كرهت زوجي ولامجال لإستعادة حبي له من جديد

[المتفائلة دوماً]

مرااااااحب للجميع ...

أعرف اني ماأدش غير لما أكون بمأزق ...

بس وش أسوي طبعي ماحب أفضفض لحد غيركم.... ماريد أمي تتضايق إذا عرفت ان بنتها آخر العنقود مامرتاحه بحياتها ولاخواتي ماريد حد يتعاطف معي ويرحم حاااالي

قد يبدو لكن أن مشكلتي لا أساس لها لكن ربي الشاهد انني أمر بضروف نفسية صعبة .. نفسيتي انهاااااااارت خلاااااص ما صااار فيني .. تصدقو بنات صرت أكره زوجي بشكل بعد ماكنت أحبه ...

كرهته بس مافي سبب قوي جايز لأني ف بيت أهلي كنت متدلعه كثيييييير وتعودت ع الدلع بشكل مباااالغ فيه ... أحس أن زوجي صااار مايهتم فيني كالسابق ... أنا دوامي الصباح وهو دوامه المساء ... أحياناُ يعصب علي ع أمور تافهه جداً وبنفس الوقت أنا من النوع العصبي وأكره الواحد اللي يريد يفرض شخصيته علي بالأخص أن زوجي أصغر مني بسنتين فلما أحس انه يفرض علي شخصيته أستحقره استغفر الله .. بديت أحس انه لايعتمد عليه خصوصاً ف الامور المادية يعني تصورو أنه مستعد يصرف راتبه كله ف يوم واااحد ف أشياء تافهه جداً ...

نحن تعودنا أنا زوجي ع المزاح والضحك حياتنا كانت كله مزاح ولعب أغايره ويغايرني ونطنز أحياناً ع بعض وكان أمورنا طيبه .. بس سبحان الله بهاليومين صرت أتحسس من كل كبيرة وصغيره أحسه مايمزح المزاح صار جد حتى لما يجلس يطنز أحس من خاااطره !! ويلمح كذا مره أن البنات حساسات وبسرعه ينجرحن ويقصدني أنا ف الحقيقة بس بطريقة غير مباااشرة ..

ومايهتم فيني ولابصحتي ماتهمه حتى مرة ونا جايه من الدوام خبرته اني تعبانة ولاقدرت آكل شي يوم بحاله .. تخيلو !! كأنه ماسمع شي .. ع فكرة كل ماأشكي من شي مايهتم يكون عااادي عنده

صرت أكرهه بشكل كبييير.. بالأخص انه وقت النوم يتغير يصير حنون ورومانسي ويبدأ يدلعني ليش كل هذا طبعاً عااارفين ... مايحتاج أوضح!! حتى آخر مره سوى فيها هالحركة انا صرت كأني جماد صرت ماأحس برغبه جنسيه معاااه أبداً ماتتحرك فيني ولاذرة مشاااعر!!

من يومين انا تغيرت ف طريقة تعاملي معاه صرت ماأكلمه غير ف الأمور الجادة فقط كأمور الخدامة والأمور اللي من مسؤوليته هو .. ولاصرت أضحك كله مكشره معاه عشان شوي يتأدب ويحس فيني يحس اني زوجه ومحتاجة رجل بمعنى الكلمة يكون جنبي .. صرت أهتم بنفسي وبصحتي أكثر صرت أكشخ زود عن قبل .. وكله هذا ولااااااااااااا فارقة عنده يااااادوبك أمس بس حس وقال انتي متغيرة معي وع كلااامه انه ماجاه نوم بس مااااعلي هو ماجاه نوم عشان ماصار بيننا ... !! قبل النوم وهو هالشي الوحيد اللي ينومه يعني إذا ماسوى صعب أنه ينام ... مشكلتي صرت ماأشتهيه أبد أبد أبد حتى صرت أكره ريحته مع أنه مافيه ريحة كريهه بس هذا من زود كرهي له...

