كيفكم ياحريم
لو مو معانات صاحبتي ماكان يمكن فكرت اكتب الموضوع او ماخطر على بالي
هذي طول الله عمرك معانات صديقتي وطبعا انا امون عليها عشان كذا كتبت قصتها
حملت بعد زوجها بفتره وراحت تكشف وقالو ولد فرحت كثييييييير وسارت تدور على اسم تقول ماجاء علبالي ادور اسم قوي كنت ادور اسم حق بيبي
وعجبها اسم شادي رغم انه كان غريب وولدت وجابت شاادي وبعد سنه حملت وبرضه طلع ولد فرحت كثييييير وبرضه قعدو فتره يدورون على اسم وسمو يزن
الاسماء كانت حلو لاطفال صغار يلعبون ويجرون ويستانسوون في طفولتهم
بس الكارثه زي ماوصفتها صديقتي رغم اني ماشوفها كارثه بس هي ام وتحسها كارثه
الكارثه انه لما كبرو عيالها وسارو في سادس بدؤ العيال يتريقون عليهم
تقول كنت جالسه يوم من الايام اكوي الملابس الوولدي شادي داخل علي يصيح
قلت خير وش فيك قال ليه سميتيني شادي العيال يتريقون على اسمي وقولون يدلوعه ياشوودي انت من وين ياشوودي تقول ساعتها حسيت بالم وقلت ماعليك اسمك حلو بس منقهرين منك قال لاياماما لو انه حلو كان كذا واحد اسمه شادي
شوي الا وخوه يسمعه قال مو بس انت حتى انا يقولولي يزوون ويقولولي وش يعني يزن يعني زن زن زن زن
تقول بعدها قلتلهم خلاص مايهمكم اخلي بابا يروح يشتكيهم قال ماما وش الفايده اسمي على طول معلق فيني الله يسامحك بكره يوم اسير بالجامعه يفكروني مو سعودي (مع احترامي لجميييع الجنسيات بس ذا واقعنا يسعوديين)
المهم تحلف صديقتي انها حاولت كذا مره تغير اسم اولادها بس ماغيروه لها
رغم انه كثير مسمين شادي ويزن وغيرهم بس الاطفال والمجتمع قاسي احيانا
فنتبهو ياحريم يوم تجون تسمووون تذكري انه بكره بسير شاااب ويبغا اسمه يكون رجولي
تعرفون نهاية القصه وشهي تقلي صديقتي حلفت اذا جاني ولد اسميه على اسم ابوي او ابوه وكان اسم ابوها (سلمان وابوه احمد) وتقول خلينا نشووف من يقدر يتكلم خخخخخخخخخخ
مسكينه مالومها
المهم ياحريم انتبهو لاسماء عيالكم اذا عالدلع دلعي الاسم الين يكبر يعني اذا فيصل دلعيه فوفي اذا سعد سعوودي اذا سلطان سوسي اذا حمدان حوحي خخخخخخخخخخخخخخخخخخ
اتمنى ان الموضوع يعجبكم ومايزعل احد
استنا تعليقاتكم