السلام عليكم و رحمه الله و بركاته
اسعد الله اوقاتكم بكل خير يارب
حابه اذكر تجربتي بالحمل بعد تأخير دام 11 سنه
بدايه زواجي مثل كل عروس ما كنت مهتمه كثير لموضوع الحمل كنت افكر بنفسي و كيف انبسط و كيف اهتم بنفسي قدام زوجي و ابدا ابدا موضوع الحمل ماكان في بالي ، مرت سنتين على الزواج و بديت اشوف حمولتي اللي تحمل و اللي تولد الله يبارك لهم ، طبعا نبذه عنهم بسيطه هم تزوجوا بعدي اللي بثلاث شهور او خمس شهور و الله رزقهم ، بديت الاحظ على نفسي و احسب انا متزوجه من سنتين ليه ما صار حمل و افكر و مخي يجيب فكره و يودي فكره و طبعا اجهل بأمور تأخر الحمل كثييير و زوجي مافكر في يوم يقول لي مثلا خلينا نراجع او اي من هاذي الامور ، طبعا كنت يومها راجعه من نفاس وحده من حمواتي و قلت انا وراي ما حملت للحين اخاف فيني شي ، انا ما استخدمت مانع و لا استخدمت شي ، يعني لو حملت راح يكون الموضوع عندي مفرح و بنفس الوقت راح يخوفني لانه بدري ، هذا التفكير كان بأول سنه بس بعد ماصارت السنه سنتين هنا لا ستووب انا ليييه ما حملت !!! و هنا بديت ابحث و اقرأ عن اسباب تأخر الحمل ، و أكتشفت المشاكل اللي ممكن تعيق الحمل ، و بديت أوسوس كثييير و صرت أدور مستشفى زين اراجع فيه ، و رحت بعد ماحجزت موعد بأحد المراكز و فحصتني الدكتوره و كان وقتها صادف موعد تبويضي و قال تبويضك فوق الممتاز و استغربت اني ما حملت قالت لي اسوي تحاليل هرمونات و سونار ، و فعلا سوتهم و كل اموري الحمدلله طبيعيه قالت الدكتوره : لازم زوجك يحلل ! و هنا جت مرحله كيف اقنعه يحلل 🤔 ، رجالي شوي صعب بمواضيع مثل هاذي اول مارجعت قلت له اموري طيبه و تقول اني اقدر احمل و صار يرد علي بشك ! يعني يرد علي بـ ايه طيب ، ان شاء الله ، يصير خير ، اللي كنه انتي تكذبين مابتقولين ان فيك شي حتى لو فيك !! بديت امهد له يعني انو فلان جاه بزر و علانه ولدت و هو ايه الله يبارك لهم و يرزقهم بره و يسكت بعدين صرت اقول له شرايك تجي معاي المستشفى تسوي فحوصات تتأكد منها أنك طيب و كان رده بعصبيه جدا و متنرفز كثييير انتي ماتفهمين انا قلت لك مافيني شي روحي انتي عالجي نفسك والا تزوجت عليك 🤬 انا هنا كنه احد صب علي ثلج 😰 صدددمه عمري لما سمعت هالكلام فكرت و فكرت و فكرت بعدين قلت انا مو خسرانه شي ابقول له يطلقني عشان هالسالفه اذا طلق يعني مو فارق معاه وماخسر الا نفسه و اذا ماطلق او بدء يلف و يدور او يغير السالفه يعني هو ماوده يخليني و سبحان الله اللي خلا خطتي تنجح و صار فعلا يلف و يدور بالكلام وانا ممشيه دور الزعلانه عليه وملزمه اني ابي الطلاق و بهدايه من رب العالمين قرر يحلل و فعلا حلل و كنت انتظر النتيجه بفارغ الصبر كنت اتوقع اني راح اقدر اشوف النتيجه بعيني لكن للاسف رفض اني ادخل معاه للدكتور و لما طلع حسيته كان يحاول يغطي زعله بضحك بالغصب و يقول قلت لك مافيني شي و هذا رزق من الله و اكيد ربي راح يرزقنا ، و في يوم من الايام كنت بالسياره و جا براسي افتح درج السياره اللي قدامي و فتحته و اوراااق كثير و بديت افتح و اقرا الاوراق و لفتت انتباهي ورقه تحليل مافهمتها ابد ؟ اخذتها معي بالشنطه دسيتها و رجعت كل شي مكانه ماكن فيه شي ، اتصلت على المركز و اخذت موعد عند دكتورتي اللي راجعت عندها اول مره و صار يوم موعدي و رحت و كنت متشوقه افهم ورقه التحليل و قلت لها زوجي حلل و هذا التحليل ، سكتت يمكن خمس دقايق عندي كانت خمس سنين و فجأه قالت لازم يسوي خزعه لان ماعنده حيوانات منويه النتيجه صفر 😔