كرهت حياتي وين أنا قبل ووين صرت الحين انا اللي ضحكتي ماتفارق وجودي صرت مهمومه وحزينه ومضااايقة بس أحاول أتغلب ع هالضيق عشان مايأثر ع صحتي ويبان ف شكلي

قبل كم يوم نفسيتي واجد منهاااره وتعبااانه بس الحمدلله الحين صرت قويه وبراويه من أكون ! ماأنا اللي يتسوى فيني كذا ..

وما تتصورو نفسي أدورله زوجه ثانيه عشان ضميري يرتاح وأرتاح من همه الكبير ع قلبي بس ماأخبي عليكم اللي يهمني كلاااام الناس وااااجد بتأثر لما أسمع الحريم يتكلمو فيني بالأخص ان نحن صارلنا سنتين زواج وش راح تقول الناس علي ...

للعلم أنا ولله الحمد ملتزمه بديني وأذكر ربي بس ماعااارفه وش اللي صااااير والله همي كبيييييييير وخااايفة العواقب تكون وخييييييييمه.. وما أتصور اني راح أرجع أحب اللي يقولو عنه زوجي للأسف ..

جايز مايكون فيه حل لمشكلتي بس والله حابه أفضفض وحد يخفف عني

والحمدلله والشكر ع كل حااال

[المتفائلة دوماً]

محد يخفف عني ولو بنص كلمه ...
كلمه ولو جبر خاطر

[أم الوليد 123]

اختي هذه حياتك المفروض تحاولي تحبيه مثل اول ياقلبي رقي على نفسك وبيتك ياقلبي الزوجه الثانيه رح يكون صعب عليك وحتى طلاق صعب لا تفكري كذا حاولي

[المتفائلة دوماً]

ياأم وليد المشكله القلوب مانقدر نتحكم فيها ونا طبعي ان كرهت شخص من الصعب اني أرجعله مثل قبل .. أحس نفسي عايشه معاه ونا جالسه أنافقه ... كله أسايره بس وكاتمه كرهي له بداخلي .. أحياناً يجيني شور اني أواجهه وأصارحه بكرهي الشديد له ... وش رايكم أصارحه أو لأ ...

[هنادي تنادي]

يابعد قلبي ..

مافيك إلا العافية ..

أنتي أحد ثنتين :

الأولى والأقرب : إنك حامل ولادريتي وهذي أعراض طبيعة يكون مالك خلق ذاك الشيء وتعصبي على كل شيء وربما تحسين فيه ريحة ولا تطيقينه .. وكلها شهور وترجعين طبيعية وسعي صدرك ..

الثانية وهي الأبعد :

إنك تمرين بفتور عاطفي يكون بسبب ضغوط العمل أو الحنين لحياة البيت والأم والسلامة من المسؤولية ..

وسعي صدرك واستهدي بالله وتذكري إن الورد والصلاة في وقتهاوالدعاء مكشف للهموم

[مجنونة بحبها]

استعذي بالله من الشيطان الرجيم واتكلي على الله وادعيه بان يحنن قلبك على زوجك واياك ثم اياك تصارحيه بانك تكرهينا لانك راح تخلي جرح ميندمل ابد وابحثي عن الاشياء الحلوه وانسي الاشياء السيئه لان اذا كل انسان يفكر بسيئات انسان راح يكرها اكيد بس اذا تذكرتي حسناته راح تتغاضين عن سيئاته واخبرك انه مافي انسان متكامل وكل انسان وفيه عيوب ولو تسمعي عن مشاكل الناس لهانت مشكلتك والله احمدي ربك واشكريه لان هناك اسؤا من حالتك بميه مره ويارب الي يحنن قلبك ويحنن زوجك عليك واسفه على الاطاله واتمنى اكون افدتك والله يكون بعونك

[سماء الاحساء]

