ام زوجي ومكرها بعد سنين من تركها لولدها بعمر السنتين

[Nana.1985]

السلام عليكم ورحمة الله وبركاته

انا بس عندي سؤال .. زوجي له ام واب منفصلين .. الام تركت زوجي وعمرة "سنتان" لجدته ام ابوه .. ودحين لما صار رجال وموظف وله زوجة وابن .. اصبحت تتدخل في حياته من صغيرها لكبيرها .. الي حتى "اسرار غرفة النوم" واعذروني على الكلمة ولكن عشان ابين مدا تدخلها وظلمها ..

ودحين لما قررت اني انسحب من حياتها لظلمها لي ومكرها وخبثها .. قالت " عيشي سعيده ومتهنيه مع زوجك وامه مو راضيه عليه" !!!

هل رضا زوجي لامه مرتبط برضايا ليها ؟؟؟
بس نفسي اعرف ايش الحكم وايش انسب تصرف مع ام من هذا النوع ؟؟؟
مابغا اكون ظالمة ولا ارررررررضى اني اكون مظلومة ..

مع العلم زوجي رضي جدا فيها وهي تستغله جدا جدا جدا باسم رضاء الوالدين .. وهي طوال حياتها راميته ولا سألت فيه! ودحين الي قربت منه فجاءة عشان كدا هوا متمسسسسك فيها ومايبها تزعل ولو غلطت عليه او عليا ..
وكمان معلومة تانية .. انا اسكن في مكان بعيد مررا عنها لكن نجي في الشهر مرة او مرتين والاجازاات طبعا .. لانو اهلي واهله من مكة

ومشكلتها انها تستتر بالدين والدعوة وهيا بكبرها فاسقة !
كلامها مقرف جدا لانها تتكلم في حاجات خاصة مررا وبكل اريحيه !

من بداية زواجي كانت تتدخل من ايام شبكتي وقفت شريط الاغاني الي كانو يرقصو عليها اخواتي وبنات اختي وصاحباتي وكانت مو اغاني مجرد دفوف وايقاعات .. قامت كدا وقفلتو بكل وقاحة تقول حرام .. وهيا في بيتنا مايحقلها تفرض رايها .. تحب السيطرة بشكل فظيع ..

بعدها ايام زوجي كانت تقولي لاتحطي اغاني ترا ربنا بيحرمك نعمة الخلفة وياويلك من الله .. وجلست تنصح .. ونا اساسا ماقلتلها ابا احط اغاني ولا شئ!!! كدا هيا من راسها .. واخر نصيحتها تقولي عشان بعرف اعزم صاحباتي ولالا ! لو في اغاني ماقدر اعزمهم! سبحان الله ناصحتني عشان صاحباتها مو لوجه الله ؟!
وهي اصلن ولا ريال دافعه في الفرح ... وتهددني لو فيه اغاني انا بحط عبايتي ع الطاولة .. لو في اغاني بطلع من الفرح !!

ووقت الزفه جايبه مصورة ب3 الاف .. كل التسجيل صوتها وهي تزعق وتصرخ قفلو الاغاني قفلو الاغاني ! وجه زوجي انقلب ووجهي لانها طلعت ع الكوشه تصرخ ! عمركم شفتو نكد اكتر من كدا ؟؟

الي يقهرني انها ماهي سأله عن ولدها ! اش الي فكرها بيه دحين؟ لما شافتو في حضن حرمة تانيه انحرررقت ؟!!

بعدها بفتره انا رحت مكة لاهلي وكنت على اساس ارجع مع زوجي بس مرضت ورجع لحالو .. قالي اجلسي ارتاحي لانو سفرنا بالسياره 8 ساعات ..!
راحت هي اتصلت عليا قالت انا كنت بكلم امك بس قلت اشوووف النهايه معاك؟! وجلست تصرخ وتهزي كيف تتركي ولدي لحاله؟!! واصدقاء السوء ومعرف ايش! قومي اجهزي انا اوديكي!! اسفرك على حسابي قومي! قلت لا بنتظر زوجي لما يرجع وياخدني جزاك الله خير ..

بعدها تحلللللللللللف يمين على كتاب الله اني ماقلت جزاك الله خير ولا الله يديك العافية ونا طووول المكالمة وانا اقول كدا وهيا معصبة ..

