في بيتنا نفاسيه ^^

[sookarz]

الموقع تحديدا ..*
احد المستشفيات في الرياض .*

سيب ماقبل الولاده ..


عشت لحظات مريره وانا ارافق معها تلك الام الحنون .. مستلقيه على ذلك السرير الابيض تنتظر ان يحدد الاخرون مصيرها ..*
في هذا السيب الموحش والذي اعتاد على زحرات النساء والالامهن ..
يتكرر مرارا نفس المشهد :

سرير ابيض تقوده ممرضتان .. على هذا السرير شخصان, امرأه تصرخ وتبكي الما وطفلا يرقد في رحمها !
تهرع الممرضتان الى غرفة الولاده تسبقهن صرخات الأم المسكينه وبعد محاولات مرعبه يخرج طفلها الى الدنيا ويعتلي يكاؤه المكان ,
يمر الضوء على جسده الملطخ بالدم لتبتسم له امه بكل حنان ..ويتبدد كل الم كان ..

المقدمه مالها علاقه بالموضوع بقدر ان مال امها داعي*


سيب مابعد الولاده
.."انطلاقة النفاس"

الغرف تنقلب الوان ياوردي ياأزرق "واللي يجيب كائن حي مثل دعلج وش يحط لون؟؟رمادي !" ورود وقهاوي
"جوكره اللعب ترى الحال من بعضه انا الصبابه" صياني باتشي , زوار ..*
حريم داخله وحريم طالعه ..


والمشكله شي واحد : كلام هالحريم (نصائحهم ,ارشاداتهم . تحذيراتهم) .

<< تعبت مابغيت اوصل لمغزى الموضوع*

على سبيل المثال وليس الحصر لان في البدايه كنت متحمسه لاختي واحفظ النصائح بعدين استدار راسي من كثر خربطتهم وادركت ان ماعندهم ماعند جدتي :

الحرمه الاولى : انتبهي اول 20 يوم لاتاكلين رز وخبز ابيض*
الحرمه الثانيه: انتبهي من العطورات ترى تشتمين "وهي حاطه عطر "
الحرمه الثالثه: عليك بالحلبه خصوصا اول النفاس
الحرمه الرابعه: "تناقض الحرمه الثالثه" لا بالعكس الحلبه اخر النفاس ماتصلح بأوله
الحرمه الخامسه: الهمي ماش ورشاد كل يوم
الحرمه السادسه: الهمي ماش لحاله انتبهي من الرشاد يسبب امساك "تكرمون"
الحرمه السابعه: لاتاكلين جح وبطيخ ترا مهوب زين*
الحرمه الثامنه: لاتتحركين خليك دايم منسدحه على السرير
الحرمه التاسعه: لازم تاكلين رجل خروف كامله كل يوم يعني اذا خلص النفاس تصيرين ماكله اربعين رجل ! <<ياساتر*

\
/
\
/
اخر شي توصلوا له وهو الكارثه: لاتشربين مويه !!!

وكل هالنصائح ناتجه من تجاربهم الشخصيه مالها اي اساس علمي*

لما سألت نفاسيتنا الدكتور عن هالخزعبلات اللي فوق : ضحك بكل بساطه*
وقال: اكيد الحريم!يااختي كلي اي شي وتحركي كثير عشان ماتجيك جلطه والمويه ايش فيها ؟؟تشربينها وتتبولينها "تكرمون"*

نفاسيتنا انبسطت ولقت هالدكتور الاطخم ونشبت له: عادي اسوي رياضة البطن؟وتمارين سويديه؟ >> ياشين الي اول مره يولد*

المهم .. هل الاجانب عندهم حركات نفاس زينا؟؟ يعني تنسدح على السرير 40 يوم ؟ مافيه مشي ولا رياضه؟
اكيد لا .. الاجانب اسبوعين وتروح تداوم وتعيش حياتها الطبيعيه ..



طيب وين الصح؟؟؟احنا والا هم؟؟*



للأمانة منقوول


*خلال تصفحي بالنت لقيت هالموضوع
بس مااحد جاوب ع سؤالها
ونفس الكلام و السؤال يدور براسي

اتمنى تجاوبون*
^^

[rose]

اييييييييييييييييييييييه ياما عانيت بفترة النفااااااااااااااس

كنت احسب الولادة هم
لقيتها ولا شييييي مقارنة مع ايام النفااااااااااااااااااس

خصووووووووصا انا مو عارفة مقولة ماتشربي مويا بهالحررررررررررررررررررر
وربي جات ايام بكيييييييييييييييت
واخر شي دعيت ربي وقلت يارب انت قلت وجعلنا من الماء كل شيئ حيي
اتوكلت عليك
وصرت بيني وبينك اخليهم يناموا بالليل
وهااااااااااااات اشرب مويا
حسيت اني ارتحححححححححححححححححت اول شي بس كنت اببببببكي عطشااااانة
وانا اموووووووووووت واعشق شي اسمه مويييييييياااااااااااا امنعيني من اي شي الا المويا
وهذول يقولولك لا تشربي مويا
والله معععععععععععععععععععع نفسسسسسسسسسسسسسسسهم

[ام ماهر]

لا المويه ماراح يضربس يكون دافي موباااارد لانه يحجرالدم وماراح ينزل بسرعه
لاكن فيه مؤكلات تضر مثل الجح والباميا ووالملوخيه

[sookarz]

مشكورين عالمرور العطر

[لحن الجروح]

من جد نفس السؤال من الصح احنا او هم ؟

[sweet moon]

هم احسن ^________^

هنا احس مبالغه بشكل مو طبيعي

ياكثر اللي يولدون هناك

ماعمرنا سمعنا وحده تشتكي او تهتم وش اكل وش اشرب

واحنا هنا ياكثر المواضيع وقائمه النفاس تطووول وتطوووول

و40 يوم ونوم وانتبهي ولا ينفك ولا تتوسعي ووووووووووالخ

خزبعلات وخرابيط

تسلمي موضوع حلو

[ام جووود]

ههههههههههههههههههههههه
هدولا بيموتوكي

[sookarz]

مشكووووووووووووووورين عالردود