الحمد لله حملت بفضل الله اليوم حللت

[خلود22]

العنوان باين
السلام عليكم ورحمة الله وبركاته


ي بنات السالفة ومافيها اني تزوجت بشهر 10 هجري وماحملت وكان زوجي متزوج قبل واخذ 8سنوات ماجاه ضنى طبعاً يقول انه سليم
المهم يوم تاخرت الدوره فرحت قلت حامل ورحت حللت قالوا مافيه وجتني الدوره واخذت عني 3شهور م نزلت وسوو لي كل التحاليل وطلع عندي تكيسات فضييييعه مع العلم اني كنت سليمه 100٪‏ والدوره منتظمه الزبده مالكم بالطويله قلت يارب وقمت اقراء بالنت وداخ راسي وتعبت اذا استمريت ع اي خلطه استمر يومين واكسل

المهم سويت كذا حل
اول حل لجججاءة الى الله سبحانه وتعالى

وكثرت الاستغفار يمكن 3000الاف مره باليوم واكثر
واحرررص اقوم الليل لو ركعتين واقول ربي لاتذرني فرداً وانت خير الوارثين 40مره بقيام الليل وادعي وابككككي من قلب لربي واقول يارب انك تستحي ان ترد يدي عبدك صفرا فيارب ماقول عطني صبر ع تاخر الحمل ولا اقول يارب اشفيني علشان احمل اقول يارب يارب احمل الدكاتره ماهم اعظم منك ياربي ياربي ياربي وكنت ابكي واستغفر ككككثيررررر

واخلي زوجي يشرب قهوه تركية لانها تقوي الحيوانات المنويه مع العلم بعد التحاليل اكتشفت انو زوجي عنده ضعف بسيط وقله شوي بالحركة كانت39 مليون
المهم بعدها صرت اكثرررر شرب عصير راني حبيبات الي فيه قطع فاكهه الي بنكهه الاناناس اشربه كككثير

وكنت اكل خلطه اخر ثلاث ايام الدوره
والي هي


3 فناجيل قهوة كمون مطحون
3 فناجيل قهوة قرنفل مطحون
3 فناجيل قهوة حبه سوداء
3 فناجيل قهوة فلفل أسود مطحون --ملعقه واحده قرفه
3 فناجيل قهوة رشاد<<طبعا بدون طحن>1 ملعقه واحده زنجبيل بودره
3 ملاعق صغيرة حلبة
الطريـــــــــقه:

يطحن كل مقدار على حده ما عدا الرشاد لا يطحن وبعدين تخلط المقادير مع بعض..

طريقــــة الأكل:

تؤكل ثالث يوم من الدورة ملعقة كبيرة ويشرب <<توكل ولاتذوب في الماء>>كأس ماء بعدها حتى
تنتهي معك الدورة..
مره واحده في اليوم بعدالافطار...
لودورتك 5ايام تاكليها3و4و5فقط
ولو7ايام 3و4و5و6و7
يعني على حسب طول دورتك المعتادحتى لووقف معك الدم استمري الى اخريوم في الدوره...

ملاحــــــــــــظة::

- إذا نزل دم كثير أو قطع أو ماء كثير يكون لديها سدد..

- إذا توقف الدم ونشفت أثناء تناولها يكون عندها ضعف في المبايض وهذه الخلطة تنشطهن..

- إذا جاء وقت الدوره الثانية ولم تنزل الدورة يعمل تحليل لتأكد من وجود حمل أو عدمه..

وإذا لم يوجدحمل ويبدأ نزول الدورة الثانيه يعاد أكل هذه الخلطه مره أخرى في نفس التوقيت<<يوم ثالث من الدوره>> حتى يثبت وجود حمل بإذنه تعالى

- فيه أحد مايتحمله وينقطع من إستخدامه لانه مر و حار
لكن اللي تبغى حمل لازم تستحمل أتمنى يكون شرحي واضح

ورحت لمعالجة عندنا بالمدينه اسمها ام عدنان باكستانيه الي تبي رقمها تبحث بقوقل

المهم مرختني وعطتني تحاميل للتكيسات

وعقبها طلع مني الله يكرمكم كان رحمي محشووو قطععع قطن مبلول ماء وربي كنت ارجع يوم اشوفه وتقول هذي التكيسات لكن تطلع مع الدوره الثانيه تعالي وامرخك

