لسى فرحتي ما كملت اسبوع :(

[رسيل20]

السلام عليكم

كيفكم بنات..؟

بعد مافرحت قبل اسبوع بحملي البكر ..!!

للأسف

نزل الجنين

والحمد لله على كل حال هذا اول حمل وان شاء الله ربي يرزقنا بذريه الصالحه..

بس عندي كم سؤال ..؟

لازم عمليه التنظيف بعد التسقيط..؟
لان انا فقط اعطتني حبوب ..

ومتى افضل وقت احمل فيه بعد التسقيط ..؟

الدم الي ينزل كم يجلس ..يطووول ..؟

وهل هو مثل دم الدوره ..؟ لان احس الدم الي ينزل عندي اقل من الدوره ..!!

اذا نزل الدم الحين متى تجيني الدوره ثاني ..؟ وهل تتلخبط ولا ترجع مثل اول ..؟

وهل التسقيط في الشهر الاولى يحتاج راحه مثل النفاس ولا عادي امارس حياتي بشكل طبيعي ..؟

وش الاشياء الي مفروض اسويها علشان ينظف الرحم ..؟

عندي سؤال خايفه منه كثير ان التسيقط في اول حمل ممكن ياثر علي وما احمل ثاني ..هل اعتقادي صحيح ؟؟؟؟؟؟؟؟

[ام تميم 66]

الف الف الحمد لله على السلامة ,,,ان شاء الله ربي يعوضك خير ياارب,,,

لا حبيبتي مارسي حيااتك طبيعي ولا كان شي صاار ,,ولا تحملين الا بعد 3 شهور احسن علشان ما يتكرر ذلك ,,
وتوكلي على رب العبااد ولا عليك من اي شي,,

وربي يعوضك خيير ولا تدرين وين الخيرة فيية ,,,

[أم عمار 24]

عزيزتي رسيل
الله يجيرك في مصيبتك ويخلفلك خير منها يارب
الأجهاض إذا كان من الأجهاد وفالشهور الاولى
عادي الحمدلله الحين نزلي بقايا الجنين
عشان الرحم يصير نظيف أشربي القرفة الساخنة
ومتكون مطحونة أغليها وأشربيها ساخنة
والصلاة صلي اتوضي وصلي لأنو مايعتبر نفاس
بس عليك بالراحة عشان تسترجعي قوتك
وستخدمي الفوليك أسيد 400 ولا تقطعيه
عشان الحمل الى جاي يصير تمام ان شاء الله
والدم فيه بنات يقولون مثل أيام الدورة
وأنا صارلي مثل أيام الدورة تمام
وميعاد الدورة الجاي نفس اليوم ألي أجهضتي فيه
وبيني وبينك أشوفو يتأخر بس على الي تسوي تنظيف
هذا طبعا من قرأتي لمشاركات العضوات
المهم خلي نفسيتك مرتاحة لأنو ممكن يصير حمل بسرعة
وعلطول بدون ماتجي دورة والراحة النفسية أهم شي
لأن تساعدك على الحمل مرة أخرى أن شاء الله
لاتقلقي ولا تفكري ألي يقولك ماتحملي بعد الأجهاض
هذا غير صحيح والله يوفقك ويعوضك بالذرية الطيبة
وأدعيلي ربي يعوضني أنا كمان بالذرية الصالحة

[مشتاقه للجنه]

الله يعوضك حبيبتي وان شاء الله خيره لك
انا سقطت في عيد الحج وسويت عملية تنظيف والدم كان جدآ قليل وكنت اصلي لأنه لم تنفخ فيه الروح كان اربع اسابيع فقط لذلك لايعتبر نفاس تصلين عادي واخذ اسبوعين و وقف الدم وجات الدوره بعد شهر من العمليه تقريبآ ..

[مشتاقه للجنه]

نسيت اقولك اهتمي بنفسك من حيث الأكل ودفي نفسك لأنه وانا في المستشفى قالت لي وحده اهتمي بنفسك مثل النفاس لأن الرحم يكون مجهد ومن حيث الحمل انا سامعه الدكتوره تقول عادي بعد اول دوره تقدري تحملي بس ما قلتي وش سبب التسقيط ؟؟

[ام ميمي ان شاءالله]

الله يعوض عليج

[غلا الشوق]

الله يعوض عليك غنااتي

[ريامي]

حمد الله على سلامتك
والله يعوضك خير يالغلااااا

[أم دلع 1]

الله يعوضك بخير منه
والتنظيف موضروري اذا طاح الجنين

[إنجي]

سبحان الله نفس قصتي اجهضت البكر نهاية شهر ذو القعدة
بس عرفت الخميس بخبر حملي وفرحة سقطته الاربعاء بعد خمس ايام والحمد لله ع كل حال والله يعوضني ويعوضك خير
المهم ياحلوه تهتمي بنفسك تدفي زين وتشربي قرفه وزنجبيل عشان ينظف الرحم
لأني أنا مثلك الدكتورة قالت لي مااحتاج تنظيق وصرفت لي بس حبوب
واهتمي باكلك واشتري حبوب حمض الفوليك مهمة واسبرين الاطفال كذه قالت لي الدكتوره
وعادي تصلي الصلاة حتى مع نزول الدم لآنه يعتبر دم استحاضه
واهم شي الراحة
والدورة الله يكرمك نزلت ع الشهر اللي بعده نفس تاريخ يوم اجهضت

والله يفرح قلبي وقلبك قريب ويقومك بالسلامة