي واصحابي عشموووني وحامل حامل شكلك حامل خلص حامل مبروك وما ادري ايش وحاسه ما ادري انها بتنزل الدورة واتحطم ... قاعده احاول اريح نفسي قد ما اقدر لكن كل ما ادخل الحمام الله يعزكم اخذ منديل وامسح الاقي لون بيج على وردي واتضاااايق مررررررررررررره ...
مين صار معها كذا حامل وينزل عليها نقط دم ايش سوووت ؟؟؟؟ اذا عندكم نصايح ولا وصفات تقولولي عليها والله اني مره متضايقه

[يارحمة الله الواسعه]

الله كريم يالغلااا

وان شاااء الله يكتب لك ويكتب لي الحمل

انا مثلك الدوره متأخره صار لها 8 ايام ومش بالعاده تتأخر والكل بيقولي يمكن حاامل بس مابين للحين ههههه

مع اني عملت تحليل دم هرموني بس كمان سالب

الله المعييين وبنفس الوقت خايفه استخدم اي شي او اعمل مجهود كبير اخاف صج اكون حامل خخخ

بس بنفس الوقت ماافيه اعرااض لا للدوره ولا اعراض للحمل

الله يرزقناا ياااارب

[أبجدية]

المفروض يبان بفحص الدم اذا حامل اولا لان هرمون الحمل يكون عالي بعد ما تتاخر الدورة عن موعدها ..ممكن تعملك الدكتورة التراساوند وتشوف اذا في كيس حمل او لا
انتبهي على نفسك ولاتتعبين روحك

[رحيق القلوب]

هلا يالغلا
ياعمري ان شاء الله حامل بس الدم وقف؟
اذا وقف ان شاء الله حامل واذا استمر اتوقع انها دوره وان شاء الله ربي يعوضك الشهر الجاي دام اخذتي علاج
بس اذا وقف هذي اشاااارة حمل باذن الواحد الاحد انتظري وشوفي الدم اذا وقف ولا لا وان شاء الله يوقف وتطلعي حامل الله يرزقكي ويرزقني ان شاء الله

[..ام بدر..]

أنصحك تغيري الدكتوره الي روحتيلها...والله يرزقك الحمل الثابت والطفل السليم المعافى

[نورا الامورة]

تسلمون حبايبي وانا الحين رجعت بيتي بجده وان شاء الله بكرا بروح للدكتور الصبح اشوف الموضوع ... وبالنسبه لاختي رحيق القلوب اليوم حسيت خف الدم عن اول مع الدوفستون يعني اول كان مع الافرازات خيوط دم الحين شي بسيييط وبالمنتديل وقت امسح لون بيجي خفيف فما ادري الله ييسر يارب ويفرح قلبي وقلب زوجي وامي انا وحيده امي وتشوفوها هي مرررررررررررره متلهفه اني احمل اكثر مني تقول تزوجتي وحسيت انهم اخذو قطعه من قلبي ورحتي مافرحت بزواجك ابغى افرح بحملك :( الله ييسر يارب

[أصآآيل]

يارب تكوني حاامل وتفرح امك الله يخليها لك ويخليك لها يارب

[دمعة شقا]

الله يرزقك ياالغلا باالحمل ويفرح قلب أمك
ويقر عينها بشوفة ضنك...
ان شاء الله يكون حمل..

[نورا الامورة]

اميييييين خواتي تسلمووون ياغاليات الله يفرح قلبكم يارب ويرزقكم بالذريه الصالحه

[البنت المستحيله]

يااختي ان شاء الله تكوني حامل بس ارقي نفسك وبطنك بعد كل صلاه انا فرحت بالحمل وجاء بدون ماافكر فيه بس راح مني قدام عيني توفى بالشهر السابع تقطع قلبي بس مافكرت يوم ارقي جنيني وحسيت اليوم بقيمه الدعاء والى يومك انتظر الحمل وماخليت شي ماسويته بس الامل مهم واليقين بان فرج الله قريب اهتمي بصحتك وباذن الله تكوني حامل انا بحملي اللي راح مابان الا متاخر واحساسي يقول انك حامل وراح تدعيلي صح جذبني عنوان موضوعك لانه نفس احساسي اليوم انتظر الدوره واابغى اشوفهااااااااااا