السلام عليكم
انا جاية اليوم افضفض لكم شوي لاني رح انفجر قسم بالله تعبت
اول شغلة كتبت مواضيع كثير عن تصرفات زوجي معي وفي اخر مرة كيف تهاوشنا هوشة كبيرة وكنا رح ننفصل
لكن هذي المرة غير
بحثت في جواله ولقيت ارقام بنات باسماء اولاد ولقيت رقم وحدة من البداية كانت هي سبب مشاكلنا وهذي المرة الثالثة الي القى رقمها
راسلتها وسالتها ان كانت تعرف زوجي على طول حظرتني وانا اشوفها متصلة عالواتس هي وزوجي بنفس الوقت
وبعدها بدقايق اتصل علي زوجي وقال بوديك لاهلك انا ماحكيت شي قلت له بس ليه قال ماتبين تقعدين عندهم قلت الا عادي
وبعدها قفل مني ورجع اتصل يهاوشني ويرفع صوته علي ويقول انتي وبنتك اليوم بتموتون والله ماعاد اسكت لك ياكلبة وقام يسب
بالعلم هالقصة قبل 3 اسابيع كنت حامل بالسابع
فعلا جا واخذ جوالي وكسره وضربني على رجولي وقال انا بسبب لك شلل وصار يقبصني من يديني لين سبب لي كدمات في يديني
ومسكني من رقبتي بقوة ووخرته عني لكني ماقدرت
ويقول انتي فتشتي جوالي وانا انكر هالشي
طلع الموضوع ان البنت هذي صديقة اخوه وهي علمته اني راسلتها
هذا كلام زوجي الغير منطقي الي حتى البزر مايصدقه
هدأ شوي بعدين يسالني فتشتي جوالي قلتله ايه وشفت ارقام البنات الي عندك
مسك يدي ولفها كان يبي يكسر لي يدي
انا انصدمت منه ما رفعت صوتي او حتى قلت شي
ماكنت قادرة اتصل على اهلي لان ماعندي جووال ولان اصلا اهلي يبعدون عني مسافة ساعة الى ساعة ونص
وطلع جلس لحاله وجلست لحالي
ورجع يعتذر مني بعد كل هذا الضرب والعنف والكلام
ما قلت لاهلي لانه تفاهمنا وقلت له لو ينعاد هالشي كل واحد بيروح من طريق
والحين هذي الفترة صاير ماغير يمسك جواله
ويقعد طول الوقت عليه وانا عارفة ان عنده بنات للحين ويسولف معاهم
وينزل برامج تعارف
قبل اسبوع راح شرى لابتوب ولما فتحته اشوفه كان خايف مرة وكان كل شوي ياخذه مني
انا عارفة ليه اشتراه
عارفة كل شي بس المشكلة ماقدر اواجهه لانه رح ينكر ويجحد
انا عارفة انه يكذب علي
وساكتة
وفوق كل هذا يقول انا كل ماتقربت منك انتي باسلوبك تبعديني
هذا سبب انه يروح ويكلم ويسوي علاقات؟
تغيرت معاه وصرت اضحك واقعد معه والعب معه بلايستيشن وصار كل شي تمام
الين امس اختلفنا بشي بسيط وتافه مرة
ورجع قال لي نفس الكلام اني انا باسلوبي ابعده عني
وانه هو صاير يحب يقعد لحاله
قسم بالله انا طفشت انا اغلب وقتي لحالي لا طلعة ولا ناس ولاشي
لو اجتمعت بناس يكون عند اهلي
كل ماقلت له ابي اطلع يقول اطلعي مع اهلك
او نروح كوفي يقول انا ماحب الكوفي روحي مع اهلك
طيب والحل معاه؟
فوق اني صابرة على غثاه وخيانته لي وكلامه القاسي
يحط اللوم علي؟
تحسفت اني حملت وتحسفت اني تزوجت
حتى مايقدر اني حامل وتعبانة اذا طلع وهو زعلان ما يسال عني
انا مو قادرة اقعد على هالوضع زوجي عقله صغير يدور الزلة
المشكلة حتى لو رحت بيت اهلي يقعد يطلع اي مشكلة عشان يعكر علي ومايخليني انبسط
وهو يقعد بالبيت ويجيب اصحابه ويقعدون يدخلون برامج التعارف وكذا
ولو جلست في بيتي اقعد لحالي
انا تعبت واذا ظل كذا افكر بالانفصال
لاحد يقول لي تفاهمي معه لان مافي تفاهم زوجي يلف ويدور كثير
وما يمشي الا الي براسه
انا حسيت الزواج يدفن الواحد قسم بالله وتحسفت اني تزوجت
والكلام مارح ينفع معه
المشكلة اني حامل الحين بالثامن وانا مقدرة ظروفه ووضعه ورح اولد بمستشفى حكومي لانه مايقدر يدفع تكاليف الخاص
ما ادري وش اسوي بصراحة عطوني رايكم
لاني تعبت والله