خصوصية غرفة النوم - مع أم ضد

[توائمـ القلبـ 2011]

السلام عليكم ورحمة الله وبركاته


كيف حالك إن شاء الله دائما بخير ؟


غرفة النوم
انا اسميها بيت الزوج الحقيقي

نعرض حالتين ونشوف من مع ومن ضد

وان شاء الله تكون نقطة تغيير لكل وحده

عندها مشاكل تخص غرفة النوم

1 - غرفة النوم خاصه فيها هي وزوجها ممنوع على العيال او
الشغاله دخولها نهائيا وتفهم العيال ان بابه لازم يرتاح فيها وينام على راحته وممنوع عليهم نهائيا يدقون حتى الباب
-غرفة النوم لكل من هب ودب الكل يدخلها العيال والشغاله
اذا كانت مفتوحه اما اذا مقفله يدقون الباب على شان مايحسون العيال ان فيه شي خاص بين امهم وابوهم ويعتبرون انه عيب يعرفون العيال

2-تلبس فيها على راحتها اللبس اللي يعجبها
تستحي تلبس لبس حلو حق زوجها العيال مسموح لهم يدخلونها وتستحي يشوفونها ويشكون ليه لابسه كذا
3-زوجها مرتاح فيها ينام ويمارس حقه الشرعي في اي وقت والمده اللي تريحه
بحكم عمل اغلب الرجال يحب ياخذ ساعتين نوم بالنهار العيال داخلين طالعين وصياحهم معبي البيت وحقه الشرعي
لازم باليل بعد ماينامون العيال
واذا خلوا الباب مفتوح يخافون يصحى واحد من العيال ويشوف شي وان قفلوه يبقون قلقانين لاحد يدق وينهون شغلتهم بسرعه
وفي اكثر المرات يفتحون الباب والعيال متسدحين عند الباب
طبعا بعد ما دقوا وصحوا حتى الجيران
4- تحضر له القهوه والحلى او الفواكه في الغرفه يحلي ويتقهوى على راحته في نفس الوقت حاطه لعيالها حلى
تحط القهوه والحلى مع العيال ماشاء الله ياكلون الحلى كله
ويمكن يتقهوون بعد واحيانا ياخذ الزوج اللي هو الاب قطعه صغيره على شان يخلي الباقي لهم
5- تسولف وياه وياخذون راحتهم بالكلام سواء عن امورهم الخاصه او سوالف عاديه
مافيه كلام حلو بينهم بحكم وجود العيال في كل مكان
مستحين قدام عيالهم ويسولف معها كانه يسولف لاخته
6-في حال كان عندهم طفل صغير وينام معهم وبكى باليل تاخذه
وتطلع برى الغرفه على شان يرتاح زوجها في نومه
يصيح وتحاول تسكته في الغرفه لكن تعرفون الصغار احيانا يكون تعبان ومايسكت لحد ما يعصب ابوه وتعرفون الرجال
لما احد يزعجه في النوم يقول كلام يزعل وترد عليه لانها معصبه من الصغير وتتصير مشكله ويطلع من غرفة النوم وهي عاجبها انه طلع

من ما سبق
الاولى اللي مع خصوصية غرفة النوم
يجد زوجها في بيته كل حقوقه ينام مرتاح
يخفف ملابسه يمارس حقه الشرعي مرتاح
يتناول فيها اطايب الاكل ويسولف مع زوجته
با احلى كلام
زوجته مرتاحه معه تتمتع بما يتمتع
عياله منضبطين ويعرفون ان لهم حدودمايتعدونها ياثر هذا على جميع تصرفاتهم مع الكبار
تجدهم يعتذرون عن مشاركت الكبار القهوه والحلى واشياء كثيره تنضبط فيهم
ولان امهم تصافح ابوهم وتجلس بجانبه يرون المحبه بين اهلهم ويعيشون جوها ويعرفون ان الحياه انس وتبادل محبه