ودعيت ربي قلت ياربي ماشوفها الا عقب 9شهور

المهم واستمريت ع كثررره الموياااا كثير واذا مقري فيه خير وبركة
واستمريت ع 7حبات الصباح حبه بركة وتمر عجوه
وكوبين مويا اغصب نفسي عليها بقوه وكان متعبني المويا لاني اروح الحمام بكثره
المهم استنيت دورتي وكان احساسي عندي اني حامل لاني اقول انا واثقه بربي ورحت شريت التحليل المنزلي اساسا متعوده كل م احلل الاقي خط
ونفسيتي تتعب شوي مو مره لاني الحمد لله بفضل ربي مؤمنه بقضاء الله وكنت اقول يمكن صارت عندي تكيسات علشان اضرب منشطات واجيب توام لان خاطري بتوام بنتين وولد
المهم رحت صليت قبل احلل واستغفرت 1000مره
ودعيت يوم صليت وبكيت قلت يارب يارب يارب خخاطري يتم دعائي يارب
وكنت ادعي الله باي عمل صالح اسويه لو اعطي البسس دجااج اقول يارب مثل ماسخرتني لاجييب رزقها واكلها يارب استجيب دعائي وسخر لي الحمل عاجلا غير اجل

وبكيت ومرتبكه

وحللت وطلع
خخخخخطططط واحد بس


وقلت الحمد لله اللهم اني لااسالك رد القضاء ولكن اسالك اللطف فيه
واخذت5دقايق وطلع خط وردي خفيف
وبين فرحة وخوف ووريته امي وفرحت لي
الكلام ذا قبل امس
مو قبل سنه
المهم ورحت احلل بول الصباح بالمستشفى وقالت حامل م صدقت ورحت اليوم حللت دم قالت حامل ورب البيت للحين ماني مصدقه بس امشيء واقول الحمد لله الحمد لله الحمددد لله وللحين انتظر زوجي يرجع لانه مرابط يجي الاربعاء ادعوا الله يثبته لي بخير وسلامه واولد ع خير وصحه وسلامه ويكونون توام بنتين وولد لان مافي شيء ع الله مستحيل اطلبوا من الله الكثير لاتطلبون القليل هذا رب العباد ارحم الراحمين الرازق الواهب سبحانه بس
ارجع واقول ادعي لنفسك وللمسلمات اجمعين ترا افضل شيء التقرر
لله بالسراء والضراءءءء الحمد لله


ادعوا الله يثبته تكفووون
وربي قلت لكم الموضوع من قلب صادق واحب لكم م احب لنفسي
دعواتكم

[خلود22]

واضيف اني اقراء سوره البقره يوميا مو ٤٠يوم وبس لا واقراء الكهف يوم الجمعه واسوي السنن وادعي بيوم الجمعه ككككثيير
واسوي السنن بكل شيء لو بالشرب والاكل
وكان زوجي يسمع كلام يسم البدن وكنت اغصبه ع ركعتين الليل والدعاء
وعلى فكره كنت اشرب القسط الهندي طريقه بقوقل بس م استمريت كثير عليه مليت منه وكانت الدكتوره صارفه لي حمض الفوليك ١ملجم مع فيتامينات مع منظظظم السكر للتكيسات بس كنت اتهاون فيها بس م مليت من الدعاء لله

تكفووون ادعوا لي يثبت حملي واشوف توام ع خير وبركة ويجعلهم صاللحين وصالحات

[التائبة لله(ام محمد باذن الله)]

الف الف الف مبروك الله يثبته و يتمملك على خير

[رحيل بعالم النسيان]

الف الف مبروك يا خلود والله يثبته يارب ويفرحكم ببره في المستقبل ياكريم
هذا ثمرة التوكل وحسن الظن بالله...

[حياتي توأمي]

ماشاء الله تبارك الرحمن ألفففف مبروك حبيبتي

الحمد لله تعبك ماراح وربك أكرمك لأنه كريم وبصير بعباده

ألف مبرووك مره ثانيه

[Tulay]

الف الف مبروك حبيبتي الله يثبتلك الحمل ويرزقك بتوام يااااااااااااااااارب انك سميع الدعاء... بسالك كم من شهر وانت وانت تداومي على الاستغفار!!

[اخت العرب]

الله يتمم لك ويقر عينك بشوفته سليم معافى

[فداك الكون]

بكيتيني ع الصبح
اللخ بفرررررح قلبك كمان وكمان وبرزقك كل محرومة.ياااا الله

[خلود22]

الله يبارك لكم جميعاً يااارب

ويرزق كل محرومة يارب

[خلود22]

المشاركة الأصلية كتبت بواسطة tulay

الف الف مبروك حبيبتي الله يثبتلك الحمل ويرزقك بتوام يااااااااااااااااارب انك سميع الدعاء... بسالك كم من شهر وانت وانت تداومي على الاستغفار!!

استغفر احيانا
بس شديت حيلي شهرين او ثلاث شهور والحمد لله مع الاستغفار تزيدين ايمان وثقه بالله الحمد لله
وكثري سبحان الله وبحمده عدد خلقه ورضا نفسه وزنه عرشه
ونوعي بالاستغفار ي سبحان الله عجايب بالاستغفار