المهم بعدها انا معد دقيت عليها اصلن ماتقابلنا
وحزنت على زوجي متضايق قلتلو خلينا نروح نسلم عليها قبل لانرجع بيتنا البعيييييييد .. قال طيب وفررح وكلمها وقالت طيب لما جينا بنروح لها قالت لالا مابشوف حرمتك برتاح منها اسبوع ولا اتنين مالي خلق؟!

بعدها ارتجااااني اروح لها ورضيت وقلتلو لجل عين تكرم مدينة .. وليتني مارحت .. اتريها جايبتني بيتها عشان تهينني!!
اتفقت مع زوجي انو الموضوع انتهى واننا مارح نتكلم في شى خلاص الي مضى مضى .. قال خلاص حتى امي تبا كدا
ورحت وكيفك واخبارك واسلم عادي
الا هيا فتحت الموضوع ليييييش اش شفتي مني ليش ماتتصلي عليا؟؟ ونا اصلن مادق عليها الا فين وفين .. بس هي بتدور الشرر
انا قلت ماشفت الا كل خير .. والي مضى مضى ونا مابغا اهرج في الموضوع دا انتي جدة ولدي فهد ولكي معزتك وقدرك .. قالت اهاااااااااااااااااااااا يعني انتي مو جايه عشاني!؟!!!!
خير اش تبغا في عمرها دي؟؟ تدوور شكل بس!
وجلست ترفع صوتها وتقول انا زي امك اتكلمي عيب عليكي كدا
قلت امي وابويا محد فيهم يرفع صوتو عليا كدا ونا قلت مابا اتكلم في الموضوع .. وزوجي جالس جمبي يقولها وطي صوتك وتززززززيد!
اخر شئ حطيت شنطتي على كتفي ونا جااااااالسة وقلت بمشي (انلمت ع الحركة دي كتييير) قالت والللللللللله ان طلعتي ماعد ترجعي .. ولعنة الله عليكي ياكلللبه وتففففففو عليكي وعلى تربيتك واخلاقك ماتوقعتك كدا وزوجي ماسكها .. يعني لوتركها مدري كانت بتضربني؟! ورمت عبايتي علي وطردتني ونا لسا مالبست عبايتي اصلن ! واخدت ولدي ونا اردد حسبي الله ونعم الوكيل

زوجي وقتها قال انا شفت الغلط من مين انتي بيضتي الوجه ماعليكي
وانا قلتلو .. انا قلتلك انتظرك في السياره ونتا اطلع بالولد لحالك مارضيت .. قال خلاص لعد تروحيلها ولااااشئ ولا حتى الولد الا لما يكبر ..

راح عندها رجع قالي انا غلطانه .. ويبا الولد يوديها لها .. حسبي الله عليها تعرف انو انحرق مابا احد ياخد ولدي وطلبتو لسا مابردت افعالها وبكللل قوة عين طلبته .. واتضاربت مع زوجي اقولة والله ماتطمن عليه يقول انا معاه!!! والولد مالو صلاح بالمشاكل!! ونا اقولو انتا بكبرك ماتطمن عليك هناك! تروح بكلام وترجع بكلام تاني

ونا لين دحين حاقدة عليها .. وعلى زوجي الي مانصفني ولا قدر ولا للحظة اني دوست على نفسي عشان اروحلها وابدا بالخير .. وفي النهايه يقولي الخطا منك ومنها

طولت عليكم وقلتلكم قصة حياتي بس من الحررررررررقة الي في قلبي الله لايوفقها .... حتى اهل زوجي من ابوه يقولولي انتبهي منها كلنا مستغرببببببين من الحب الي نزل عليها لولدها فجاااءة مهي داريه عنو طول عمرو ..

انا اش اسوي بس قولولي؟!!
يحقلها تربط رضا ولدها بيا ؟؟
وكيف افهم زوجي انو انا مالي صلاح بالرضا ؟
كل مايروح لها يرجع مقلوب عليا من زماااان من قبل المشكلة دي
زهقت ماعرف اش اسووووووي ابغا ابرد على قلبي! الله ياخدها
ويوريني فيها في الدنيا والاخرة
اانا بنت ناس ولا عمرو احد في حياتو اهانني زي كدا
ولا اعرف للكذب ولا المكر .. واضحة وزي الكتاب المفتوح
جرحتني كتير .. ساعدوووني!!

