الحمد لله على كل حال شكل حملي خارج الرحم

[الكــــــــــآدي]

اهلاً بنات
طبعاً لاحد يقولي كل يوم تروحين ههههههه نبع الحنان مهي متطمنه الا تروحين خايفه يكون برا الرحم لان اذا برا وكبر لازم عمليه

المهم رحت
سويت سونار عادي ع البطن مافيه كيس حمل ولا شي
سويت سونار مهبلي مافيه شي
سويت سونار ثلاثي الابعاد ع البطططن مافيه ايضاً شي والحمدلله


قالت احتمال يكون خارج الرحم ومستحيل مايبين لان بالاسبوع السادس

وقالت نسوي هرموني التحليل
سويت وطلع العصر
نسبته 2895


بالاسبوع السادس انا
وقالت بعد يومين نعيده


واحساسي انه خارج الرحم والحمدلله ع كل حال
قالت وش الاعراض جاك اوجاع قلت لا

قالت نشوف النسبه


هالحيم اذا زادت شنو معناها واذا نقصت شنو معناها وبالاسبوع السادس هل هي مناسبه هالنسبه او مرتفعه


والله لا انا مرتاحه ولا امي كلنا خايفين خارج الرحم ومن عواقبه

[شمس الشموسة]

مو شرط حبيبتي يكون خارج الرحم رفيقتي للشهر الرابع لما يبان الحمل عندها بالرحم بيقولوا السبب انو جدار الرحم عندها سميك ..صح نسبة الهرمون عاليه بس الحمل خارج الرحم في اوجاع ومؤلم وبضلي حاسه بوجع باحد الجوانب اليمين او اليسار ...انشالله خير تفائلي خير..

[الكــــــــــآدي]

الله يسعدكم بنات
الوالده تقول فيه عشبه تشربينها اذا فيه حمل تثبته واذا لا برا الرحم تنزله
شرايكم اجرب او اكنسل كل شي وانتظر فتره

[υм вtℓαα]

خيتي الحمل خارج الرحم يسبب انفجار للانبوب
بس انتي حملك يمكن صار متاخر

استني اسبوعين كمان ولاتشربين شي
والله يطمن قلبك وان شاء الله مافي الاالخير

[خجل العيون]

ماابي اخووفك كنت بقولك امسس بس ترددت
لاتسمعين لاحد الي تقولك طنشي ولا تروحي ماهي هي الي بتضرر
نسبه الهرمون 2000 تدرين المفروض في جنين ونبض
الله يهيدك الحمل خارج الرحم كثير ماحسوا من بدري وبعضهم بالشهر الثالث بدت الاعراض والمفروض ماتطلعين من المستشفى حتى يعرفوا وين الحمل لان ممكن يكون بالمبيض او عنق الرحم مو شرط الانبوب


لاتشربي شي الله يهديك عن التخبيص روحي دكتوره شاطره خلها تكشف عليك

[انامل طفله]

اانا مع خجل العيون كيس الحمل يبين لما يكون
هرمون الحمل فوق ٢٠٠٠ ، في السونار المهبلي
لا تهملين نفسج الحمل خارج الرحم يكون خطير لو ما تداركتي الموضوع
والله ييسر امورج ويطلع حملج سليم يارب

[عايشه يوسف]

ياختي والله قلبي احسه طاح
لازم تعيدين تحليل ويشوفون النسبه
وممكن نفس ماقالوا البنات ان صار حملك متأخر
ولاتخاطرييين تاخذين عشبه مافي عشبه تثبت الحمل
وطمنينا عليكك والله قلبنا معاكك

[الكــــــــــآدي]

المشاركة الأصلية كتبت بواسطة خجل العيون

ماابي اخووفك كنت بقولك امسس بس ترددت
لاتسمعين لاحد الي تقولك طنشي ولا تروحي ماهي هي الي بتضرر
نسبه الهرمون 2000 تدرين المفروض في جنين ونبض
الله يهيدك الحمل خارج الرحم كثير ماحسوا من بدري وبعضهم بالشهر الثالث بدت الاعراض والمفروض ماتطلعين من المستشفى حتى يعرفوا وين الحمل لان ممكن يكون بالمبيض او عنق الرحم مو شرط الانبوب


لاتشربي شي الله يهديك عن التخبيص روحي دكتوره شاطره خلها تكشف عليك

انا والله مو متطمنه اني اطنش عشان كذا اروح
شافتني دكتورتين ودكتور كل واحد فحص لحال وكلهم نفس الكلام
والحمدلله

[الكــــــــــآدي]

المشاركة الأصلية كتبت بواسطة عايشه يوسف

ياختي والله قلبي احسه طاح
لازم تعيدين تحليل ويشوفون النسبه
وممكن نفس ماقالوا البنات ان صار حملك متأخر
ولاتخاطرييين تاخذين عشبه مافي عشبه تثبت الحمل
وطمنينا عليكك والله قلبنا معاكك

ي بعد قلبي انتي
الحمدلله ع كل حال اساس واضح خارج الرحم بدخل السابع مو معقوله ولابين حتى بالاشعه الثلاثيه
بس الحمدلله عسساها خير مامعي طفل

[الكــــــــــآدي]

المشاركة الأصلية كتبت بواسطة حياتي توأمي

شوفي انتي عيدي التحليل الهرموني
اذا زاد اضعاف الاضعاف ومابان بالسونارات معناه خارج الرحم لأنه مو معقول بيزيد الهرمون ومافي أثر للحمل بداخل الرحم !!

الله يعدي أمورك على خير وقلوبنا معك وطمنينا عنك أول بأول

هلا ححبي
كم تقريبا قصدج اذا زاد ب الالف!؟
اكيد بطمنكم من ارجع ع طول ادخل المنتدى دايركت

الله يسعدك