و هنااا بدت المعانااااااه من لما رجعت و عرف اني دريت بتحليله ، و صاااارت مشااااكل كثييير صعب اشرحها بسطرين و صارت الناس تسأل ليه يا فلانه ماحملتي و كل وحده تتكلم عن دكتور زين رحنا له و سوا طبعا الخزعه و لقوا عنده حيوانات منويه و جمدوها و اخذنا موعد تلقيح و للاسف فشلت و انابيب بعدها بفتره و للاسف ايضا فشلت تحطمت و صرت اقول بيني و بين نفسي يارب اذا ابكون ام في يوم من الايام فقدم لي هالفرحه و لا تأخرها ، و كنت ياما أنام على فراشي و أملي مخدتي دمووع و أنهااار بكي من هالموضوع و أشوف خوف فلانه و علانه على عيالهم من عيني لدرجه وصلت فيهم إذا صارت جمعه ما يقولون لي و لما نجتمع اجباري بمناسبه اللي تسمي على ولدها و اللي حاظنه بنتها ، و احد المواقف اللي اثر فيني كثييير انهم مره يسولفون عن الحمل و مخططين انهم بيتفقون يحملون في شهر معين و فجأه بكل وقاحه وحده منهم تقول لي انتي طبعا برا الحسبه !!! انكسرررررت كسسسر كبيييير في قلبي لدرجه قررت اني خلاص انفصل عن زوجي و اعيش حره بلا زواج و لا اطفال لكن زوجي كان يترجاني كثيير و كنت اصبر و استغفر الله عن هذا التفكير، طبعا احدااااث كثير لين كملت 11 سنه بالضببببط بلا اطفااال ولا حتى فرحه حمل ماتمت ، و في السنه الاخيره اللي هي رقم 11 و في يوم من ايامها كلمتني بنت عمي عن المعالجات و انهم يعالجون انا هنا قلت لا انا اخاف من هاذي الاشياء و ابعديني عنهم الطب ماعرف لنا هذولا بيعرفون طبعا نبذه عن بنت عمي هاذي دكتوره و مجالها طب اسنان لكن عندهاا علاقات مع دكتورات بمجالات و تخصصات ثانيه و طبعا بنت عمي هاذي مرايتي جدا مقربه مني و تعرف كل مشاكلي و اغلب امور حياتي و حتى سبب تأخر حملي فذكرت لي دكتوره صديقه لها بمجال النساء و الولاده تقول كانت عندها مريضه قصتها نفس قصتي الاختلاف فيها ان هذيك لها 17 سنه بدون حمل و عندها ضعف شديد بالتبويض و فجأه صارت حامل و تتابع عند دكتورتها و لما سألتها الدكتوره ( صديقه بنت عمي بالمستشفى ) قالت مريضتها أني عالجت عند معالجه انا و زوجي و تعالج حالات الانعدام انا قلت لبنت عمي اساليها اذا تقدر تجيب رقم المعالجه من مريضتها و بعد اسبوع كلمتني بنت عمي تقول الرقم عندها و ارسلته لي و فعلا كلمت المعالجه و شرحت لها كل شي سألتني أسأله عن زوجي و سألتني أسأله عني و طلبت تحاليلنا و قالت عن علاجنا و طبيعته كيف بتكون و عطتني اعشاب تنحفني عشان وزني شوي كان زايد مو كثير بس قالت انزلي ثلاث كيلوا و امشي و عطتني برنامج و عطت زوجي عسل و برنامج و كان ثقيل العسل من كميه الاعشاب اللي يحتوي عليها ، زوجي استخدم