السلام عليكم ورحمة الله وبركاته
حوامل امس ولدت الحمدلله وجبت بنوته
ولله يسهل ع كل حامل وطبعا حسيت بالولاده
طبيعيه والقيصريه مع بعض بنفس الوقت
وجبتها قيصري مع ان طبيعي بعد جربته
انا مابي اخرعكم
وهذي قصه ولادتي
رحت يوم لاربعا بليل للمستشفا لان طايفه موعدي
وتعديت 6ايام من العاشر
شافتني دكتوره طبعا ماحس باي طلق ولا الام
لان بجر مو فاهمه شطبخه جان تشوف ماي جنين
قالت ممتاز بس انتي لازم تولدين لان البيبي راح
يكبر وكل ماكبر فيه خطوره قلت بتوكل وبدش
لان اساسا انا مليت وتعبت طبعا قبل هذا قالتلي
بنت راسها تحت بس مو نازله الحوض قلت شلون
يعني مع ان كنت امشي قالت شوفي انتي
مفتوحه 2سانتي بس بنعطيج طلق صناعي
وان شالله تنزل مع طلق وقالت 50٪طبيعي
و50٪قيصري قالت خل اكون وااضحه معاج
قلت شسوب مو مشكله الي كاتبه لله بيصير
دشيت س12 ليله لاربعا وجت دكتوره مناوبه
فحصتني وحطتلي تحميله حق طلق الله وكيلكم
من س12لين س6 وانا حاطين تخطيط حق جاهل
ابطني وزوجي مسكين جاب اغراضي ونام ع
قنفه مهم ساعه 6جت وفحصتني بعد وحطتلي
تحميله ثانيه ولين ساعه10 جت افحصت قالت
3سانتي يلا ولاده
انا طبعا ماحس بشي يعني لا طلوق ولا شي
رحت ودعني زوجي ودشيت المهم الا تحطلي
تخطيط ع بطني مادريت الااا بعد ساعه
الا يابنات سبحان لله شفتو الخروف لما ينحرونه شلون
يرفس انا كنت نفسه بضبط وتقولي سستر
اخذي كمام واخذ واخذ عشت. بدنيااا ثانيه
وهلوووس وكنت اصاارخ
واقولهم وين دكتورتي جت او لا قالو جت فحصتج
وراحت وماسمع الا شي حاااار نزل مني ماي
جنين. كانت تبطه دكتورتي وانا اشم كمام واصارخ
قالت مفتوحه 5ونص وراس ترا مانزل وانا
كنت بس ابي الفرج قالت هااااا ازيد طلق وليما
تفتحين 10سانتي ومكن ترا تنزل وامكن لا
وانا اخاف اعطيج طلق وتنفتحين زياده وماتنزل
وتروحين عمليه
قلت دكتوووره خلاااص بمووووت ولديني عمليه
لان صج ماكنت اقدر اتحمل صوتي راح من كثر
صراخ وضغط ع بطني واااي يمه صج تعبت حيل
ودتني عمليات ومادريت بنفسب الا وانا طالعه لغرفتي
يعني حسيت بهذا وذاااك
وجبتها نتفه بعمليه وقلت الحمدلله ع كل حال
والحمدلله وهذي قصتي واي وحده عندها سوال
تقووووول