هنوني هنوني بولاده سيف نور عيوني

[صعب تنساني]

السلام عليكم ورحمة الله وبركاته
شلونكم كروشات الحمد الله على سلامه الي ولدوا وللباقي الله يسهل لهم
انه الحمد الله ولدت تاريخ 25 / 6 وحبيت انقل وافيدكم بتجربتي بالولاده لاني كنت بكريه وخايفه حال اي وحده من الولاده وادور على كل قصه ولاده استفيد منها المهم ما طول عليكم ,,,,,,,,,, يقولون انه المشي ييسهل الولاده علشان كدا سمعت نصيحه وصرت امشي كل يوم ساعه من بدايه التاسع ولا فيه فايده اكلت التاسع كله وباول يوم بالعاشر الفجر صحيت من النوم على صوت اذان الفجر قمت ابي اصلي والى احس بشي دااافي يسيل على رجلي ما عرفت شنو هذا لاني ما صدقت يكوون ماي النونو على طول ووقظت امي قالت لي ماي النونو يعني الولاده قريبه انه ما حسيت لا بوجع ولا الم سبحت بماي دافيه وعلى طول اتصلت لزوجي ورحنا المستشفى ركبوا المغذي وجهاز الطلق قالوا لي ماي البيبي ينزل وطلق مختفي وهذا خطر على الجنين راح نعطيك طلق صناعي وتموا يعطوني طلوق من شتى انواع حبوب وابر ومغذي وحتى داخلي بس جسمي ما يستجيب للطلق وهم رايحين جاين يقولون للحين ما تحسين بالم قلت لهم لا كانه بيدي وكنت على طول ابكي لانه ما فيه طلق والماي تنزل حتى امي دخلوها تطل على لانه طولت وااايد دخلت على وقعدت ابكي قلت لها ما تم شي ما عطوني اياه فقدت امل لو يبي يطلع طلع وقعدت ابكي مثل الاطفال وامي والسترات يهدئون فيني قالوا لي بس خلاص الحين خذي قسط راحه وبكره نبدي من جديد طلووق واذا ما فاد عمليه بس انه ما سمعت كلامهم قمت امشي وامشي لحد ما تكسرت رجلي كنت انه الوحيده الي بالمستشفى اولد لانه كلهم الي جوا بعدي ولدوا وانه ما احس بطلق كنت اسمع اصراخ اطفالهم واتمنى اكون مكانهم بعد ما مشيت قلت راح اريح بس قبل كل هذا راح اطمن زوجي على حاولت اتصل فيه بس ما لقيت خط رحت نمت وبعد ربع ساعه جاني الم فضيع مثل الم الدوره واقوى بشووي لا تخافون يا بكريات الم يتحمل يروح ويجي ومن شده الم ارجع وبطني خالي وبردانه بدا الم من ساعه 12 باليل الى 12 الظهر وانه اتالم وبعدين انفتح 2 ونص والدكتوره فتحت الكيس وانه تعبتهم ما عرفت ظنيت اني ابي اروح الحمام وانتوا بكرامه كانوا يصارخون على وانه اصارخ معاهم قالوا لي نحط القسطره حطوها وهاوشتهم شالوها لانها كانت تالمني وتحرقني كانه التهاب وهم كل ربع ساعه يشوفون كم التوسعه من ساعه ما فتحوا كيس الساعه 12 الظهر الى ساعه 3 الظهر وهم يشوفون كم التوسعه وساعه 2 حسيت بالم مو طبيعيه كانه شي بيطلع مني والدكتوره تقول بس خلاص قربتي راح نجهز جابوا سرير البيبي واوات الاخياطه وبعدين عطوني مخدر وشقوني كنت من الحمل شايله هم الشق بس ما حسيت بشي من الم طلق وخلاص وصلت حدي من الم حتى الي بالممر يسمعوني من لصراخ حتى الدكتوره تظنز على تقول لي الحين بتصيرين ام وانتي تصرخين قالت لي تحملي علشان البيبي وانه اقولها ما ابيه طلعوه ريحوني منه وساع 3 قالوا لي خلاص دفعي وانه مو قادره من تعب لانه ليلتين ما نمت وانه ادفع انام شوي وادفع ويهدوني اني راح اخنقه اذا ما دفعت بقوه دفعت 20 دقيقه وانه ادفع و وادفع بعدين حسيت بشي ينزلق مني يقولون لي مبروك بس ما اسمع صوته من خوفي نسيت الم قلت لهم عايش ما اسمعه يصيح خذوه وشفطوا الماي منه وسمعت صرخته وردت روحي من فرحتى بصرخته راح كل الوجع قلت لهم يبشرون زوجي وامي وبعدين خيطوني بس من التعب ما حسيت بالخياط يا بكريات لا تخافوا من الشق ولخياط من التعب والبنج ما راح تحسوا بشي وخلاص ذاك اليوم كان احلى يوم بحياتي يوووم ولدت سيف حسيت اني ملكت الدنيا وما فيها وعقبال الباقي يارب الله يحفظه لي هو ابوه ويخليهم لي

[صعب تنساني]

نسيت اقولكم اني اشكر المنتدى رائع وعضواته على وقفتهم معاي خصوصا تجمع جمادى الثاني وتجمع البحرينيات والعراق لانه كانوا يسلوني باصعب ايامي ووخصوصا ام لسان حبيبي

[om aseel]

الف مبروووك ياااقمر والحمد لله على سلآمتك انتى وسوفة يتربى بعزك يااارب

وتشوفيه احلى عريس بالدنيااا ....~

[عشق الطفولة]

الف الف الف مبروووووووك
و الحمد لله على سلامتك و سلامة سيف يتربى بعزكم يا رب

و الله يكتب اجرك و اجر كل والده يااااا رب

[mai mohamed]

الف مبرووووووك عقبالى يااارب انا خايفه موووت

[زينب السعدي]

الف الف مبووك يتربى بعزكم والله يجعله من الاولاد الصالحيين ويسهل علينا يااااارب

[صعب تنساني]

المشاركة الأصلية كتبت بواسطة دندوٌوٌن

الف مبروووك ياااقمر والحمد لله على سلآمتك انتى وسوفة يتربى بعزك يااارب

وتشوفيه احلى عريس بالدنيااا ....~

الله يبارك فيك غلاتي والفال لك يارب

[صعب تنساني]

المشاركة الأصلية كتبت بواسطة عشق الطفولة

الف الف الف مبروووووووك
و الحمد لله على سلامتك و سلامة سيف يتربى بعزكم يا رب

و الله يكتب اجرك و اجر كل والده يااااا رب

الله يسلمك ويخليك لاهلك

[صعب تنساني]

المشاركة الأصلية كتبت بواسطة mai mohamed

الف مبرووووووك عقبالى يااارب انا خايفه موووت

الله يبارك فيك لا تخافي كلها تياسير من رب العالمين راح تتالمين شووي بس من تشوفين البيبي تنسين كل شي والتعب يروووح

[صعب تنساني]

المشاركة الأصلية كتبت بواسطة زينب السعدي

الف الف مبووك يتربى بعزكم والله يجعله من الاولاد الصالحيين ويسهل علينا يااااارب

الله يبارك فيك ويخليك ويسهل عليك