اسمك متفائله لازم ههاللقب يعكس عليك حاولي والله يوفقك ويسر امورك كثري من الاستغفار حتشوفي العجب ع الاقل لمدة 3 شهور متواصلة بلاانقطاع بنيه اللي تبيه والله يحقق لك مرادك ولاتصاريحنه انك تكريه لا والف لا
والله يسهل امورك ويبعد عنك الهم والكدر آميييين

[جنا المدينة]

الحل ابعدي عنه شويه علشان تشتاقو لبعض الشيطان يصورلك انك تكرهيه علشان يفرق بينكم,,,,قوليلو انك تعبانه ومحتاجه تقضي كم يوم عند اهلك واكيد راح تشتاقي له وهو كمان وخلي رجعتكم رومانسية يعني ليلة بفندق او حتى سفره تغيرو فيها جو لو تقدرو ,,,وترى عادي كلنا نمر بايام زي كده في حياتنا الزوجية بالذات احنا الحريم بس المفروض ما نخليها تأثر علينا كتيييييير وان شاء الله فترة وتعدي....

[ماﺀ السماء]

استعيذي بالله من الشيطان الرجيم اولا
واقري ع نفسك وزوجك لاتكون عيييييييين
واقولها بصراحه انتي كل ما تقولي كرهته
تكرهيييييييييييه اكثررررررررر واكثرررررررر
بصراحه ما عندك ولا سبب مقنع انك تكرهيه
وحكاية اكبر منه واكبر مني هذا خلااااااص
فات اوانها كنتي تقولي كذه قبل بس الحين
صار زوجك المشكله انك ما عاد يملي عينك
ولا عدتي تحترميه ولا تشوفيه رجااااااااااااااال
مدري ليش وهو مطنش طبيعي الحياه الزوجيه
تمر بلحظه فتوووووووووووور بس احنا الحريم نبالغ
ونقول كرهنا وما عجبنا وندور في الشي الحلو الف
مليووووووووووون عيب واضح ياختي ان زوجك ما
غلط معاكي وانكم تمروا بمرحلة فتووووووووووووور
لا تقولي اكرهه وتدمري بيتك ونفسك لانك من جد
رح تندمي واقولك من الان الف مليوووووووووون مره
هتندمي انتي ما كرهتيه انتي كرهتي الاسلوب
والمشاااكل والفتوووووووووور وعشان كذه طبيعي
ماتكونن لك فيه اي رغبه جنسيه حتى لو كنتي
تحبيه مووووت ومريت بهالمرحله رح تكرهيه فيها
ورح تحسي ان الرابط الوحيد بينكم هو الجنننس
بس بصرااحه واقولها من درااايه ان زوجك لساااه
يحبك ورغبته الجنسيه فيكي اقوى دليل ولو ما
يبغاااكي وكارهك زي ما انتي كارهتيه ما كان
حتى رغب فيككي
اقول
اجمعي عقلك ودوري على حسناته مو سيئااته
هذا بيتك وهذا زوجك مو لعبه ومتى ما حبيتي
تفضفضي حباااااااااااااكي بس ابعدي ابليس من
راسك وحافظي ع بيتك وزوجك والله يسعدك

[حلم الأمومة 2010]

حابة قلك شي بس خايفة تزعلي مني
بس رح احكي لانك متل اختي
انا شايفة انك عم تدلعي على زوجك وعم تكبري المشكلة على الفاضي هو ما غلط عليكي كيف لو كان بيضربك ولا بيشتمك ولا يشتم اهلك بعيد الشر شو كنتي عملتي
حبيبتي هي وسوسة شيطان ابعدي عنها وادعي الله يسخرلك زوجك وقولي بيبنك وبين حالك انه هاد زوجك حبيبك سترك وغطاكي وتذكري واجب الزوجة تجاه زوجها واتقي الله في نفسك وزوجك
واستغربت انك بتزعلي لانه بده ياكي (العلاقة الخاصة) لازم تفرحي لانه لو ما كان بحبك ما كان ما نام لما حرمتيه منك
الله يهديكي ويسخرلك زوجك