انا الغلطانه شيروا علي

[فاقده الغالي]

السلام عليكم ورحمة الله وبركاته


مادري كيف ابدا ومن وين انا منهاره ياخواتي ومن زمان ابي استشيركم بالموضوع وترددت كثير يمكن ينتهي الموضوع لكن ماشفت اي تقدم
خواتي انا متزوجه وعندي اطفال لكني من تزوجت وزوجي مو لمي من ملكتنا وانا احس انه بعيد عني يعاملني بجفاء بالرغم هو جاء وخطبني لانه يعرفني قبل الزواج اقصد ان حنا قرايب فعارفني وعارف شكلي وحياتي تقريبا

ماشوف فيه الزوج اللي فرحان بزوجته ولمن تزوجنا قلت الحين قربت منه يمكن اول خجلان ومرت سنه وسنتين وهو جاف معي اذا تهاوشنا من اول هوشه وهو طالع برى البيت والله اسبوع ماشفته مادري يجي يغير ويطلع بعدين اكتشفت انه يروح عند امه ابوه متوفي وامه عايشه لحالها كل ماتزاعلنا على هالحاله مستحيل يتغدا او يتقهوى ان جاء البيت غير ملابسه حتى اطبخ الغدا واناديه ولا يجي وهلذي حالنا لنا الحين تقريبا عشر سنوات بس تغير لمن جاء له عيال صار يجي ياخذ عياله لامه ويطلع ولا كاني بالبيت



وكنت مستحمله بس المصيبه لمن اكتشفت لقيت رسايل غراميه ومكالمات بالساعات لمن يمسك طريق طويل يكلم نفس الرقم واتصالات اخر الليل وكلام وصخ ولا ينقال الا زوج لزوجته او زوجه لزوجها وبحثت عن الرقم لحد مالقيت ان الرقم تبع وحده من محارمه ياخواتي هو يجلس معها ويوديها ويجيبها قدام الناس طبعا عادي محرمه


واجهته انكر الموضوع وكلمته قلت خلاص كاني ماشفت شي بس ارجعوا لصوابكم وتخيلوا بعد سنه ارجع القى نفس العلاقه مستمره انهرت ودقيت عليه وتهاوشنا والحين هو دايما برى البيت وانا قاعده بالبيت انا مو متقبله اكلمه او اتغاضى عن الموضوع وهو مو راضي يعترف وانا والله عندي رسايلهم



دلوني وش الدبره وش الحل مايجي بيته ابدن او يعترف عشان نتفاهم وانا مستحيل اكلمه وهو صاد عني باسباب هالمنحطه دمرت حياتي مو ملتفت لي ابدن باسبابها انا ام بزران ومسؤولية بيت ماراح اكون 24 ساعه متعطره ومتزينه بطبخ وبنظف وبغسل لكن هي يشوفها بابهى حله والعطور والمكياج والدلع حسبي الله عليها ونعم الوكيل

[romanci_ms22]

والله ما عرفه ربنا يعينك و يهديهولك
كلنا والله من العيال اكيد مش جهزين طول الوقت ساعات بننشغل
بس انتي بتقولي انه جاف من البدايه
اتكلمي معاه اكتر و حاولي تكسبيه و تحافظي علي بيتك
و لو تروحي عند ممته و تشاركيه و مش تبعدي عنه خليكي في ذيله دايما
و اللي بيكلمها ربنا يهديها بس مش تخليه ينشغل عنك

[υм вtℓαα]

حسبي الله عليها ونعم الوكيل
زي مابعدت زوجك الله يكتفي فيها
تحسبي عليها وأن الله يشغلها بنفسها
الله يصبرك ويعينك

[A..N]

حبيبتي الله يعينگ ياربي موقف صعب جدا ،،

اصبري واحتسبي الاجر من الله ،،
حاولي تكسبيه بأي طريقهـ ، وتحسبي عليها الا خربت حياتج

عليج بصلاه القيام والله سبحان الله يستجاب فيها الدعوات بشكل غريب ،،
واحنا بندعيلج الله يصلح زوجج ويرده لصوابهـ ويربط ع قلبج ويصبرج ياربي
واهم شي عليج بالدعاء والاستغفار بكل وقت وان شاءالله الله بيرضيج وبتفرج بإذنهـ

[ρυяỉтч •]

