مشبّه حبيبي :::

[عشق الصدى]

’دق جوالي

وأحس القلب يومهـ دق/دق !
صفر خمسة أربعة ,,
وآخره خمسه سبعتين
قلت في بالي وش الطاري ؟!
عسى المحبوب رق ..
من ثمان شهور مايسأل ..
عسى الطاري حنين
المهم إني ذكرت الله ,,
وقلت : الله حق ..
وأضغط الزر المحدد ,,
سم .. عفوآ ..انت منو ؟!!
قلتها و انا اعرفه
مير الثقل حل وسبق ,,
قال انا اللي متصل ,,
و ارجوك زيــنها تزين
قلت : يعنــــــي ؟؟!
قال : يعنــــــــــــــي’
شوفني ميت زهق !!
ودي اسولف معك
من غير جيم وغير سين
قلت تآمر| قال تسلم ,,
وابتدأ كشف الورق !!
واسمعه دق السبيكر,,
قلت : عونك ي معين !!
قال : وش حالك عساك , بخير ؟!
قلت : الخير طق ’
من عقب فرقاك ي قاسي
غدا حالي حزين
قال : قلبك وش علومه ؟!
قلت : قلبي احترق !!
ما قوا هجرك وبعدك
ولا قهر السنين
قال : شعرك !!
قلت : شعري ..
لاآ ابد طب وتنق ,,
كل خفاقي قصايد ,,
من يسار ومن يمين
قال : كبه .. قلت : اكبه
قال : والمركب غرق ,,
قلت : مركب ايش هذا .؟!
قال : ططحت ب هالكمين ,,
ماني بصاحبك بس ارجووك ,,
من يسبق لبق ,,
انت اسلوبك عسل ,,
وانفاس حكيك ياسمين
ب الغلط دقيت ,,
وأحمد ربي الرزاق رزق ،،
والله اعلم انك مشبه ,,
على شخص ثمييين !
قلت لحظه ’ ماهي الدعوه
صحن ومرق !!
اصبر اصبر خلني ’
اعرف مكان اللبس وين !!
قمت اراجع رقمك الموجود
واشوفه فرق !!
انته خمسه سبعتين ....!
وذاك سبعه خمستيين ..!!