لاتجعلي من نفسك حقلا للتجارب فتندمين

[ميساء غز]

نصيحه لكل وحده تلعب بنفسها بهدف التضويق>>>

السلام عليكم ورحمة الله وبركاته


كيفكم سيدات ؟


ان شاء الله تكونوا بألف صحه وعافيه


بنات راح ادخل في الموضوع على طووول


إلى متــــــــــى نلعب بأنفسنا!!!


اذا فتحت منتدى نسائي الاقي العجب من الخلطات والتحميلات والأعشاب وبلاووووي كثيره يستخدمونها المتزوجات


ومايعرفون انه لها ضرر على المدى البعيد


قبل كم يوم قرأت لوحده من البنات نظام وقت الدورة تسويه


يؤ يؤ يؤ


من جد تعبت وانا أقرأه ما بالكم اذا جيت أطبقه


اليوم الأول من الدورة له شغل خاص


واليوم الثاني له شغل خاص


مشروبات ومنقوعات وبخور من تحت وتحميلات


ما ادري ليش حسيت كأن أجسامنا مكان للتجارب من دون مانعرف انه يمكن نضر أنفسنا ضرر كبير جدا


ونندم عليه



راح اذكر لكم قصتين من الواقع


القصه الأولى حصلت لوحده من قريباتي


استخدمت الشبه كغسول للمنطقه


وبعدها بفتره بدأت معاها نزيفات


راحت للمستشفى واكتشفو فيها ورم


قررو لها عملية استئصال لجزء من الرحم


وسوت العمليه وبعدها بيومين توفت الله يرحمها ويسكنها فسيح جناته بسبب خطأ طبي لأنهم نسو شاش على ما اعتقد جوااا



القصه الثانيه


عن وحده أستأصلو الرحم كامل عندها ليييييش؟؟


لأنها كانت تدخل تحاميل من جوا


والتحميله اللي تستخدمها من محتوياتها رشاد


كانت تدخله حب وماتطحنه


بعدها بفتره حست بقساوه في بطنها وبدأ يكبر وآلام


وراحت للمستشفى وهناك اكتشفت الخبر المفاجأ


انه الرشاد نبت جوااا الرحم !!!


وتشعب بقوووه وسبب التهابات وتليفات ولازم استئصال على الفووور


لاحول ولا قوة الا بالله




بنات من جد نصيحه من قلبي لكم


اتركو هالخرابيط وعليكم بالاشياء الطبيه والأعشاب الخفيفه وقت الدوره مثل الكمون والقرفه والحلبه والبردقوش


وبالنسبه للتحاميل انسوووووها تماما


واللي تعاني من الهوا او الخوا >> ما ادري ايش اسمه


اهم شيء وقت الدوره تهتمين بتدفئة جسمك


اما التحاميل والغسولات صدقوني مفعولها وقتي فقط


ولها سلبيات على المدى البعيد


سبحان الله - الرحم بطبيعته يابنات ينظف نفسه بنفسه وفيه بكتيريا في عنق الرحم مفيده جدا واستخدامك للتحميلات والغسولات الشعبيه يمكن يقتل هالبكتيريا وبعدها تجيك الالتهابات والقرحه وانت في غنى عن هذا كله


راح احكي لكم عن تجربتي أنا


أخذت نظام لوحده من البنات واستخدمته وقت الدوره وتحميلات وغسولات


وفي الاخير وش صااار؟


بعد ما انتهت الدوره أحس الافرازات زاااادت وبين فتره وفتره الاقي شوية دم نازل مني وانا اول مرره يصير لي كيذا


هذا غير اللآم اللي جتني في بطني قبل الدوره بكثيييير وكانت قووويه


وطول الوقت احس كأن بطني منتفخ ولما كشفت عند الكتوره قالت عندك تكيساااات !!!!! وانا ما كان عندي


