رجيم للحمل ....بليييييييييييييييييز

[القلق]

هل أستطيع إنقاص وزني خلال الحمل تحديدا بعد الشهر الخامس بدون أي اضرار على صحة الجنين ...لأن وزني يزيد مع إن أكلي بسيط...مع العلم إني عندي فقر دم ونقص كالسيوم .....ساعدوني ياكروشات....بلييييييييييييز

[سوسو الأموره]

هلا حبيبتي اما رجيم ماانصحك عشان البيبي لاكن كلي اللي يفيدك الخبز بدليه ببر والجبن قليل دسم وكمان اللبن والحليب الرز كلي ناشف مع سلطه كثيره كمان كثري ايدامات وفواكه وخضار وابتعدي عن الحلا والمعجنات والخرابيط ماتزيدي
وبعد الولاده يمديك...

[القلق]

تسلمي يا سوسو على الرد لكن بالطريقة هذي بينزل وزني أو بيثبت ....؟؟؟؟؟؟

[فليك]

هلا عيوني
والله ما اعتقد ان وزنك ح ينزل طول منتي حامل
لا تشيلي هم - بعد الولاده ح يرجع كله طبيعي و ممكن تنحفي اكثر حتى
بس من جد حاولي تخففي من السكريات و الموالح و خليكي ف المفيد
موفقه يارب

[ريم ام لولو]

أنا نفس معناتك توني داخله السادس ووزدت 13 كيلوا
وأتوقع أني بزود في الأشهر القادمه اكثر بس والله ماادري وش اسوي

وسالت الدكتوره قالت خففي سكريات وخففي نشويات

بس اللي يهونها علي اذا رحت المستشفى وشفت حوامل في الانتظار اسمن مني بكثير ارتاح شوي احس فيه احد مثلي

[melan]

كثري سلطاااااااااااااااااات مايزيد وزنك وكمان زبادي وبكذا صحتك زينه ووزنك مايزيد
وفيه موقع بيبي سنتر حاطين تمارين للحامل من الشهر السادس اظن

[لمعة الماسة]

كل الحوامل يصير لهم كذا انا الحين في الخامس وزايدة 8 كيلو الله يستر بس ان شاء الله بعد ماتولدين سوي حمية

[qatar eyes]

ما انصحج بعدين ان شاءالله بتنزلين تلقائي

[مرموره]

حياتي انا رايي من راي سوسو الامورة حافظي كثر ما تقدرين يمكن اكلج بسيط لكن مو صحي ويسمن كثري حلييب خالي الدسم حق الكالسيوم واكلي تمرروجرجير وكبده دجاج عشان فقر الدم وضروري حياتي تاخذين حبة الحديد والكالسيوم