خايفه من الاسبرين

[Fatima92]

مرحبا خواتي
حبيت اخذ رايكم ف الاسبرين
الدكتوره وصفتلي اياه من يومين بسبب اني اول حمل صار لي ضغط ع الشهر التاسع بس بصراحه انا خايفه منه ومااحس ان له داعي اخذه قالت لي اخذه لين الشهر التاسع اسبرين 100
ترددت وخذت حبتين بس متوتره منه سالت دكتورتي القديمه وقالت لي مو ضروري اخذه بس اذا اخذته مامنه ضرر
بس انا خايفه من المشاكل اللي يسببها وخفت اكثر لما قريت النشره اللي داخل علبته انه يسبب نزيف وبصراحه خذته ورميته فالزباله وبصراحه سوالي غثيان من اول حبه خذتها
شنو تنصحوني فيه انا مو حابته ولامتطمنه له محتاره والله :(

[أم حمودي وعبودي]

أسبرين الأطفال الي تاخذيه ما يسبب النزيف
بالعكس يساعد على وصول الدم للجنين ويمنع تسمم الحمل وارتفاع ضغط الدم

[تمنيتك بأحلامي]

قولي الحمد لله انتي تاخذين حبوب
انا من قبل احمل وهم معطيني ابر تحت الجلد
حاولت اقول لهم ابي حبوب اريح لي
لان جسمي تورم من الابر بس قالوا لا الابر افضل
ومثل ماقالت لك ام حمودي وعبودي
تساعد على وصول الدم للجنين
والله يهون عليك ويقومك بالسلامة

[Fatima92]

شكرا خواتي على الردود
بس انا قريت الورقه اللي موجوده داخل علبة الاسبرين ومكتوب ان هو ممكن يسبب نزيف
وفعلا قريت كذا وحده تقول انه سبب لها نزيف وانا اللي اعرفه يعطونه حق اللي تسقط والله اعلم

[υм вtℓαα]

بالعكس كويس مثل ماقالت الاخت ام حمودي
والدكتوره لوماشايفته يناسبك ماكان وصفته لك
الله يتمملك ع خيررر

[nour karim]

حبيبتي هو لا يسبب نزيف في حد ذاته ولكن في حالة وجود نزيف لسبب ما يكون مساعدا له ويوقف حتى يتوقف النزيف
الاسبرين في حالتك ضروري انا تناولته من اول الحمل الي غاية الاسبوع 35واوقفته ولم يسبب لي مشاكل بالعكس اول مرة اتمكن من دخول الشهر التاسع لاني تابعت جيدا ولم انس الاسبرين ولا يوم
هو يخفف الدم ويمنع التجلطات ليتغذى البيبي جيدا وليمنع ارتفا ع الدم
الله يتمملك على خير واحذري من عدم تناوله

[jojo 123456]

الله يتمملك على خير مدام الطبيب وصفه لك اكيد انتي بحاجته توكلي على الله وخديه وادا قلقانة كثير استشيري دكتور أخر

[هدوء انثى]

لا لا لاترمينه
استخدميه
ضروري كثير لاجل يوصل الدم للمشيمه والجنين
ارجعي اخذيه ولا تتركيه ولا يوم
ومجرد تدخلين التاسع اتركيه

[~ L o l a]

أنا عكسك أرتاح إذا استخدمته
أنا حملي الأول جاني ضغط وصرفوه لي وحملي الثاني صرفوه لي من البداية والحمدلله ماصارلي إلا كل خير.
وألحين استخدمه بعد
بس لا تاكلينه إلى التاسع اللي أعرف دائما يوقفونه في الأسبوع 32 لاني سبق وقريت مقال طبي عنه وأنه مو زين بعد الاسبوع 32 يسبب مشكلة للمشيمة إذا لقيت المقال حطيته هنا وكمان عشان في وقت الولادة مايصير نزيف
كليه وتوكلي على الله ووقفيه في الأسبوع 32 أو متى ماقالت لك الطبيبة قبله
الله يتمم عليك والجميع يارب

[ام ارجواااااان]

الاسبرين اخذته للتاسع ومفيد جدا للمشيمة ومنع تخثر الدم