بعدها حرمت استخدم هالخرابيط وقلت راح ارجع لنظامي السابق اللي راح اقولكم عنه


بس قبل ما اقولكم عنه راح اقولكم انا ليش أخذت النظام اللي سبب لي هالاعراض السلبيه


وهو انه مره من المرات طلع صوت وقت ....... وفي وضعية معينه اللي هي الفرنسي


بس انا اللحين اكتشفت ليش


لأنه المكيف كان عالي


ومن بعدها وانا معلنه حالة الطواريء وانه انا فيني وفيني وبدأت ابحث والف وادور على هالانظمه الكثيييره اللي ثلاث ارباع الاعشاب فيها ما اعرفها بصراحه


بعد فتره سمعت دكتوره تقوول انه هالشيء طبيعي يحصل للمتزوجة في وضعية معينه !!


سمعتوا يا بنات طبيـــــــــــــعي
يعني لا تسويون حالة استنفار اذا طلع منك صوت في وضعيه معينه

لاااا هذا طبيعي بس حاولي المكيف يكون هادي والوضعيه مريحه أكثر



لكن بالنسبه للي يطلع معاها الصوت حتى من دون .... وهي تمشي .. تصلي.. جالسه مع الناس



راح اقولك نظام بسيط جدا وحلووو بالمره اتبعيه وان شاء الله يرووح منك كل هالاشياء واتركي عنك هالخرابيط والأعشاب



النظام وقت الدورة هو :-


طوول أيام الدوره خلي عندك ترمسين


أول ماتصبحين سويها


الترمس الأول >>> قرفه +كمون+شوية حلبه علشان ماتطلع ريحتك + شوية مسمار اللي هو قرنفل + سكر


الترمس الثاني زنجبيل طـــــــــــازج مع شوية سكر


أول ما تصبحين أشربي كأس من الترمس الأول


والترمس الثاني تقهوي منه طوول اليوم مثلا بيالة العصر بيالة المغرب


وقبل ماتنامين أيضا أشربي من الترمس الأول


واستمري طووول فترة الدورة


طبعا انتم تعرفون فائدة القرفه تنظف البطن وتسكن ألآآآم الدورة


والكمون يقول الدكتور عبدالباسط انه منظف طبيعي لأعضاء الجسم


والحلبه مثل ما قلت لكم يابنات شووووي أنا احط ربع ملعقه صغيره لأني ما احب الريحه


والقرنفل حاااار وينزل الدورة



والزنجبيل مفيد جدا جدا ويدفيك ويطلع الهوا اذا شربتيه وهو تقريبا حار الى دافي



الخطوة الثانيه


3 ملاعق زيت زيتون مع ذرة زنجبيل تدفيها على النار >>> تدفيها موب تغليها


وتصبيها على بطنك وظهرك وبجامتك عليك وبسرعه لفي نفسك بالبطانيه واشربي وانتي تحت البطانيه من الزنجبيل حلوووه يابنات تطلع الهوا من الرحم


سويها كل يوم من أيام الدوره


الخطوة الثالثه


اليوم الثالث من الدورة تعملين تمارين للبطن



سمعتوووو يا بناااااات


تمارين للبطن اللي تكونين مستلقيه على ظهرك وترفعين راسك


سوي بالتدريج مثلا اليوم الاول 6 مرات >>> لأنها في البداية متعبه


اليوم الثاني 8


الثالث اكثر وهكذا



يابنـــــــــــات انا لاحظت انه اغلب البنات المتزوجات أو غير المتزوجات اللي يشتكون من الهواء


ما يسووون تمارين تلاقين البطن عندها كبير ومترهل شوي


يعني عضلات بطنها موب قويه


تتوقعون لو تسوون تمارين للبطن وتقوون عضلاات البطن الرحم ما راح يقوى؟


إيــــــــــه نعم راح يصير الرحم قوي وهذي معلومه طبيه




أيضا لا تنسون تمارين كيجل




بالنسبه لتمارين البطن وكيجل تكون وقت الدورة وغييير وقت الدورة يعني بشكل دااااااااااائم



