أهلك بعيد عنك..إدخلي هنا....

((*بــريــق ألــمــاس**)) · 05-28-2011, 07:19 PM

السلام عليكم ورحمة الله وبركاته

كيف حالكم ياكروشات إن شاء الله دائما بخير ؟

كلنا نعرف إن اللي متزوجه وساكنه بنفس المدينة اللي فيها اهلها

تزورهم مره إلى مرتين بالأسبوع أو يومين وتزورهم أو على حسب التساهيل

لكن اللي متزوجه وعايشه بمدينة بعيد عن أهلها >>>مثل حالتي

متى تروح؟؟؟؟!!

أنا هالقصة مجننتني أنا بالغربية وأهلي بالرياض

وماعندي إلا بنت صغيره لا دراسه ولا شي!!

وماأروح لأهلي إلا بالطقاق والهواش

زوجي طيب وحنوووون معاي كثير ويحاول قد مايقدر يلبي طلباتي

ويحب أهلي ومستحييييل يغلط عليهم ولو اطلبه أروح أي مكان بمدينتي مايرفض

ومايحب إني أجلس بالبيت لحالي إذاهو بيطلع >>كل هالأشياء أنا مقدرتها فيه..

بس اللي يقهرني إنه يقول علي أوديك مره في السنه وبسسسسس

إحنا صحيح ظروفنا الماديه صعبه شوي كأي إثنين بادين حياتهم طبعا

والسياره مو ذاك الزود

بس ولو أبي أروح لهم

وبعد يقول مو لازم كل ماتروحين تجيبي هديه لأمك

يقهرررني

طبعا انا ماأسكت لازم أروح لهم ماراح أرضى أروح مره بالسنة بس ولاااازم الهديه وغصبا عنه بعد!!!

المهم يااااحلوات ياللي بعيدين عن أهاليكم

أبي نتناقش بهالموضوع

يعني كم مره تروحين لأهلك وهل يرضى من اول مره تطلبيه؟؟

وإيش الأسلوب اللي تتبعيه معاه عشان يرضى؟؟

إنتي فين وأهلك فين؟؟

هل كل ماتروحي تاخذي هديه لأمك؟؟

أتمنى تفاااعلكن عزيزاتي.............
***

بـدر البدور · 05-28-2011, 07:28 PM

الله يساعدج حبيبتي
بس خفي عليه شوي يعني انتي عارفه ظروفكم
وانه اعرف كثير الي مثل حالتك والله يمكن بسنه مره يزورون اهاليهم
ومثل ماقلتي انه زوجج طيوب يعني لو يقدر يوديك كثير كان وداج وما قصر معاج
بس انتي لاتفتحي له هالطاري كثير وان شاء الله خير
واذا ع الهديه انتي ماتزوريهم كثير يعني بنظري لازم تيبين لها هديه في كل زياره لو كانت بسيطه
انه الحمدالله ساكنه بنفس منطقه اهلي :)
الله يخفف عنكم وحشتكم ياارب :)

حبيت اشارك في موضوعج
واتمنى من الي مثل حالتج يساعدونج
تقبلي مروري :)

شموسه · 05-28-2011, 07:34 PM

الله ييسر امورج وطاعه الزوج واجب

وان شاء الله بتشوفين اهلج قريب
ترى انتي معذوره عند اهلج اكيد يعرفون الوضع اهلج
اهم شي تكلمينهم وتطمنين عليهم

ترى بقول نصيحه

المراه دايم تتبع زوجهاا بس تتزوج خلاص صرت منهم وفيهم يعني اهله اوله من اهلج ..........

انا هاذا اللي اشوفه بكل وحده تتزوج

واعذريني ياعمري اذا قلت كلام يزعلج.........

اسومه القموره · 05-28-2011, 08:44 PM

حبيبتي انا بديره واهلي بديره وتوي ماكملت السنه صار لي 8شهور ووماراح اروح لهم الا لمااكمل سنه واجلس شهر او شهرين على كيفي طبعا وعادي فتره ووضعه يتحسن او اتوظف انا واروح لهم اذا بغيت بعدين اهم شيء انك مبسوطه ومرتاحه معاه ومايقصر معاك

((*بــريــق ألــمــاس**)) · 05-29-2011, 04:13 AM

بـدر البدور شاكره لك مرورك يالغلا وأنا مو حابه أثقل عليه بس وش أسوي أشتاق لهم
وبعد الناس وكلامهم الله يحفظك عيوني

شموسه مشكوره ع الرد ومافيه حاجه تزعل ياعسل بس كون إن أهله ابدأ من أهلي لا والله
هم ع العين والرأس بس ما أبديهم ع أهلي شكراَ لك

أسومه ياقلبي الله يعيننا ويصبرنا بس سنه كثير ماأقدر أتحمل وبعد الناس مايرحموا يقعدون
يقولون شكل زوجها مو طيب ليه ماجابها ومن هالكلام!!

