السلام عليكم ورحمة الله وبركاته
ابشركم يالغوالي الحمد لله ولدت وجبت بنوته يوم 19-11
طبعا بعد مااخذت الشهر التاسع كامل وزدت يوم واحد بس بدا عندي الطلق الصباح الساعه 5 الفجر كان خفيف وسبحان الله كنت خايفه انه يجيني طلق ومااكون عارفه ولا اميز بينه وبين المغص العادي بس كان مميز يعني الم يجي ويروح ويكتم انفاسك وربي حتى الكلام مااقدر اتكلم وبدى يشتد من الساعه تسعه الصبح ورى وكان كل عشر دقايق يجي ويروح انا قلت الحين بولد خلاص انهبلت لان الوقت كان متقارب بس قالو لي البنات كذا طلقهم وطبعا الالم الله لايوريكم شي فظيع رحت المستشفى الساعه 12ونص وركبو لي الاجهزه حقت التخطيط ومغذي وكل شوي يزيد الالم لين جاء العصر وانا ميته خلاص واروح الحمام وانتو بكرامه وينزل لي دم ومن بعدها يالله من كثر الالم جاني نوم واحس اني ميته خلاص مره افتح عيوني ومره اغمضها وخصوصا اني اليوم اللي قبل مانمت سهرانه وكنت طالبه ابره بنج واعطوني اياه قبل الولاده بساعه وبعدها خلاص ماعاد صرت احس بشي دايخه واذا جاء الطلق من قوته افتح وارجع انام وكل شوي تجيني وحده مره ممرضه مره دكتوره وربي من التعب ماعاد قدرت امنعهم بس فاتحه لهم رجولي وهم كشفيات عذبوني وتجيك الدكتوره وتفتح المويه قبل مااولد وتصيح على الممرضات تقول يالله ولاده ودوها غرفه الولاده وانا فرحت وخفت بس ابي افتك لاني مره تعبت ويشيلوني بس ماكنت شايفه شي اشوف كل شي زي الحلم ويحطوني على السرير وخلاص احس البنت تبي تطلع اهي تدف لوحدها انا ميته مااقد ادفع وتصيح علي الدكتوره تقول يالله دفي اهو الراس خلاص نشوفه بس شدي حيلك ودفيها حاولت استجمع قواي وادف لاكن مره الابره مخدرتني مره اصحى شوي وانام وتجي تعطيني كف تقول يالله دفي البنت حتختنق وانا ابكي ابي ادف بس ماعندي قوه قلت خلاص بنتي بتموت استغفر الله وتعبي بيروح كذا وحاولت اني ادفع لين قدرت بعدين الدكتوره الله لايوفقها تقول اذا جاك الطلق ادفعي وكملي لاتوقفين وهذا غلط غلط غلط مفروض تدفين مع الطلق بس واذا راح توقفين وانا ادري وقاريه عن هالشي بس مع الخوف صرت اسمع كلمها طيب وبعدين خلاص دفيت شوي ونمت ماحسيت الا يوم فتحت شوي بس واشوف بنتي مارين فيها وانا احسب اني احلم لاني ماقدرت اطلعها ونمت بعدها وشوي تجي الدكتوره تصحيني تقول لي مبروك خلاص انتي ولدتي قلت لها هاه وش تقولين انا ولدت قالت لا انا اللي ولدت وتضحك ماصدقتها والمس بطني اتأكد واشوف الكرش خلاص راح هههه بس من جد ملمس البطن بعد ماتولدين مره يخرع تحسين بطنك نازل تحت وضلوعك بارزه شي غريب وبعدها جابو لي بنوتتي وسلمت عليها وانا لسى دايخه من البنج وطلعوني غرفه التنويم وماما كانت معاي فشالت عني كل التعب الله يخليها لي وسلامتكم...
بس نصيحه يابنات لاتاخذون بنج ابد والله اني ندمانه مررره تمنيت اني ولدت وحسيت بكل شي لان اذا تبنجتي ماتعرفين تتصرفين والولاده يبي لها قوه منك انتي وانا وقت الولاده طولت ولاقدرت ادفع يعني ميته وغير كذا ماتدرين وش يسوون فيك وعاد تعرفون المستشفيات الخاصه وصار لي انحباس للبول انتو بكرامه وركبو لي قسطره لمده 15 يوم مع الخياطه والتعب وربي عذاب طبعا المستشفى الخاص اللي كنت فيه مااكتشوفو ان عندي انحباس في البول جلست عندهم يومين بغيت امووت وهم كل ماصحت عطوني مسكن ولا مغذي وانا انتفخت ويقلون عادي هاذ من الولاده فقررت اني اطلع مستشفى حكومي وعالطول سوو لي القسطره وارتحت الحمد لله وتمنيت اني ولدت عندهم من اول حتى الاهتمام عندهم احسن بس الحمد لله ع كل حال..
12-01-2010, 03:44 AM
آبشركم آلحمد لله ولدت وقصتي هنآآ...
amoolh 
.gif "53")
جديد منتدى إستفسارات مرحلة الولادة
العرض العادي