وبالنسبه للبسك وقت الدورة أهم شيء تلبسين دااااااافي وما تتعرضين للهواء البارد


وآخر شيء


راح أقولكم على غسول حلوووو بالمره


طبي ويحتوي على البابونج وانتم تعرفون انه البابونج لها مميزات كثيره


اولا مطهر للمنطقه


ثانيها يفتحها بالتدريج


ثالثا والله اعلم سمعت انه يضووق


اسم الغسووول


rozeta


غسول روزيتا


ب65 ريال


غسلي فيه من أول يوم للدورة مرتين يوميا صباحا ومساءا الى نهاية الدوره



كلمة روعه عليه قليله ريحته حلووه ويخليك منتعشه

أيضا غسوول الملح

شوية ملح خشن مع موية دافيه غسلي فيها المنطقه في حالة اذا ما عندك غسول طبي

والمويه والملح ينصحون فيها الدكتورات علشان كيذا كتبته لكم



بنوتــــــــــــــات أدري طولت عليكم


بس ماكتبت هالموضوع الا من خوفي عليكم وخصوصا بعد التجربه اللي مريت فيها


انتبهو لا تلعبون بأنفسكم


لو يوم يجي الوحده منكم شيء بسبب هلاخرابيط راح تندم وقت ما ينفع فيه الندم


تلفتو حواليكم وشوفو اللي تضررو من هالخرابيط


لا تقولون جداتنا يسوون ويفعلون أدري


بس بصراحه ماكانوا يبالغون لها الدرجه


واذا ولدتم لا تولدون عند اي دكتوره رحوو لدكتوره تكون خياطتها كويسه بعد الولاده


ووقت النفاس اهتمي بنفسك بالمعقوول ولا تنسين الرياضه ثم الرياضه ثم الرياضه


هي اللي تعطيك مفعوول طويل موب هالتحاميل الشعبيه



نهاية الموضوع اللي عندها تجربه قاسيه او حصل لها او لوحده تعرفها مضاعفات بسبب هالخرابيط ياليت تكتب قصتها هنا علشان البنات يتعظون
اللهم لك الحمد والشكر كما ينبغى لجلال وجهك وعظيم سلطانك

[همس الكلام]

جزاكي الله الف خييييييييييييييييير
ويعطيكي العافيه
صراحه موضوع مفيد وراااااااااااااااائع
سلمت يداكي اختي

[مشتاقه للأمومه]

موضوع رائع
جزاك الله خير الجزاء

[روح البنفسج]

لك جزيل الشكر والتقدير ولا عدمناكي

[المستانسه بالله]

ربي يسلم ايدينك ويعطيك الف عافيه وماازيد على كلامك مره وحده ذاك اليوم بكلامك ذكرتيني والله تقولي حطت بندول من اسفل الرحم وهي حامل تخيلوا بغيت اموت عليها من الضحك وبنفس الوقت استغربت مو لهاذي الدرجه يعني بصراحه اخاف من شي مااعرفه ماافكر استخدمه وبصراحه انا حتى على نفاسي والله مااستخدمت ولاشي من اسفل اللهم مشروبات بس قشر وزنجبيل والاشياء المعروفه انها مفيده

[شعولة ميشو]

يعطيكي العااااااافية حبيبتي كلامك مفييييييييييييد وراااااائع وانشاءالله البنات يستفيدون ويبعدون عن هالخرااابييييط الي مال امها دااااعي ومكشوووووووووووووووووورة عزيزتي
سلمت انااااملك غاااليتي.

[هنادي تنادي]

شكراً لك

بس وش علاج الي غلغلوها بالولادة من تحت وبالأخير عمليه وتركوها بدون خياط من تحت

يارب تسترني

[حلا الماس]

موضوووووووووع رائع جدا ومفيد

جزاك الله خير

تم تقييم الموضوع

[أنـــ غير ـــا]

مشكورررررررررررره على المعلومات

[روحي تهواك]

يعطيك الف عاافيه فعلا كلام مفيد قبل اسبوع وحده اعرفه أجهضت بسب الاعشاب وسوت عمليه والمسكينه مررره تعبانه