لكل من عانت اكتأب الولاده وغير الولاده اكتبي تجربتك

[ام جيانا]

اسعد الله ايامكن بكل الخيرات

احببت ان اشارككن ذكريات الالم التي بإذن الله تنذكر وماتنعاد

انا ممن قدر الله عليهن ان تصاب بإكتأب النفاس والحمد لله فتره وعدت

بكل حب وبكل رغبه في ان افيد اخواتي قررت اكتب تجربتي

مع الاكتاب وياليت من الاخوات الي مرو بها الازمه يكتبون

تجاربهن حتى نفيد غيرنا ونساعد من هم حالياً يمرون بها الازمه

وهنا مو بس اكتاب النفاس لا اي نوع من الاكتاب نكتب عن

تجارب عشناها الاعراض خطوات العلاج وماوصلنا له

وايش الي طلعت فيه من تجربتك

وانا ببدا بنفسي ويارب تكون تجربتي مفيده للكل

الحمد لله كما ينبغي لجلال وجهه الكريم

قصتي بدات مع حملي الاخير

ومع اني مو ام جديده ولكن هالمره غير بكل المقاييس

حملت وعندي طفل بعمر السنتين

كان الحمل بدون تخطيط والحمد لله ربي اراد

المهم عدت الشهور الاولى والوسط على خير

لكن مع بداية الشهر السابع بدت بوادر الاكتاب تظهر عندي

والي زاد الطين بله اني اجهل هالموضوع مره

ولا اعرف ان فيه شيء اسمه اكتاب

وممكن يصيب الحامل والنفاس

المهم تعدي الايام بقليل من الضيق والهم

ولما وصلت للشهر التاسع صرت احس بضيق بصدري لا يطاق

وخووووووف الله لا يوريه مسلمه وهم والم وحزن وعدم نوم

تخيلو ماكنت انااااااااااااام ابد
اغير وضعي واسمي
مافيه فايددددده

اقوم اخذ لفه بالبيت واشرب كوب لبن عسى ولعل انام

ومافيه امل انام صرت كأني مدمنه

كنت اشكي لزوجي بس هو مااهتم ولا اعطى الموضوع اي اهتمام

ومشغول بتجارته واعماله الخاصه وانا صفر ع الشمال

كان يحسسني اني هم على قلبه

وهذا الشي زاد المشكله تعقيد

بنات والله حتى الاكل صرت مااكل

تخيلتو الوضع كيف ؟؟

لانوووووم

ولا اكل

وبس تفكيررر

وخوووووف

بعدها باسبوع انهرت بالبكاء ورحت للدكتوره

ومافهمت الي عندي هو شي نفسي بالعكس

.........................

وولدت وانتهى حملي

ولكن

حملت شيء اكبر واثقل بعد خروجي من غرفة الولاده مباشرةً
طبعاً انا اولد قيصري

وللاسف الله المستعان ابتليت بطبيبه كل همها الماده

بعد الولاده مااحسيت الفرحه الي تحسها كل ام بمولودها الجديد

الا خايفه بشكل ولا انااااااااام

وجووووووعانه بس مااشتهي الاكل ابد

وقلقانه ومتوتره

وضااااااااااااااايق صدري

وودي اصرخ صرخه يسمعها كل من على الارض

بنات كنت احس اني بمووووت

الم بكل جسمي وضيقه عمري ماحسيتها
والله مهما اكتب ماتتخيلون كيف

للاسف
لا
الدكتوره
ولا
زوجي
ولا
اهلي
ولا
انا
انتبهنا ان الموضوع نفسي

ومرررررت الاربعين على نفس الوضع وزاد الضيق والحزن والخوف
ومافي شي بالدنيا ممكن يحسسني براحه

بعدها
ربي
هدانا انه لازم نشوف للموضوع بالمستشفى
وفعلا رحت لدكتوره ثانيه
وقالتلي لازم تشوفين طبيب نفسي
ورحت
ودخلت
وقلت كل الي صار معي
وصرت اخذ جلسات ومهدأت
وضليت سنه
والحمد لله كل شهر كان اهون من الي قبله
لين تركت العلاااج
وقالي الدكتور الله معك
وانتبهي على نفسك
وغيري طريقة تفكيرك
وقوي صلتك بالله

والحمد لله انتهت معاناتي والله لا يوريها لمسلمه

انا ابي بس بعد هالتجربه افيد كل خواتي
انتبهي لنفسيتك
كثر
ماتنتبهي لجسمك
وخليك قويه
ولا تراكمي همومك

كوني قويه بالله

ولا تسمحي للخوف من اي شي يتملكك


اتمنى للجميع الفايده
والله من ورا القصد
انا ماكتبت قصتي الا افيد بها غيري
وياجعل عيونكم ماتشوف الي شفته

تمنياتي للجميع بدوام الصحه والسعاده


ام جيانا


.................