تعرفين وين غلطتك ؟ غلطتك انك صارحتيه باللي عرفتيه وطلبتي منه يعترف
الرجال بطبيعه الحال مايعترف ومايحب يبين انه غلطان ومسوي كبيره
وانتي اصلا م عندك دليل نهائي كله رقم وممكن يكون بإسم البنت بس يعني مو اكيد وشي قاطع
الجإي لله سبحانه وتعالى تقربي منه وادعي بصلاه الليل ان ربي يطيح عليهم بينه يكشفهم لك
سهام الليل ابداً م تخطئ حبيبتي
وزوجك ذا طنشيه ، عيشي لنفسك ولعيالك ولحياتك
رتبي وقتك بين شغل البيت وعيالك وبين حياتي انتي وهواياتك
خليه يروح لامه ويشبع من القعده لحاله ، لا تركضين وراه ابداً ولا تحسسينه انك مهتمه مع نفسه
جا او ماجا لاتفزين له ،
الحاجات الحلوه اللي عودتيه تسوينها له وقفيها نهائي
انسان م اهتم لي ولمشاعري ولقلبي اللي حبه ، انا بعد م اهتم ولا احب
لمن يشوفك تعديتيه وعشتي حياتك بين عيالك وصاحباتك والحاجات اللي تحبينها
صدقيني بيستوعب انه بدا يخسرك وبيفقد حسك ووجودك وبيبدا يدورك
سجلي بنادي ، روحي كوفيهات مع البنات ، اهتمي بنفسك ، اقري كتب ، سوي الحاجات اللي تحبينها بدل م تفكرين فيه ومشغله نفسك
بالنهايه هو عمر واحد بنعيشه واحنا نختار نفرح او نحزن فيه
اذا هو م اهتم لك ولا التفت لا تحزنين هذا قدر الله ، والحمدلله عندك حاجات تبعد تفكيرك عنه لين الكبرياء اللي فيه ينطحن
ولين يستوعب انه غلطان وانه قاعد يحب الانسانه الغلط ومحرمه للاسف
وبالنسبه للحيوانه ذي ؟ يعني مدري ليه م تعرس وتفارق !!!
ولا تهمك واذا رحتي بمكان وهي فيه خلك كاشخه انتي وعيالك واقعدي الصقي فيه وراقبيها تتغير ملامحها
تغار ولا تنقهر ؟ يصير شي ولا عادي وضعها
او هو مثلا يرتبك ولا يبغاك تقربين منه بوجودها ؟
انتي خليك فطنه وراقبي بصمت وانتبهي تتكلمين عن شكوكك لاحد
بالنهايه ذي بنتهم وولدهم وماراح يصدقون الغريبه ويكذبونهم
وعشان بعد عيالك بكرا العالم تعايرهم ف ابوهم ، حاولي تكسبينه وترجعينه بدون تشهير
وربي يسهلك امورك وصدقيني بيرجع بس محتاج وقت يحس بقيمتك

[أم الزين]

انا بختصرها لج

الرجاال تبينه يغليج طنشييييييييييييييييه

حبي نفسج اهتمي فيهااا بيغار منج وبيوموووت عليج

كل يووم اكشخي كانج بتروحين لعرس لزواره واذا سالج وين بتروحين وليش كاشخه

بكل بروووود ودلع قولي كاشخه لنفسي واهو خليه يطقطق الطوف برووحه ويكلم مو وحده عشر طااااف
ذنبه ع جنبه اهتمي بنفسج وعيالج اهو بنفسه راح يركض ورااج



وعلى قولهم مردك لي ����

[فاقده الغالي]

والله ان كلامكم بكاني مادري وين اروح من استشير مابي افضحه وتهتز صورته بعيون العالم ويمكن مايصدقوني حبيباتي خواتي انتوا ماقصرتوا الله يجزاكم عني خير والله ان الحين هذا الحاصل انا لحالي عايشه مستحيل يدق يقول ابي غدا لا يبيني انا اللي ادق عليه اقوله تبي شي الرجال مستغني عني مرررررره ....حسبي الله ونعم الوكيل

[فاقده الغالي]

ولا تظنون اني مقصره بالعكس اول ماتزوجنا كان يمدح بجمالي مع جفاه معي وحاولت اعيشه رومنسيه لكن هو مايتقبل ابد احاول اقرب منه وهو يبتعد مني قلت يمكن من حياته الصعبه ولا فقدت الامل لحد ماكتشفت انه باسباب هالبنت اتفاجات واللي مرضني اكثر انها من محارمه يجلس معها طول يومه ولا عليهم ملامه وكانت تراقب وضعنا وتستغلها حسبي الله ونعم الوكيل والله كان يدور علي الزله والغلط وكنت احاول ارضيه لحد ماشكيت لوحده عن مشاكلنا قالت ياختي هذا يدور عليك الزله والله انها صحتني ونبهتني لحد ماكتشفت خيانته حسبي الله ونعم الوكيل

[ρυяỉтч •]

دامك مو مقصره معاه ولا مع عيالك خلص بطقاق الباقي
اللي يطنشك ياختي طنشيه ، وصدقيني بيتنازل ويجي يركض وراك
هم كذا سبحان الله الرجال دامك حابته وشاريه خاطره يشوف عمره وبس تعافينه يجي يدور رضاك وحبك وحاجات طاب القلب منها

[Huda.91]

غلطك انك صارحتيه
انا اشوف تروحين تتكلمين مع امه وتوريها كل شي بينهم
محارم؟سلامااات
خافي على بناتك منه
بس بدون ماتفضحيه قدام الناسس
طنشيه فترة طويلة واهتمي بنفسك