مشكله حتخرب بيتي

[ام تااالين]

السلام عليكم ورحمة الله وبركاته
أنا يابنات مالي غير الله ثم انتم اتمنى اتمنى اتمنى انكم ماتخيبوني.......
كنت جالسه اكوي ملابسه لانه مسافر وهو كان جنبي وبنتي عنده المهم انا اكلمه اناديه مايرد يعني كاني اكلم نفسي بنتي تبكي اقوله خذها شيلها انا بكوي ولا كاني اتكلم المهم انا زعلت ورميت الملابس الي بيدي على الارض وجاه عليه انا من كثر ما انا معصبه ماني شايفه قدامي المهم اخذت بنتي وقالي ليش رميتي علي اللبس انا هنا عرفت انه جاه عليه وقلتله والله ماانتبهت وانا صادقه يابنات ورحت الغرفه وجاني قالي انتي ليش شايفه نفسك اذا تبغيني اطلقك قولي انا انصدمت ماتوقعت في يوم يقولي كذا وجلست ابكي واخذت القران وحلفت عليه اني مو قاصده
تركني وراح نام في غرفه ثانيه
اليوم فبل لايسافر راضيته وقلتله قولي انا راضي عنك وقلي
المهم لما فتحنا الموضوع مره ثانيه حسيت انه مجروح مره من الي صار
وطلبته يقولي انا راضي عنك مارضي قلتله ليش قلتلي اول قالي شفتي تبكي قلبي حن وانا مسافر ماادري يمكن اموت او انتي يصير لكي شي
وقلي انتي مره جرحتيني

ابغى شوركم كيف اراضيه واخليه ينسى الي صار قولولي الطريقه تكفون قبل لا يخرب بيتي
وسامحوني طولت عليكم

[أإأم ع‘ـــزُوـوزُ]

خليه يضل وقت وبيحن لك وبيشتاقلك وبينسى أنـآ زوجي إذآ زعل مني يقعد أسبوع حاقرني وبعدين يرضى علي وينسى كل شي ولا كأن صار شي إنتي إصبري لمـآ يهدأ وبيرجعك بدون ماتعتذرين له هذآ إذا كان طبعه كذآ

والله يسخره لك وصرآحه حلفتيله بالقرآن وماصدقك يعني إنتي ماغلطتي بس يالله كذآ الرجال يبغالهم طولة بال الرجـآل زي طفل صغير

إصبري عليه وهو بيرضى وإعتذري مره وبعدين لا إنتي ما غلطتي هو بيطفش وبيرجع لك .
...

[جعل الرب راضي]

المشكله صغيره وهو كبرهاا
اعتذرتي منه بعد وش يبغى بعد هو غلطان يعني مشكله تافه زي هذه يجيب طاري الطلاق
انتي بعد بيني له انك مجروحه منه اي شي بيطلق ع طول
هذا رائيي عاد مدري والله هو صح او غلط

[ام سيلا]

والله يا عمري المشكله مالها داعي عشان يزعل هذا الزعل كله


المهم انت عليك با الاستغفار والله تنحل مشكلتك مجرب

[نزيف القلوب]

خلاص لا تعتذرين مره ثانيه .. انت سويتي اللي عليك .. هو بعد المفروض شال البنت

وسكتها .. ولا يجيب طاري الطلاق على اشياء صغيره .. الله يهدي سرك

[جنا المدينة]

مشكلة عادية ما تستاهل خراب البيت انتي سويتي اللي عليكي
اعتقد انه قصده ما يخليكي تعيدها ويحسسك بكبر غلطتك بس مو اكتر...
الله يصلح ما بينكم.

[#عيــ الجوريه ــون#]

المشكله عاديه ،،بس هو تنرفز وزعل من رميك لثوب عليه ،،
حاولي تمسكين اعصابك وقت الزعل ،،وتعوذي من ابليس ،،وخلي ذكر الله على لسانك ،،

،،عزميه على عشاء وقدمي له هديه وفيها كرت اعتذار ،،وكذا بيسامحك وبينسى ،،

الله يهديكم ويوفقكم ،،

[ام تااالين]

مشكورين على المساعدة والردود الحلوة بس الحمدالله خلاص رضي
الله يهديه ويحنن قلبو علي

[أم جهآد]

ماسويتي جريمة بحقو يكفي انك حلفتيلو على المصحف انو مو قصدك واعتذرتي لو مايبغى يرضى منك راح يرضى لحالو .. لا تذلي نفسك اكثر من كذا ..

[اغليك يا الجنوب]

الله يسخره لك