الثانيه ضد خصوصية غرفة النوم

زوجها مبهذل لا يرتاح في نومه ومتعود اخر الليل
ياخذ مخدته ولحافه وعلى غرفه ثانيه بسبب بكاء
الصغير اللي ينام معهم
مصاب بالبرود العاطفي في كل اموره حقه الشرعي يمارسه بسرعه ويحسب الوقت اللي يجي وتفضى له زوجته ولا كلمه رومنسيه تطلع من فمه الاكل الطيب يتذوقه بس العيال يلهفون
كل شي ماشاء الله واثبتت الدراسات ان الصغار
حتى بعد مايشبعون من الاكل اللي يعجبهم همهم لازم يخلصونه وش حال لما يكون حلى
زوجته حياتها لعيالها وبيتها مافي شي اسمه زوج
في حياتها ولا تعرف المتعه معه لا حق شرعي ولا كلام رومنسي
عياله غير منضبطين كثير من المرات شافوا امهم وابوهم في وضع الجماع وسبب لهم صدمه عاطفيه تورث في الذكور ان علاقة الرجل بالمراه جنس فقط مقتدين بوالدهم اللي امهم كانت السبب في تغيير شخصية ابوهم وبالتالي هي السبب في تكوين هذي الشخصيه عند اولادها
ما يعرفون ان الحياه فيها حدود مش المفروض يتخطونها تلقاهم ملاقيف وكل شي يجربون يسوونه ماترتاح في جمعه هذا العيال فيها موجودين علاقتهم بالكبار مفتوحه على الاخر
ولان امهم تستحي تسلم على ابوهم اوتقرب منه
مايعرفون ان فيه محبه في الحياه لانهم يعيشون جو جافه علاقة الام والاب مافي تبادل للمحبه بينهم وينعكس على تصرفاتهم مع الاخرين

في النهايه احب اعرف ارئكم
في هذا الموضوع
من مع خصوصية غرف النوم
ومن ضد خصوصية غرفة النوم وش حجتها ووش
البديل عندها لقوانين غرفة النوم اللي ترفضها
واذا ماعجبها شي من الصفات اللي وصفت فيها
زوجها او نفسها اوعيالها تقول ليه

انا مع خصوصية غرفة النوم لاني ارى
اني اقدر ارتاح في اي مكان في بيتي
لكن زوجي بيته غرفة النوم

[بنوتة الأحساء]

اكيييد مع خصوصية غرفة النووووم يسلموووووووو ع الطرح يااااااعسسسسسسل

[أخفي غلآه]

أكيد مع خصوصية غرفة النووم بسس العيآل اللهم يصلح وش يفهمهم ..

[حنونة فهد]

اكيد خصوصيه غرفة النووووووووووووووووووووم


بالذات من الشغاااااااااااااااااااااااالات

استغرب بعض الحريم عادي تدخل الشغاله غرفة النوم وتشيل الملابس وتحط الملابس المكويه

فين الحرمة ديه ماتحس ؟؟؟ مو كفايه مخليه عيالها نايمين جنب ابوهم فوق السرير

إللي معاه رضاع وإللي اكبر شويه وإللي يأذي الابو

اي نوم ده ؟؟

المفروض حتى لو نام الاب الام تعلم اولادها كيف يحترمو ابوهم ويحترمو وقت نومه ووقت راحته


والزوجه هي المسوؤلة عن الامور دي لأنها هي وزيرة الداخليه في البيت


يارب يحفظ لنا ازواجنا

ومعليش طولت بس مقهووووورة من الحريم إللي ماتحس

حتى غرفة نومها كأنها غرفه ملابس - او غرفة اطفال من كثر الالعاب - او صيدليه ادويه - او مطبخ رضاعه النونو وترمس للمويه الحارة ومويه باردة

طيب روحي المطبخ ولا تخربي ديكور غرفتك

[لمعة الماسة]

اكيد مع خصوصية غرفة النوم اذا مارتاح الرجال ببيتة مشكلة هذي