عندك بيبي وفي اشياء ماتحتاجيها (مفرش تقديم _سرير_اغراض نفاس _جلابية) تعالي

[القرشيه الهاشميه]

السلام عليكم ورحمة الله وبركاته
وبعد السلام يحلي الكلام
كيف الحلوين اعرف بنفسي القرشيه الهاشميه
اخواتي الغاليات الموضوع مبين من عنوانه اي شئ ماعاد تحتاجينه اسدحيه هنا استفيدي وخل غيرك يستفيد لاتقولي مايسوي ابيعه حطيه هنا من باب تفريج الكربه علي مسلم ماقلنا نبي مستعمل الا اننا مانقدر علي الجديد مثلا لو ولدتي وجتك عربيات ومشايات وجلاسات واسرة جديدة اعرضيها هنا بالموضوع وقولي انها جديدة وحطي الصور ولو ماتعرفوا تنزلوا الصور انا انزلها ومثلا اشتريتي مفرش تقديم حلو والبيبي
كبر عليه اعرضيه هنا خلي غيرك ينتفع مثلا (اشتريتيه ب1200 اعرضيه ب400 احسن مايجلس بدولاب) مابي الموضوع يكون لي فقط ابي لكل الاخوات وحطوا اي شئ متعق بالولادة (مفرش نفاس_مفرش تقديم_ملابس حمل_فساتين حمل_عربيات_اسرة_بيالات وفناجين النفاس _ترامس _غرف نوم الاطفال_جلابيات _شنط اطفال)
و اذا حسيتي ان السعر مايسوا بيعته تذكري اننا بندعي لك بظهر الغيب لانك فرجتي كربتنا استفيدي وافيدي غيريك ودنا نكشخ زينا زي غيرنا ونبي نصير سنعات صدق ماعندنا ماده قويه بس عندنا مخ
ولو حابين تأجرون مفارش نفاس حطوا صورها واذكروا سعر الايجار الي تبونه
واتمني اي وحده تبي تعرض شئ هنا تحط هل النصائح امام نصب عينيها يعني هي مو غصب الأفضليه انكم تتبعونها حبذا يعني
يعني يفضل الآتي لعرض السلعة (يفضل وليس الزامي)
1 ذكر مكان المدينه
2 ذكر حالته الشئ ( ممتاز_جيد _متوسط)
3 ذكر سعر الشراء ان علم
4ذكر المبلغ المراد بيعه
5 ذكر وسيلة التصال عن طريق الرسائل الخاصه او السوم عن طريق العام
6 سعر البيع 30% من سعر الشراء او التقدير
(يعني مو تجي وحده شاريه سرير 550 تبيعه 500 تنزل بالسعر لانه مستعمل اما الجديد الي بقراطيسه تحط سعر مناسب)
7 لو تبي تبيعي شئ نزلي ثلثين سعره الاصلي وبقي الثلث مثلا غرفة نوم ب3000 تخلي سعر البيع 1000 هذا اذا كانت مستعمله اما جديده نزلي الثلث بس يعني 3000 تخليه ب2000
8 ذكر ان كان يوجد امكانية الشحن لدولة المشتريه
وشكرا جزيلا لكل وحده دخلت واعطت الموضوع قليل من اهتمامها واتمني ان الموضوع يلاقي اقبال وينتفعوا كل الاخوات واعطوني ارائكم بالموضوع واي اقتراحات قولوها واي استفسارت انا جاهزه علما ان الموضوع مو بس خاص فيني لكل العضوات المحتاجات او الي ربي غنيها وتبي تشتري اشياء ماتقدري ليها مثلا مفارش تقديم بربري وديور اسعارها من 2000 وطالع ووحده ربي رازقها فلوس بس تقدر تدفع(مثلا بس 500 )تشتري ماركات بس مستعمله
واحسن مانجلس ندور ونفرفر خلنا كلنا بموضوع واحد نعرض اشيائنا طولت السالفه وهي قصيره يلا مابي اطول عليكم
والسلام عليكم ورحمه الله وبركاته
تقبلوا موضوعي
ولا احد يزعل علي

[حبيبة حسونها]

موضوع رائع مشكوره اني توني اول واحد :)

[mr00m]

والله موضوع مفيد بمعنى الكلمة .. لكن انا اول طفل

[ورده نرجسيه]

موضوع جدا رائع اتمنى التفاعل

[تذكار25]

حلو الموضوع بالتوفيق يارب لكل البنات

[فنجال قهوة]

موفقين يااارب

[القرشيه الهاشميه]

يارب نلقى تفاعل والكل يستفيد

[حلآ عُمري]

الموضوع روعه ..

وان شاء الله نلاقي الاستفادهـ ..

[توته الكتكوته]

موضوع كتييييييييييير حلو

ربي يعطيك العافيه ياعسل

وان شاء الله الكل يستفيد وانا بعد لأني حامل بأول بيبي وللحين مولاقيه شي بميزانيه طيبه...

[كروشيه شهد الحياة]

مووووووووووووووضوع رررررررررررررائع