[اركان]

هذي اول مشاركه لي معكم وجذبني موضوعك لاني عانيت الاكتئاب وجربته واللي حولي
كانو يقولون انتي تدلعي لانك مو قد مسؤلية طفل
لكن الحمدلله اللي كفاني بنفسي وصرت ابحث في النت واثقف نفسي لحد مافهمت حالتي وقاومت الوضع من غير مساعده الا من رب العالمين

[ام جيانا]

هلا وغلااااااا اختي اركان منوره
اسعدني مرورك على موضوعي
اضافتك رائعه وياااااارب فالك
السعاده على طووووووووول
بس ياليتك كتبتي الاعراض
الي حسيتي فيها.......
ومشكوووووره,,

[اركان]

شوفي حبيبتي اول اسبوع ماحسيت بشئ بس بعدها صرت احس زي التنميل يبدأ برجولي ويطلع على فوق في جسمي كله ولاعاد اقدر امسك البيبي ولا ارضع وكرهته بشده واذا بعدت عنه احن واصير ابكي بهستيريا واذا قربت كرهته ورميته بطول يدي واصير ادور بالبيت واصيح واتمنى اموت لاني مو عارفه اش اللي فيني تعبانه ابغى اصيح وبس لدرجة اني فكرت في الانتحار لكن بعد الله كلمتني وحده من صاحباتي تبارك لي بالمولود وكانت اخصائية نفسيه فشكيت لها حالي وهي اللي فهمتني انها اكتئاب وانه عادي يجي لمعظم الحريم وعطتني نصايح كيف اخفف منه خصوصا وانه كان يمسكني بعد المغرب واخر الليل بس
قالت اذا بدأتي تحسين بالتنميل اطلعي من الغرفه وروحي غرفه ثانيه وابعدي عن النونو وشمي هوا طبيعي واشغلي نفسك بالنت او بكالمة وحده فرفوشه تطلعك من الجو واستغفري كثير واذا زوجك متفهم خليه يوديك منتزه او سوق او مطعم بدون النونو طبعا
والحمدلله عدت سبلام بعد حوالي 9 شهور*

[ام جيانا]

هلا اختي اركان
والف الحمد لله ع السلامه مره ثانيه
تسلمين ع الشرح وفعلاً اعراضك تشبه
الاعراض الي جتني بس مع بعض الاختلاف
انا التنميل كان بيديني مو برجولي ويبدا بالاصابع
ويطلع لين صدري واحس بنار داخلي وتوتر على
طول رايحه جايه بغرفتي ومقدر اهداء وكنت خايفه
بشكل مو طبيعي لدرجه انوه ارجف من الخوف
وخاصة اذا كنت لوحدي او سمعت صوت فجئه
وقلقانه على الصغار... بالنسبه لي انا اضطريت
اخذ مهدئات والحمد لله تحسنت وفتره وتركتها وكل
شي طبيعي بس احس اني صرت حساسه بزياده
الحمد لله ربي هونها وكل شيء باجره
بس ابي اسألك
-تحسين الان بالسعاده؟؟؟؟؟
-تشوفين نفسك مثل اول ولا لا؟؟؟؟
ــــــــــــــــــــــــــــــــــــــــــــــــــ ـــــــــــــــ
بارك الله فيك وجعله في ميزان حسناتك
وتذكري انا انا وانتي راح نفيد غيرنا بتجاربنا
والله يحمي بنات المسلمين من كل شر

وكل سنه وانتي طيبه
دمتي بكل خير

[ام مااهر]

حبايبي انتو خوفتوني والله انا بالثامن وخايفه يجيني اكتئاب بعد الولاده بالذات من التغير بجسمي اخاف مرررره
@
بس زوجي دايم جنبي ويخفف عني كل احزاني تتوقعون لو هو يكون عندي وقت النفاس بيخفف عني وما يجيني اكتئاب ؟!

[حلوة البنات]

تصدقوا

اول مره اسمع باعراض الاكتئاب


يمكن عندي اكتئاب على خفيف


انا جت فتره دايما احس نفسي معصبه و ودي ابعد عن ولدي شوي ودي اختلي بنفسي استانس بس للاسف زوجي مش راضي ياخذ اجازة


و دائما متوترة


و احس بخوف و تنميل في اطرافي

لكن مو عارفه ايش السبب


كل اللي عرفتهانو الحل اني ابغى حاجه تسليني بعيد عن البيبي

خصوصا لاني تزوجت و حملت بسرعه و صار عندي نزيف بالبدايه

و في الاخير تعبت كمان و تنومت و انا بالثامن


الحين ولدي عمره ثمانيه شهور و خفت عندي الاعراض بس احيانا تزيد


يعني مش طول الوقت


الله يعيننا و يساعدنا يارب


كنت متوقعه ان عندي اكتئاب بس ما عرفت


لكن انا اضحك مع الناس اذا شفتهم بس بالبيت بس ارجع للبيت و العيال و الزوج انهم مره ثانيه


