هل يمكن أن يكون حمل ؟

[JeWeL]

السلام عليكم ورحمة الله وبركاته

كيفكم يابنات هذا المنتدى الرائع ..~

في البداية هذي اوووول مشاركة ليااا بس كنت متابعة منتداكم الرااائع لي فتررررة ..

يابنات ابغاكم تفيدوني باللي تقدروا علييه ..

اولا .. انا دايما تستمر الدورة معايا 6 ايام .. اخر يومين تقل معايا
المهم ..!
لكن هذا الشهر صارت غرييييبة
اول شي متقدمة 4 ايام (قلت مو مشكلة تتقدم عادي ) وقبل ماتجي ب5 ايام جاتني الااام دورة خفيفة لمدة تقريبا يومين ( كمان عادي لانه انا احيانا تجيني الم دورة قبل موعدها ) وقبل ماتنزل ب 3 ايام صارت حلمااتي حساسة مرررة مااقدر المسها تألمني ( اناا احيانا في بعض الدورات يجيني الم في الصدر قبل موعدها ب 5ايام فأعرف انها بتجي ) وقبل ماتنزل بيومين نزلت مني افرازات كثيررررررة مررة ولزززجة حتى احس انها الدورة جات اروح مالاقي شي
بس بعدين جات .. وجاات خفيفة يعني مو زي العادة وكمان بس استمرت 3 ايام بسسس تخيلوا ووقفت
واللي محيرني زياادة انه الى الان صدري يابنات صااااير مرررررررة يووجعني ومنفوووخ (مع العلم اني مخلصة دورة دحين ليا امممم تقريبا 3 ايام )
ولسى الم صدري مستمر واول مرة يستمر معايا لين دحين
مع انه في العادة اذا جاني الم في صدري قبل وقت الدورة عادي بس اول ماتجي اول يوم حتى على طوووول تخف ويروح ..
وهذي اول مرررررة كذا يستمر

افيدوني بنات
انا قلت يمكن مو دورة دي لانو الم صدري خلااني اشك
وكمان زوجي يقول يمكن هذا حمل

وانا احتررت ..
ابغاكم تفيدوني وتفرحوني وكل شي تقدروا عليه ..
ومااقدر اروح للدكتورة الا يوم السبت

انتظركم ..~

[دمعة الفراق]

حبيبتى الله يرزقنى ويرزقج الحمل السليم وكل محرومه ياااااارب
والله حبيبتى ما عندى اى خلفيه حتا انا عندى انتفخ والم فى الصدر وبروز الحلمه
وما اعرف هل ها اعراض حمل او لا
انا متزوجه من ثلاث سنوات

[منتهى الحب]

طيب حبيبتي لما تفوتك اسبوع اعملي تحليل ويااا رب تطلعي حامل

[JeWeL]

اول شي مشكوورات ع الرد السريع
الله يرزقنا ويفرحناا يارب العالمين

بس انا جاتني بس جاتني خفيفة
يعني تقصدي احلل بعد اسبوع ؟؟

مين تعرف نفس حالتي الله يسعدكم

[أم نونه]

ياعمري أقدر أقولك ان شااااااااااااء الله انه حمل
لأن في حملي ببنتي استمر الم صدري فتره طويللللللللللللللللله لدرجة اني احاول لما افسخ الستيان اني احمل صدري بيدي لأن احسه ثقيييييييييييييييل ومؤلم فيمكن تكوني حامل
بعدين حريم زمان كانت الوحده تعرف انها حامل من ثقل صدرها هذا كلام امي
الله يرزقك يارب
بس حللي بسرعه عشان تتأكدي وماتجلسي قلقانه

[JeWeL]

أم نونة
ياعمري انتي
الله يطمنك يارب ويفررحك يارب

ان شاء الله اذا استمر بروح السبت وبشوف وش تقوووول لي ..

[:: Galaxy ::]

طيب عزيزتي ليه ما تحللي بالبيت ( تحليل بـــول )
على بال ما تروحي للطبيبة يوم السبت إن شاء الله ؟؟

[ғuѝқą]

يْ قلبي إنتي .. ربي يرزقك الذريه الصآلحه بإذن الله ...


(حللي بول ) وإن ششًآءالله تفرحي وتبششرينآ يْ عسسًـل ,,

[JeWeL]

جالكسي وفيونكا
ربي يسعددكم يالبى انتوووو
انا قلت كذا بحلل في البيت بس مدري ماابغى زوجي يتحمس
بس شكلي بقوله

الله يفرحنا
ويااارب يكوون حمل واجي ابشرركم يااااااااارب

دعواااتكم

[ام عبدالله 86]

طيب حاولي توصي احد يجيب لك التحليل من غير مايدري احد من اهلك مثلا ؟؟