الأم لاتنسى نفسها في زحمة النفاس

[(ياسمين)]

السلام عليكم ورحمة الله وبركاته
قريت كثييييير عن الاعشاب اللي تستخدمها الوحدة في فترة النفاس والأكلات وتجهيزات البيبي والادوية وووووو....بس في حاجة ودي نسولف عنها وهي (الأم) بعد نفاسها أو في فترة النفاس ايش تسوي عشان تهتم ببشرتها وجمالها وملابسها والافكار الرومانسية مابعد الولادة ...

شاركونا الأفكار والتعليقات انتظركم

[روح البنفسج]

على قولتهم موضوعك جاني الجرح ..
ياريت والله كلنا نتشارك بالمعلومات ونستفيد لان فترة النفاس تحتاج عنايه زايده بعد شهور الحمل المتعبه والاهمال والتغييرات اللي صارت ..
انشالله اجمع معلوماتي وارجع اشارككم فيها

[ذكريات الماضي]

جبتيها على الجرح بحثت وبحثت وبحثت وللحين انتظر تجارب الاخريين

[مدام الهام]

انا من الشهر الثامن اشتري لي كريمات وصنفرة وحمام مغربي واحطهم شنطة او كيس وبعد اسبوع من النفاس اخلي زوجي يجيبها لي عند اهلي واجلس اهتم بنفسي عشان اصلح ماخربة الحمل واطلع من الاربعين قشططططططططططططططة ------- وقبل ماخلص الاربعين انزل السوق اشتري لي قمصان نوم وكريمات ومكياج وعطور جديدة وعباية وملابس ومفرش سرسر طبعا جديد - وقبل يوم اويومين لرجوعي بيتي اصبغ واقص وشمع وحلاوة وحمام مغربي علشان ارجع لزوجي كاني عروس بجد والله حتى نفسيتي تتغير

[(ياسمين)]

انا المرة هاذي حاولت ابتدي بدري عارفة ان المسألة مسألة هرمونات ومالنا يد فيها بس قلت اخفف من الوضع على الأقل احاول انا في الشهر السادس اذا تعبت نسيت سالفة العناية بالبشرة واذا صارت الاوضاع اوكي كملت

استخدم صنفرة المشمش وبعدها املاح اليوكو والصابونة حقته بالنسبة للوجه طالعه لي حبوب كثيييير وماخليت شي ماحطيته من الاقنعه الطبيعية بس مافي فايدة ولو الود ودي امشي بنقاب عشان مايشوف زوجي الحبوب <<هههههههه

لفترة النفاس جهزت لي خلطة شفتها بالنت وهي لتفتيح المنطقة وازالة السيلوليت من الأرداف والأفخاذ وهي عبارة عن:

ملعقتين كبار جليسويد "العلبة الحمراء"
عصير ليمونتين"
جلسرين سائل 40_50 ملل
زيت جنين القمح "نصف العلبة"
زيت البابونج"نصف العلبة"

نجي للطريقة بعد الأغتسال والتشطيف بالملح والمرة وتجفيف المنطقة جيدا توضع هذه الخلطة على الأرداف,بين الأفخاذ,المنطقة الحساسة تدلك 3 دقايق حتى تتشربها البشرة ويلبس شورت ستريتش ونامي فيه والصباح اغسليه تقول صاحبة الموضوع ان بشرتها صارت ناعمة من اول استخدام ومع الوقت يتوحد اللون وتفتح المنطقة

هاذي اول الخلطات وان شاء الله لي رجعة بباقي الخلطات اللي مجهزتهم للنفاس

[(ياسمين)]

روح البنفسج
ذكريات الماضي حياكم الله وننتظر نتايج البحوث
مدام الهام يعطيك العافية حبوبة ومن جد يبغى لنا تصليحات وهدم وبناء بعد الحمل هههههههه

[(ياسمين)]

بنات وينكككككككككككككككككككككم؟؟