السلام عليكم ورحمة الله
صباح الخير
هذه اول مشاركة لي وان شاء الله تفيدوني لاني محتاره كثير والله كريم
اول شي اعطيكم نبذه عن حالتي ، عندي تكيس مبايض واعالجه صار لي سنه تقريبا اخذ حبوب ديان 35 ، وعندي ورم ليفي خارج الرحم بس ع جدار الرحم بس الدكتوره تقول حجمه صغير جدا ، المهم اني متزوجه من 4 شهور تقريبا ، والشهر هذا وقفت المانع لاني افكر بالحمل يعني هالشهر اول شهر لي بدون ديان ،
الان استفساري ،
الدورة تاخرت 7 ايام المفروض تنزل الدورة قبل اسبوع ( عندي برنامج متابعة الدورة اللي يحسب وهو دقيق جدا ، يعني الان فات موعدها مفروض جات وانتهت امس ، جاتني كل اعراااضها من اسبوع الم فضيع باسفل الظهر واحيانا تجيني نغزات مكان المبايض مره يمين مره يسار ، قبل 3 ايام لاحظت احيان تجيني دوخه بسيطه اذا رفعت من السجود او صحيت من المكان فجأه واحس بتعب وارهاق وضيق تنفس، والنوم زايد عندي ودي طول اليوم انام ): ، ، وطبعا الصدر متحجر وفيه الم وهالشي دايم يجيني قبل الدورة بكم يوم بعدين تنزل بس هالمره مانزلت ! ، عملت قبل يومين تحليل حمل منزلي لان اول مره تتاخر كذا وطلع سلبي خط واحد فقط ، وكان عندي امس موعد بالاشعه ( الترا ساوند ) عشان موضوع التكيس والتليف مجرد متابعه ، والدكتوره عملت لي سونار مهبلي يعني مو ع البطن ، واستغليت الفرصه وسالتها وقالت مو ظاهر لي ان فيه حمل لكن مااقدر اجزم واقول لك مافي حمل او فيه لازم تتاخر اكثر ،وانا لاحظت يوم امس من الفجر افراز خفيف وردي بعني اذا مسحت بالمنديل يبين لون وردي جدا خفيييف ولكن بعد السونار الداخلي نزل علي امس بالليل تقريبا الساعه 10 لون بني بس ايضا خفييف ظنيتها الدورة نزلت لكن للان مازادت كمية الدم والالم الظهر بمووت منه واحس من امس بحرقان بالمعده وشوي غثيان ، انا دورتي ماتنزل كذا اول يوم كم ساعه خفيف بعدين تنزل كميه كبيره ولون غامق ، هالمره لون بني خفيف وفاتح ماادري هذا حمل او اجهاض او دورة نفسيتي تعبت ، هل احلل دم والا اشرب شي ينزل الدورة ؟ او انتظرها كم يوم اذا تزيد كمية الدم او لا ؟
نفسيتي تعبت زوجي يقول مو حمل يمكن لخبطه من حبوب المنع حاست الهرمونات ! هل فعلا الحبوب اذا تركتها كذا تسوي وتاخر الدورة ؟ او هذي اعراض حمل
حتى خايفه اخذ حبوب او مسكنات
طمنوني الله يسعدكم انا مالي تجربه بالحمل ولا ادري وش اعراضه