[Nana.1985]

ابغاااااااا احد يرررررد عليا اي احد ... تعبت ونا افكر واكل بنفسي !!!!!

[sweet moon]

لااله الا الله

فيه ناس للحين مثل كذا عايشه

والله يااختي قصتك اوجعت قلبي حطيت نفسي مكانك

المهم

اقطعي اي صله فيها

حتى السلام ماظنيته لازم تمرين وتسلمين عليها

الباب اللي يجيك منه ريح سده واستريح

لاشفتيها بالصدفه سلمي عليها زيها زي غيرها

واذا على زوجك قولي له امك راعيه مشاكل واضافه على كذا اهانتني

ف مابي تكون بيني وبينها اي علاقه تذكر زي ماكنت مختفيه زمان بعتبرها مختفيه الحين

وماانتي ملزومه برضاها ابد

والله ييسر امرك

[Nana.1985]

سويت ياقلبي الله يسعدك رديتي عليا
المشكلة مو اني اقطعها او لا .. المشكلة هو فاهم انو امو طيبه ومو قصدها شى ابداااااااا ! ومايشوف انها تسبب مشاكل نهائيا .. يقول عصبيه كبيرة .. وهيا ماهي كبيره مره ! عمرها 51
وهو متعللللللق فيها مرررررررررررررا لانها طول حياتو مجمدتو ولما قربت منو دحين ساير زي المشعوف عليها مايباها تبعد عنو ولو على حساب انها تستغلو ..
كل ماسالت احد يقولي ان كيدهن عظيم ! ماعرف اكيد ولاا اسوي شئ نفسي احد يعلمني! نفسي اعرف اقول الي عندي بطريقة غير مباشرة زي ماتسوي هيا ..

عارفة اول ماكانت تتصل عليه نهائيا هوا الي يدق .. من بعد المشكلة سارت تتصل 11 بالليل في وقت تكون متاكده اني معاه .. كانها تبا تقهرني!

اناا كل الي ابغاه اني انسيه كللل شئ حتى اهله .. لانهم ماقدمو له اي شى غير انهم رموه عند جدة لابوه .. وهوا يشيل همهم ويفكر فيهم
ماقول ابغاه يقطعهم! لا يزورهم ويسال عنهم وخلااص

بس هوا مو فاهم .. احسو يتحسر لما يشوف اهلي وامي وابويا مترابطين وهوا لا .. الي اسويه مع اهلي هوا يسويه مع اهلو .. يقولي انتي رضيه في اهلك انا بتعلم الرضا منك ! انا ارضي اهلي تعبو وضحو عشاني! هوا يرضيهم ليش؟ لهم حق يشوفهم يسال عنهم وخلاص

اول ماستلم راتبه خصص لامه 500 راتب .. وفرحاااان بيقولها
راحت قالتلو لييييييش شايفيني شغاله؟ والله مارضى ياتديني 1000 يامابغا منك شئ .. وتملي راسوو على ابوه
مره ابوه انزنق في مبلغ .. وكان بيساعد ابوه وجلست تقوله ايوا انت تعطيه فلوس عشان يصرف على حرمتو الي دايما تطلبو حاجات غاليه انت تصرف عليهم .. لين خلتو يعطي ابوه الفلوس وهوا حاقد على ابوه وزعلان

ادميه قلبببها اسسسسسود نفسي ابعده عنها بس بما يرضي الله
وهوا قلبو ابيض يصدق اي شى اي شى .. ): تعبتكم معايا بس مالي احد افضفض له غيركم

[sweet moon]

والله يااختي مدري ايش اقولك

زوجك انحرم من امه في صغره

فلما رجعت زي اللي مايبغى يضيعها ووده يحافظ عليها

ودي اقولك اتحملي عشانه

بس امه مثل ماقلتي انسانه متسلطه وماظنك راح تقدري تتحمليها

ومثل هالنوعيه اتعاملت معها كثير

وماتجي الا انك تسكتيها طيب وحاضر ومن عيوني

فعشان زوجك مالك الا تعامليها بتسكيت وشبه تطنيش

وقدر الامكان تحاشي المشاكل معها لارفعت صوتها اسكتي

ولاجت تهاوش حاولي تسكتيها

ذكرتيني بوحده مثلها بالضبط

فااحنا نتعامل معاها كذا ساعات تتعدل وساعات من يفكك من لسانها

بس مجبورين نتحمل

هو الزمن وهمومه خلى قلبها قاسي

والله يهديها

[Nana.1985]