طيب ايش تنصحوني الحين اسوي


انا تجيني اوقات اعصب و اصير متوتره بس الحين اخف من اول لكن غالب الوقت احس بخوف

[~قموووره~]

هههههههههههههههههههههههههههههه
ضحكتوني تذكروني بأيام عدت عليا ويارب ماتعود ابدآ

فترة الحمل والولاده الحمدلله كانت زي الفل بس بعد الولاده فترة النفاس ياويلي بدأت المعاناه كان فترة الليل عندي اصعب فتره اقضيها كلها بالبكاء واللي زاد الطين بله زوجي كان بعيد عني هو في مدينه وانا في مدينه مع اهلي كنت اترجاه يجي وكنت احيانآ اسوي فيلم هندي اشوف المكان اللي كان يجلس فيه (بما اني في المجلس فترة النفاس) وكنت ابكي واتخيله جالس معايا لدرجه جا يوم وبنتي تبكي من المغص تبكي طووول الليل قمت لاختي قلت خذيه ماأبغاها وديها اي مكان شالتها شويات حنيت لبنتي ابغاها ورحت وجبتها عندي لما جا يوم دقيت عليه اقوله اخاف اموت وانت بعيد وبنتي مدري من بيربيها حرام اخليها بدون ام وبكككككككككككككككاااااء خخخخخ ومسكييييييين خاف الرجال قام كل شويتين يدق عليا يتطمن ويقولي يابنت الناس اقرأي قرآآآن كل شوي اقراي واسمعي حتى لو من جوالك هو لولا عمله كان جاني بس ابدددآ مو راضين يعطوه اجازه المهم صرت قبل ماأنام احط قرآن فوق راسي وانام واقرأ قرآن من الجوال والحمدلله فترة بسيطه وانتهت الكآبه ونفسيتي ارتاااااااحت ( الابذكر الله تطمئن القلوب ) صدق الله العظيم

يعني يابنات بإختصار اي وحده تحس بأعراض اكتئاب الولاده تسمع قرآن بكثره اتوقع السبب الوحده فترة النفاس ماتصلي ولاتقرأ قرآن فالشيطان يلعب بعقلها الله يكفينا الشر


الله يبعد عنكم الاكتئاب يارب ويجعل ايامكم كلها افراح

[sundy1]

السلام عليكم
انا صارلي متزوجة سنة وشوية ومتغربة في دولة ثانية بعيدة عن اهلي واعاني مشاكل مع زوجي وكانت هالسنة غير عن ماتوقعته اني اكو مبسوطة ووووو
المهم انا اعاني من الاكتئاب ورحت دكتور نفسي عطاني مهدئ ودواء للنوم لاني عندي ارق بس للحين لاازال اعاني لان السبب الرئيسى ما زال اشعر برغبة شديدة بالبكاء يعني ممكن ابكي من اتفه الاسباب وضيق شديد في صدري وعدم الرغبة في ولا اى شئ كرهت حياتي ومليت من كل شئء
ولي قهرني اكثر اني المفروض اني اعيش اسعد لحظات حياتي بهالسنة الحمد لله ع كل شئ والله لايبلى احد بها المرض لانو اسوء من المرض العضوي شكرا اختي ع الموضوع

[بنتك يابوي]

آآآآآآآآآآآآآآآآآآآآآآآآآآآآآآآآآآه ذكرتيني بالذي مضي والله يامرت علي حاله كل ماتكرها ابكي

انا سالفه والادتي غير اصلا ههههههههههه كلها اكشن

انا رحت باول التاسع لهلي المهم زوجي يجيني كل خميس وجمعه لانه في منطقه ثانيه بعد ماخلصت التاسع باسبوع جاني

وكنا بنروح للفندق وبالطريق قالي خلينا نمر مستشفي نطمن وياليتنا مارحنا يوم كشف الدكتور قال الماء ناقص والنمو متاخر

لازم ولاده ضرورررري انصدمت بقوه ماتوقعت ولاده ابد ............ هنا بدا الاكتاب وكره الحياه وتمني الموت

المهم جلست اربع ايام على طلق صناعي ومافاد وبالاخير عمليه وها الصدمه الثانيه

العمليه ماكنت في الحسبان ابد جااااااااااااااااني اكتاب الله لايوريكم تنفخت عيوني من كثر الصياااااااااااااح والبكاء

لااكل ولا اشرب صرت زي العود بس الحمدالله لاحقت نفسي بالاخير ورحت لدكتور نفسي وعطاني حبوب

والحمدالله مرت بسلام

يالللللللله ياااااااااااااااااااااااااااااااااااارب مادخل العمليات مره ثانيه

قووووووووووووووووووولوا امين