تعالو شوفو اعراض حملي قبل الدورة بعشر ايام للإفادة

[NaNa..]

مرحبا صبايا ندخل بالموضوع عطول هو صحيح طويل بس والله حابة افيدكو من كل قلبي :)
انا حملت بشهر رمضان واجهضت وهسا انا حامل بالشهر الاول الحمد لله رب العالمين والف الحمد لله
من مواضيعي رح تعرفو اني عملت هاد الشهر أشعة الصبغة وطلع عندي الرحم مقلوب أخذت وضعية السجود بالجماع وطبعا ما كنت راح اعرف لولا هالمنتدى الرائع والبنات الله يخليهم الي يارب الي فادوني ونصحوني وكنت اقرأ دايما المواضيع واستفيد من خبراتهم
راح احكي عن اعراض الحمل الي حسيت فيها من تجاربي الخاصة* بالمرتين لأنهم قريبين جدا من بعض بس كل الي حسيت فيهم كانو قبل موعد الدورة ب10 ايام بس ..
1.التغيرات الي بتطرأ* عالثدي بالنسبة الي صارلي سنتين متزوجة ودايما قبل كل دورة كان بوجعني ويسير حساس وفيه عروق زرقا والحلمة تسير غامقة
مو ضروري اذا صار هيك يكون حمل لانو هالشهر وانا حامل* ما صار معي هيك ابدا
2.التغيرات الي بتطرأ عالبول مزبوط بسير كانو لزج ولونو غااااامق واعذروني بس الريحة بتكون قوية أكرمكم الله
بالنسبة الحشرة وتحسي كل شوي بدك تروحي عالحمام واشي بضغط على مثانتك هاد مزبوط إلا إذا كان معك التهابات
3.صرت أوكل أشياء ما عمري اكلتها انا نباتية فجأة صرت أوكل لحوم وهاد اشي خلاني أشك بالحمل*
4.صداااااااع صداااااااع والم بالرأس** ودوخة لما تقومي من القعدة
5.عيوني صارو منفوخين وفيهم لون أحمر مرة قوي ومرة خفيف
6.ايش احكي عن مزاجي هههههه مرة ابكي واقطع البكاء وبسير اضحك وارقص فجأة اقعد واكتئب وأنكد
7.انا بطبيعتي بنت ناعمة ما في عليا شعر يا دوب أشقر
بس الغريب طلع على سدري شعر وانا اصلا ما عندي شعر
8.الحكة الي صابتني برجليا وجسمي ووجع الاوراك
9.حرارة جسمي بترتفع قبل الدورة بكم يوم وبحس النار بتمشي بوجهي وضربات القلب السريعة بس مو دايما كانت تسير
10.في الجماع اعذروني عالتشبيه بس الله بعلم بحكي للإفادة كان زوجي يحس وقت الجماع قبل موعد الدورة أنها المنطقة عندي شبه مسدودة
11.العطش والجوع لحد الآن
12.وجع الدورة طبيعي وسكاكين كأنها بتضرب قاع البطن وكنت احس الدورة بدها تيجي ولحد الآن***
13.بالنسبة للتبويض كنت أعرف انو ممتاز عندي حتى من غير ما أعد من عاشر يوم أو 14 يوم كان وجع رهيب يضرب المبايض والإفرزات أكرمكم الله الشفافة تنزل بكثرة.
وبالنسبة لتحليل المنزلي يمكن حللت اكتر من 70 مرة طول فترة زواجي ودايما سالب بالرغم من وجود اعراض
الحمل هاد حللت قبل باسبوع وبأن الحمل بالبول والدم عطول ..
.......
معلش طولت عليكم ولسا عندي أشياء كتير والي عندو سؤال يسألني لاني كنت كل شهر بستنى الحمل وأي علامة احكي علامة حمل واحط أمل ولما تيجي الدورة اكتئب واتذايق وعشت معكم سنة واحنا نواسي بعض وندعي لبعض في ظهر الغيب
الله يرزقك الجميع يا رب والأهم الاستغفار والدعاء والصبر يا خواتي ربنا بعطينا كلشي بوقتو والأخذ بالأسباب ضروري
ادعولي ربنا يثبت حملي وسامحوني عالاطالة

* .

[Tahaniii]

الله يثبتلك حملك بخير

[Tahaniii]

انا صارت معي الاعراض ذي اكثرها
وامس كان موعد الدوره صار ينزل افرازات صفرا وبيضا
واليوم من شوي ينزل بني غامق معاه شويه دم بسيط وللحين ينزل شكلها بدايه دوره :(

[NaNa..]

المشاركة الأصلية كتبت بواسطة tahaniii

انا صارت معي الاعراض ذي اكثرها
وامس كان موعد الدوره صار ينزل افرازات صفرا وبيضا
واليوم من شوي ينزل بني غامق معاه شويه دم بسيط وللحين ينزل شكلها بدايه دوره :(

الافرازات ما الها دخل بالدورة انشالله يكون حمل مو دورة حبيبتي اتوكلي على الله

[Tahaniii]

المشاركة الأصلية كتبت بواسطة nana..

الافرازات ما الها دخل بالدورة انشالله يكون حمل مو دورة حبيبتي اتوكلي على الله

طيب مستمر معاي اللي لونه بني يعني عادي؟

[NaNa..]

المشاركة الأصلية كتبت بواسطة tahaniii

طيب مستمر معاي اللي لونه بني يعني عادي؟

ما بقدر احكيلك عادي ويعطيك أمل ولا العكس
دورتك ايمتى مبارح كانت

[Tahaniii]

المشاركة الأصلية كتبت بواسطة NaNa..

ما بقدر احكيلك عادي ويعطيك أمل ولا العكس
دورتك ايمتى

المفروض امس

[NaNa..]

طيب حللي منزلي راح يبين اكيييييييد
لو هسا حللتي

[Tahaniii]

المشاركة الأصلية كتبت بواسطة nana..

طيب حللي منزلي راح يبين اكيييييييد
لو هسا حللتي

حللت قبل الدوره بيوم طلع خط

[NaNa..]

المشاركة الأصلية كتبت بواسطة tahaniii

حللت قبل الدوره بيوم طلع خط

معناتو استني لبكرا لانو الهرمون اول شي يبين بالبول بعدين بالدم