موضووووع هام وخطيييير ملابس النونو هل تغسلينها قبل اللبس؟؟

[ملكه جوري]

موضووووع هام وخطيييير ملابس النونو هل تغسلينها قبل اللبس؟؟

بسم الله الرحمن الرحيم
السلام عليكم بنات كيفكم وكيف حال نوناتكم..؟
إن شاء الله بخير ؟؟
بنات مثل ماهو واضح في العنوان وهو موضوع شاغلني كثير وهو مسألة ملابس الموليد اللي تشرونها هل تلبسون عيالكم على طول ولا تغسلونها...؟؟
هذا شي خطير وممكن ننساه بس ماندري أخطاره
الزبدة أنا أعرف وحدة بنتها تبكي كثيييير في النفاس وإذا فصختلها ملابسها تسكت وكانت تلاحظ على جسمها نقط صغيرة حمرا ..؟
استغربت وودتها عند دكتور وقالها حساسية وعطاها كريم ومانفع معها ..وأمس وأنا أسولف مع أبوي((أبوي يشتغل في محل مفارش)) وأسولف لأمي عن ذي الحرمة قال أبوي ((هذة الحرمة غسلت ملابس بنتها قبل لا تلبسها؟؟))
قلت مدري ؟؟ليييش؟؟
قال يمكن من الملابس..لأن عندنا مادة زي البودرة نرشها على المفارش القطنية عشان ماتاكلة عثة القطن وهي مادة حارقة وموكويسة تلامس الجلد..
وملابس الأطفال طبيعي بتتخزن سنين وأكيد يرشو عليها من هذه الماده عشان تحفظها..
أنا بلمت ..وفكرت صح إحنا ليش مانغسل ملابس النونو..ماندري كم يد لمستها وتحت أي ظروف تخزنت وهل هي مغبرة ولا لا..
المهم كلمت المرة ونبهتها وبالفعل مارتاحت بنتها إلا لما غسلت ملابسها وتقول على طول راحت النقط بدون كريم..

شايفييين ؟؟
أنا أمي حامل وداخلة التاسع وقلت لها أمي ليش ماتغسلين ملابس النونو قالت مايحتاج طول عمري ألبسكم مافيكم إلا العافية..
قلت مايخالف أنا بغسلها..
وبالفعل صنفت الملابس حسب الألوان وغسلتها بالشامبو حق الملابس الرقيقة وغسلت البطانية والكوفلات كل شي وماتصدقون يابنات الموية كيف كان لونها صار بني ...
وأنا أصارخ على أمي ووريتها المويا وتقول ياساتر زين غسلتيها..ولما نشفتها بالنشافة لازم تكون الملابس ألوانها وحدة مو تخلطينها عشان تكون مثل الجديدة وتكون كأنها مانلبست لأنك لو خلطيها ممكن القطن المتطاير يلصق بالملابس الثانية وتصير كأنها انهرت من اللبس..
المهم ان قررت أني لما أشتري أغراض النونو بغسلها من معاااااي ..
وشريك بهالسالفة وياريت لو ترفعون الموضوع عشان يقرأها أكبر عدد ممكن من البنات..

[ام تميم 66]

يعطيييييييييييييييك العاافية ومااقصرتي يا الغلا,,,

[حنين الجنة]

جزاك الله خيرا حبيبتى على التنبيه
مشكوووووووووورة ماقصرتي

[أم لارين]

جزاك الله خيراً ...

[جنة الامومه]

مشكوره
انا امي دائماً الملابس الجديد لازم تغسلهم
تقول مو زين الزباين ماتكون دايما نظيفه يدهم

[نبع المحبة]

مشكووووووووورة خيتوو
انا متعودة دايماً أغسل الملابس اليديدة قبل ما ألبسها أو ألبسها لبنتي
محد يضمن الملابس تكون نظيفة ولا لا

[طيور الحب]

اشكرك اختي العزيزة على الموضوع المميز والمهم في نفس الوقت


ناس كثير ما تغسل الملابس الجديدة فمباشرة من السوق

على جسمهم مباشرة وقت اللي بلبسونها

ولكن انا متعودة اني اغسل ملابسي الجديدة قبل لا البسهم


ونفس الشي لما تزوجت اغسل ملابس زوجي الجديدة قبل لا يلبسهم


وان شاء الله ملابس النونو بغسلهم ايضا قبل لا البسه اياهم



شكر لك عزيزتي

[نبض قلب]

مشكورة اختي بارك الله فيك

[ملكه جوري]

يعطيكم الف عااااافيه ع المرور

[ام ماهر]

مشكوووووووووره مو بس ملابس النونو لازم تغسل حتى ملا بسنااا احنااا الكباار لازم نغسلهاا قبل لبسهااا