بتبكي كل يوم وزوجك مش حاسس..تفضلي

[نسمة المساء]

السلام عليكم ورحمة الله وبركاته

بنات اليوم جاي أخبركم عن طريقة إن شاء الله تفيد كتير منكم متل ما فادتني مع زوجي .....

بنات أنا من أول ما تزوجت وأنا أنقهر من زوجي من أشياء ومرات أبين لو ومرات ما أبين ومرات توصل إني أبكي لحالي وهو ما هو حاسس أبدا بالعكس يكون جالس يضحك عالتلفزيون وأنا ببكي بغرفتي وكل فكري إنو شوي ورح ييجي يراضيني ,,,, لكن للأسف هو يكون أصلا مش حاسس قديش أنا متضايقة ... وضليت أعاني هيك لسنة وأكتر لكن من أيام خطرتلي فكرة روووووووعة .... مسكت أوراق وقلم وبديت أكتب وأكتب وأكتب كل شي الجديد والقديم وإلي نفسي زوجي يعملو وإلي نفسي يتركو لبين ما عبيت 4 أوراق 4*4 ودموعي تنزل وأبكي على حالي هههههههه .... المهم ما خليت شي بنفسي إلا وكتبتو وكأني بخاطب حد تاني وبين كل ذم والتاني لأي حركات بعملها زوجي كنت أكتب إنو بحبو أو ما بقدر أزعلو أو أنا نفسي يحس فيني لأني بعرف إنو بحبني ومن هالحكي عاد تصرفو انتو .... وبعد هيك حطيت الأوراق تحت ورقة ميزانية البيت وشوي من الكلام إلي فيها مبين كأني ما انتبهت لما حطيتها وتركتهم على الكنباية بالصالة .... طبعا مر يوم كامل وزوجي ما انتبه للأوراق بس ما يأست وخليتهم وتاني يوم شفتو عم يبعكش فيهم وقلت هههه غمزت الصنارة ورحت وما خليتو يشوفني .... بعد ما قام من جلستو هديك كان معصب وما حكى كتير معي وطلب يطلع برا االبيت وأنا ما عارضت وعملت ولا كأنو في شي ... وما بتتخيلو يا بنات لما رجع شو كان .... كان شخص آخر تماما و بأ يطبق كل شي بالأوراق بدون ما يحكيلي إنو قرأها وأنا استنيت لجلس على الكنباية مرة تانية ورحت عملت إني ناسية هديك الأوراق على الكنبة وأخذتهم وأنا زي الخايفة ههههه حركات .... وهو صدق إني مش عارفة إنو قرأ الأوراق
والحمد لله يعني الحال أحسن الآن بس مش تروحي ولا انتي كل يوم عاملة هيك بعدين بتبين ... يعني خلي فترة طويلة بين كل مرة والتانية ... ودعواتكم لي برضا ربي ومحبة زوجي ...
والله يهدي سر بيت كل مسلم ومسلمة ويحبب قلوبهم لبعض

[ام هادي1]

تسلمي حبيبتي على الحركه الحلوه ... من جد مبدعه
والله يدوووووووم المحبه بينكم يارب
ودي لك..

[فوق مستواااك]

فكرره حلوووه.. والله يسخر زوجك لك ياااااااارب ويديم السعاده عليكم

[زينة الحياة الدنيا]

ربنا يهدى سركم

[ام اسراء]

حررررركه مره حلوه يبغالي اسويها
لاني تجيني ايام زيك كده واقعد ابكي وهو ولايحس فيني
مشكووووره

[نسمة المساء]

حياكم المولى ... ربي يسعدكم ويهنيكم جميعا .... مشكورين على المرو والكلمات الطيبة والدعوات الحلوة .... اللهم سخر أزواج أخواتي لهن وسخرهن لأزواجهن وبارك فيهم واجمع بينهم بالخير اللهم آمين

[ام الهادي]

الفكرة تجنن الله يسعدكم ويخليكم لبعض

[نسمة المساء]

المشاركة الأصلية كتبت بواسطة ام الهادي

الفكرة تجنن الله يسعدكم ويخليكم لبعض

اللهم آمين وإياكم آمين يا عسل

[سلمى*]

فكره حلوه تسلمين....

[#عيــ الجوريه ــون#]

يعطيك العافيه على الفكره الجهنميه ،، حركات نسوان هههه *ــ*

الله يسعدكم ويهنيكم في حياتكم،،