تعبانة نفسياً

فجر الحب · 04-02-2011, 12:54 AM

السلام عليكم ورحمة الله وبركاته

كتبت لكم قصتي من فترة اني ولدت بالشهر السادس وطبعا البيبي ما عاش

الحين تعبانة مرة وأفكر بكثير امور

صار لي من ولدت 17 يوم وحاسة حالي مخنوقة .. مو معترضة على حكمه ربي
لكن خايفة أن هالتجربة تتكرر معاي وبنفس الوقت ابي احمل بسرعة ما أقدر اتحمل اكثر ... كنت وايد متعلقة بالبيبي وخصوصا لما عرفت انه ولد فرحت كثير وكنت اتخيل نفسي احظنه واحمله وارضعه واشم ريحته... كنت انظر اخلص امتحاناتي وابدء أجهز له وأمر محلات الاطفال واحلم في هالملابس والاشياء ...

كله صوب ويوم ينزل من صدري الحليب اقعد اصيح مافي بيبي يشرب هالحليب
لكن ربي اخذ امانته لك الحمد والشكر يارب...

تعبانة ابي احمل هذا الحل الوحيد الي احسه بريحني والي اجوفه ان محد مشجعني احمل الحين يعني لازم انتظر على الاقل كم شهر ...

انا حاسة اني ماراح ارتاح إلا لما أحمل مرة ثانية ....
ولكن أفكر هل بكون ولد مثل ماتمنيت هالشي مو بيدي طبعا...
وهل ما بتتكرر التجربة ...

والله حتى الشيب طلع لي ولا آكل ولا أقدر اقعد مع احد وكله تعبانة نفسياً

طمنوني شنو أسوي؟؟
في وحدة حملت بعد النفاس ؟؟
شلون احاول أن يكون ولد يعني تجاربكم الناجحة؟؟

وفي الاخير أدعوا لي بدعوات صادقة من القلب ربي يطمني ويشرح صدري ويرزقني وياكم من خيره ونعيمه ياااااااااارب

الخايفه · 04-02-2011, 01:06 AM

الله يعوضك والحمد لله ع سلامتك الحمد لله ع قضاءة وقدرة اهم شئ انك طيبة ولاتتعبي نفسيتك تراها بتزود معاناتك انا اجهضت وكنت نفس حالتك فرحانة وافكر بجهاز البيبي وكل حاجة نحلم بضمة بحنان لكن كل شي يصير مكتوب لنا الله يصبرنا
اما عن الحمل اتوقع مافيها شي ربي يرزقك بولد صالح حافظ للقران

فجر الحب · 04-02-2011, 01:23 AM

شكرا اختي على الرد ودعائك لي

ام عمار الاغواني · 04-02-2011, 01:55 AM

بكرة انشاء الله ربي يكرمك ويكرمنا وطتفش منهم تخيلي حالك بعد 5 و6 و8 سنين ويكون عيالك حولك لتفكري فلي راح فكري في بكرة ياقلبي

فجر الحب · 04-02-2011, 02:03 AM

اقتباس:

المشاركة الأصلية كتبت بواسطة ام عمار الاغواني

بكرة انشاء الله ربي يكرمك ويكرمنا وطتفش منهم تخيلي حالك بعد 5 و6 و8 سنين ويكون عيالك حولك لتفكري فلي راح فكري في بكرة ياقلبي

ان شاء الله يا أختي ... أنا الحمد لله عندي بنت الله يحفظها بس عمرها 5 سنين وأكثر ما يؤلمني لما تسألني ماما متى بيطلع البيبي من بطنك وما أعرف شنو ارد عليها ..

الله كريم ويرزق كل محرمة يارب

البتول... · 04-02-2011, 02:26 AM

الله يعوضك ياقلبي ....
ويرزقك بالولد الصالح السليم المعافى يااااااااارب ...
خلي املك بالله كبير ولا تيأسي من رحمة ربك ..

فجر الحب · 04-02-2011, 02:29 AM

شكرا اختي البتول أملي بالله كبير جدا هو الرزاق المعطي وان شاء الله راح يرزقني

TOomy · 04-02-2011, 04:02 AM

حبيبتي انا حاسه فيج انا كنت بالثالث اجهضت وجلست افكر
مو انتي بالسادس الله يكون بعونك
بس انا اقول انتظري شوي عشان ظهرك يصير قوي شوي وبعدها احملي
وصح ما راح تنسين الا بعد ما تحملي وانا حاسه فيج
والله يرزقج يالغاليه

نبع الكوثر · 04-02-2011, 07:50 AM

ماعليك من الى مايشجعونش
اهمشي الاطباء يقولون لك عادي تحملين وخخلاص
واذا سالتك بنتك جاوبيها خلاص هي كبيرة لازم تفهم ان في موت وفي حياه وان الله ياخد الامانه
ولازم تعرف ان البيبي خلاص راح
قولي لها الله اخده راح الجنه
خلاص مابيجي لينا
ومن هدي الامور بس لازم تفهميها لحد ماتستوعب
والله يعوض عليك

فجر الحب · 04-02-2011, 11:27 AM

اقتباس:

المشاركة الأصلية كتبت بواسطة toomy

حبيبتي انا حاسه فيج انا كنت بالثالث اجهضت وجلست افكر
مو انتي بالسادس الله يكون بعونك
بس انا اقول انتظري شوي عشان ظهرك يصير قوي شوي وبعدها احملي
وصح ما راح تنسين الا بعد ما تحملي وانا حاسه فيج
والله يرزقج يالغاليه

شكرا اختي على كلامك الطيب وربي يعطيك ماتتمنين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نفسيتي تعبانة :(	miss besho	منتدى الحياة الأسرية والزوجية	12	03-24-2011 08:16 AM
ساعدوه تحطم نفسياً	زهرة البنفسج	ملتقى عضوات حوامل	22	02-27-2011 03:19 PM
ساعدوني تعبانه نفسياً	رغوووده	إستفسارات حوامل من الشهر السابع إلى الشهر التاسع	25	02-20-2011 12:29 AM
هل أضرّ طفلي نفسياً لو تركته يبكي حتى ينام؟	Om KHaled	استفسارات رعاية المواليد	2	01-25-2011 02:43 AM
تعبانة شو اسوي	بثينة	منتدى الحياة الأسرية والزوجية	8	06-20-2010 06:02 AM