اخواتي اولا حابة ابشركم بولادتي بالسلامة وقدوووم اجمل سوسو لنا بعد ماهلكتكم
بالشكوى من التعب خلال فترة الحمل...والله وكنتو خير اخوات ربي يحفظكم ماقصرتو وكنتو
تواسوني وتفيدوني من تجاربكم.....
عقبال عند كللللللل الحوامل يارب...وبوعدكم اكتب قصة ولادتي انشاءالله
بالتفصيل بس بعد ماتوقفو جنبي وتريحوني من اللي حاسة فيه...
اولا اشكر الله واحمده على فضله اني ولدت وقمت بالسلامة وفتحت عيوني
بعد الولادة على اجمل والذ مخلوق اللي هي بنتي...
المهم انا ولدت قيصري وهذه ثاني ولادة وبتعرفو الموضوع بياخد وقت حتى الوحدة فينا تتعافى
وتبدا تلتفت للبيبي وللبيت....صارلي والدة شهر..اول اسبوع راح بين العملية والجلوس بالمشفى والعودة للبيت ماكنت بفكر بشي غير باوجاعي والاسبوع اللي بعده بنتي تعبت شوي حرارة والتهاب وديناها الحضانة والحمدلله بعدها رجعت نورت البيت بعافيتها وانا هون طبعا كنت استنفذت كل قوتي من الهم وتعب العملية والتعب النفسي ونشف حليبي وعانيت كتييير حتى رجع.... بدات تراودني افكار انه هل البنت اللي نزلوها لي بعد ماصحيت من الولادة هي اكيد اللي طالعوها من بطني
وبلشت افكر بالموضوع جديا بشكل كبير على اعتبار انه بسمع انا او انتو عن قصص تبديل الاطفال فبمجرد الاوهام فقط لاغير ولدت عندي الفكرة وبلشت
تتطور وتعذبني نفسيا احيانا مااقدر انام....كل يومين احقق مع زوجي انت شفت البنت اول ماولدت؟قلي اي انا كنت واقف على باب العمليات واول ماطلعت شفتها
قلتلو حفظت وجهها قلي كل المواليد زي بعض وهون انا انصدمت..قلتلو شفت
الاسم بايدها؟؟؟؟ قلي اي...ولسه مااقتنعت قلت يمكن يبدلوها بطريقها للحضانة لان الممرضة اخذتها وحدها لفوق...قلتلو حسيت انها نفسها بعدين؟؟؟؟ قلي اي...
ونفس الاسئلة اتسائلها حتى زهق مني وصرت استحي اسالو...واقعد احلل وحدي قول بنفسي هي بتشبهنا بشكل واضح فعلا ووزنها مثل ماقالولي بالسونار تماما قبل الولادة..فكيف رح يقدرو يجيبو مثلها؟؟وعلما انو المشفى راقي جدا ومعروف جدا
بالفخامة والترتيب..معقول هذه وساوس شيطان عشان ينسيني اشكر ربي عالنعم؟؟
احيانا صرت افكر ادور على الدكتورة اللي ولدتني واسالها بس هي بالطوارئ باي حجة رح قول لزوجي يوديني عندها؟؟
هل اللي بيصير معي شي طبيبعي؟؟ارجوكم الرررررررررد السريع
ضايق صدري ومالي غيركم....
معقول فيني شي نفسي غير طبيعي؟؟؟هو انا في حياتي العادية احس اني لازم اشوف كل شي بعيني حتى يطمئن قلبي ولا اصدق اي شي بسهولة هذا طبعي..