العسل شهرين و بالشهر الثالث انا دورتي تأخرت و كانت أول مره خلال ال11 سنه تتأخر دورتي و خففففت كثييييير ان العلاج ممكن سبب لي مشكله و كلمت بنت عمي من باب اشكي لها خوفي قالت لي حللي حمل فضحكت قلت لها خلي زوجي اول شي يحلل عشان اقتنع احلل حمل و الا لا ، قالت شوفي انتي كم لك دورتك متأخره قلت ثلاث ايام قالت انا جايتك و فعلا ساعه و هي عندي ، الا جايبه لي اختبار الحمل و تأشر لي للحمام تقول انا انتظرك بالصاله انا قلت مابي اتحطم انا مو حامل و اكيد الاعشاب سببت لي مشكله مع اني اشوف نفسي نحفت عليها 4 كيلوا و عليها قالت لي مو خسرانين انتم على علاج و نأمل من الله أنه صار شي أو تغير شي و دخلت للحمام اجلكم الله و حللت و ماشفت شي و طلعت من الحمام وانا اقول لها قلت لك التحليل على الفاضي و هي تقول وريني اشوف وريتها الا تقول فيه خط فيه خط انا ما اشوف شي وين الخط و حطته لي عاللمبه و خط كان خفييييف مره حسيت جت رجفه بعظامي كلها و دقيت على زوجي قلت اسمع يافلان تعال الحين ضروري نروح المستشفى ، هو خاف كثييير بعد ماسمع لطشات كلام مني و جا و رحنا للمستشفى و هو حلل و انا حللت و اتفقنا نرجع بعد ست ساعات و طلعنا و غيرنا جو و تمشينا و انا بطني مغغغغص كنها الدوره بتنزل و مافي شي و رجعنا بعد ست ساعات قلت له اول شي نشوف تحليلك عشان ما نزعل من تحليلي و يكون الوضع عادي و وافق و دخلت معاه للدكتور و كنا ننتظره يقول النتيجه و طوول الوقت ساكت و فجأه نطق زوجي قال يادكتور عارفين النتيجه صفر قال الدكتور صفر ايه يابني دنا بشوف تحاليلك القديمه وانا مصدوم قال له عسى ماشر قال الدكتور ده خير يابني المنويات موجوده بص اهوه و التحليل كويس جدا و يلف الشاشه على زوجي انا طلعت من العياده و زوجي لحقني وسجدت شكر لله عند باب العياده و قلت ياااااااارررررررررب لا تخييييب ظني و زوجي يسحب فيني و اركض على تحليلي نسأل عنه الا تقول لي النيرس مدام .... مبروك بوزيتوف قلت يعني ايش يعني حامل تقول النيرس ايواا مدام مبرووك بكييت بصوت و زوجي يبكي معي لدرجه بكينا اللي معنا من فرحتنا و عدم استوعابنا لخبر الحمل و طلعنا و بشرنا الاهل و الحمدلله الان الله اعطاني احلى ريما بالكون كله و حامل بالطفل الثاني و ولادتي بعد أربع شهور أطلب منكم تدعون لي أن الله يثبته و يقر عيني بشوفته ( القصه ذكرتها و خصصتها بموضوع عشان كل وحده فقدت الامل ارجع الامل فيها و دايم اذكروا الله و استغفروه و حوقلوا لانها اسباب سبحان الله للرزق و بالنسبه للي عالجتنا ادعي لها في سري و في علني امام الناس و بيني وبين الله ان الله يرزقها و يبارك فيها و يحفظها و ينفع بعلمها للناس و اقول لكل المتأخراات يا بنات لا تيأسووون فرحمه الله واااااسعه ) و اعتذر على اطاله القصه حاولت اختصرها و هذا اللي طلع معي ( احبكم في الله ) ❤
03-08-2019, 05:29 AM
بعد عقم 11 سنه الحمممد لله
Srab 
رد: بعد عقم 11 سنه الحمممد لله
رد: بعد عقم 11 سنه الحمممد لله
.gif "hwaml13")
جديد منتدى منتدى علاج العقم و تأخر الحمل
العرض العادي