ويييين الباقيات ؟؟؟؟ نبي أرائكم........

,,

جمره غضى · 05-29-2011, 05:11 AM

انا في ديره بعييييييييييييده عن اهلي ...... ولحاااالي

وخواتي واخواني كلهم متزوجين وساكنين في نفس المدينه اللي فيها اهلي ....

كل يوم اجتماعات وونااااااسه ........ وانا هنا لحاااااااالي :(

وداوم زوجي احيانا يغيب يوووم كامل عن البيت ,,,, ويرتاح يوم .... بعدين يغيب يووم كااامل

وانا لحاااااالي ....

بسسسس لازم نصبر على الغربه لييين ربي يفرجها ,,, وش نسوي ؟؟؟؟

اما بالنسبه للسفر .... على حسب الظروووف اجلس بالشهور ما اشوفهم ... وان رحت اسبوع والا عشره ايام وارجع <<< ماتكفي بسسس شي احسن من لاااشي

((*بــريــق ألــمــاس**)) · 05-30-2011, 10:53 AM

جمرة غضى الله يعيننا بس أنا مافي أمل تفرج إقامه أبدييييه بمكه لأن أهله فيها أصلا

شاكره لك مرورك يالغلا

صمت وسكون · 05-30-2011, 12:15 PM

حبيبة قلبي انا في الرياض واهلي في الغربية .
اروح لهم مرة في السنة واذ فية ظرف طاري اروح عاادي
بعدين بقولك شي الرجال بشكل عام متزوج الحرمة عشان تقابلة مو كل شوي عند اهلها .
وربي في عايلتنا صار حالة الطلاق وتزوجو على حريمهم عشان السبب ..
وهدية امي وابوي لازم ياقلبي..في كل زياره .

قلبي مملكة وفهد يملكة · 05-31-2011, 01:27 AM

آآآآآآآآآآه منك جبتيها على الجرح...
انا ساكنة بعيد عن اهلي...
تخيلي 400 كيلووو فقط بيننا
وماراوح الافي المناسبات عيد الفطر بس
والعطلة الصيفية ان طولت ثلاث اسابيع...
يقهرررررني يقول مااقدر اصبر عنك
تخيلي بالعطلة اللي بين الترمين
اخواني واخواتي كلهم اجتمعو بيت اهلي الا انا
حتى اختي اللي متزوجة حماي راحت ومتن اقولة اروح معهم بالسيارة
ورفض وربي قهرررني جلست اسبوع ماكلمة
وبعدها سافر وتركني لوحدي سافر على الاردن
علشان عملية اخوة
وربي كل مااتذكر هالحركة ابكي..احس اني مجررروحة
والهدية لابد منها

((*بــريــق ألــمــاس**)) · 05-31-2011, 02:24 AM

صمت وسكون شاكره لك ياعسل وأنا اشوف لو كان أهله بعيد عنه كان كل شوي رايح لهم

قلبي مملكه هههههه هذا عذرهم (ماأستغنى عنك) الله يعين بس 400 كلم مره قليل

يالا الله يعيننا بس مشكوره يالغلا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وش لابسه الى بعدي	ديار	ملتقى عضوات حوامل	533	07-25-2012 01:19 PM
خآف الحسد من أهلك,, يالمآشي إنت بمهلك ♫تآيقرر♫	كل الحلى	الموضة و الجمال	32	06-25-2011 05:10 AM
دوس على مهلك ~~{ Blanco	كل الحلى	الموضة و الجمال	14	06-04-2011 09:30 PM
جايتكن من بعيد	فاضيه ورايقه	ملتقى عضوات حوامل	10	04-26-2011 03:15 AM
تعدد الزوجات	~~لحن الحياة~~	المنتدى الاسلامي العام	18	09-05-2010 09:03 AM