ااااااه المشكله اني عند اهلي كنت معززه مكرمة ! ماحد يرفع علي صوتو
ولا عمرو احد زعق فيا ولا امي ولا ابويا ليش اتحملها؟
عشان زوجي كفاية مرة واتنين وتلاته ! تحسبني بنتها تبا تهزأني وتزعقلي؟ تروح تربي اولادها احسن وتتركني في حالي

ابويا يقولي دي غيرانه انها ضيعتو من يدها ولما شافتو مع وحده غيرها سار حلو في عينها .. ويمكن لانو زوجي موظف وناجح ماشاءالله واولادها الي ماكمل دراستو والي داشر والي معرف ايش ... استغفراللله فيمكن تحسدو
لانو هوا ولدها الوحيد من طليقها

الله لا يبلانا .. بس انا ماقدر اتحمل اهانات اكتر من كدا ..
وزوجي قالي لو احد اهانك خشي في عينوو .. الزمن دا ماينفع الا كدا
ونا مشكلتي لما اعصب ابكي واتضارب واتكلم وانا ابكي ماعرف للمواجهه
لاني فعلا طول حياتي الحمدلله ماعندي مشاكل ولاشئ
ونا وزوجي جداااا سعداء ولله الحمد .. بس النقطة دي خبصت حياتنا خببببص

[sweet moon]

شوفي من كلامك

مره مره ماعندك استعداد تتحمليها بتات البته

فمثل ماقلت مسبقا

الباب اللي يجيك منه ريح سده واستريح

انتي في حالك وهي بحالها

زوجك يبي يزورها ويسلم عليها خليه يروح تظل ام

وانتي روحي عند اهلك

والله يعين يااختي الحياه كذا ماتدوم بحلوها لازم مراره

[نبع الكوثر]

انتي لازم تصارحي زوجك

انا مو ملزومه ازورها وتهيني

انت لو اهلي بيكلموك بشي بزعل عليهم انت امك وقدامك تهيني وتسكت وتقول انا الى غلطت عليها
مااخدت حقي مو مجبورة ازورها
ودامه طيب وكلشيء يسمعه يصدقه لما يروح لها ويرجع مقلوب عليك
انتي اتكلمي له دام انه يتاثر بسرعه وخليه يوقف معك
وقولي له انا مابي شيء يخرب بيني وبينك ونت عشانها تزعلني عادي
بدل ماتمدح في قدامها عشان تحبني

[زبيبه]

الله يعينك ام الزوج ااااااااااااااه انا اتلسعت لين ما قلت بس ومستمر الله يكون في العون

[دلوعه موت]

ومشكلتها انها تستتر بالدين والدعوة وهيا بكبرها فاسقة !


اولا اختي العزيزه حرام تفسقي احد مررررررررره حرام


عارفه انك مقهوره بس يكفيكي كلمه وحده حسبي الله ونعم الوكيل

ترى لوتدري عن حياتي انا وزوجي اه بس اه تخيلي امه واخواته وابوه كلللللللللللللهم دقت منهم ماشاب راسي منه

لدرجه والله في شهر11 لمالمينا اغراضنا عشان الحجاج ورحنا بيت ام زوجي مره الساعه3 الليل جا ابو زوجي تخيلو البيت كله نايم وماتوقعت احد بيصحى جا وفتح الباب علينا حق الغرفه تخيلو الساعه3 الليل بدووووووون استأدان مرررره انقهرت قلت لوكنت ماني مستتره ولابسه بالله اش كنت حسوي ومواقف ككتييييييييييييير

استعيني بصبر والدعاء

وقولي دايما حسبي الله ونعم الوكيل وطنشيييييها والله عمري ماقللت من احترام امه وابوه على كتر المواقف كله عشان بس مااخلي احد يقول اهلها ماربوها والله يصبرك يارب