انا في امس الحاجة الكم

[حناني لأولادي]

مرحبا حبيباتي انا في امس الحاجه الى ارشاداتكن ونصائحكن
رجاءا لا تبخلوا علي
مشكلتي بصراحة مع زوجي
للتوضيح العلاقة بيني وبين زوجي مبنية على الحب والاحترام وكل واحد مننا ما يقدر يفارق الثاني ابدا
نحكي هموممنا لبعض صح نتشاجر احيانا بس دائما بحاول اني ادخل في حوار معه لحل المشكلة وتنتهي في الاغلب بطلب السماح سواء مني ومنه
لكن في اشكال محيرني ما قدرت اناقشه فيه لاني بخاف اجرحه برغم من انو هو اللي لمح الو بعفويه عن نقطة حساسه انا دائما محيرتني وما عرفت لمين افضفض
شوفوا خواتي انا وزوجي لما كنا مخطوبين الحمد لله ما اقتربنا من الحرام ابدا لاننا نخاف من الله
بس لما كان يتصل يسأل عن تجهيزات العرس وهيك شيء كنا نحس بانجذاب مو طبيعي لبعض حبينا بعض لدرجة كبيرة وكان همنا التسريع في التجهيزات مشان يجمعنا بيت واحد
ولما تجوزنا هاد الحب بفضل لله ظل لكن الانجذاب بدأ ينقص
بارغم من اني والله ابذل قصارى جهدي بتجاوب معه وبعاملوا بحنيه والبس واتزين واتدلع يعني كل اللي بيخطر في بالكم جربتوا عن حب ومن قلبي وانا الحمد للله ربنا عطاني الجاذبية ولله الحمد
لكن مرة على مرة زوجي بيقولي كلمة تجرحني بس هو بيقولها بعفويه بس انا بحس حالي مقصرة
مرات يقولي حبيبتي قبل لا نتزوج كنت احلم بالمدعابات وهيك شيء لكن الحين بحسها عادية.........عذرا اذا انا تجاوزت حدي بالكلام
بس حبيت اوضحلكم بالظبط وين المشكل
المشكل انو الانجذاب راح يعني زوجي قالي بانو كان متلهف لهي الامور بس الحين عادي مو مثل قبل وانا ايضا نفس الشعور ما بحس بنفس الانجذاب مثل الخطوبه
وهالشيء خلا المعاشرة بيننا بتبرد حى صرنا باردين عن بعض بس بنحكي مع بعض ونضحك ونفضفض وما نقدر نفارق بعض مثلا لو انا ابكي زوجي بيبكي قبلي هو بيموت فيني وانا كمان
بس الجاذبية للمعاشرة والرغبة قلت كتيييييييييييييير والأمر انو صارلنا 3 سنين متزوجين وما عندنا ولاد
يا رب تسامحوني على كثرة الحكي لكن انتو خواتي وحبيت افرغلكم كل اللي جواي
بحبكم

[jojo 123456]

حبيبتي مو انتي بس كل العلاقات الزوجية تمر بفتور وملل عااادي في كثير من الاوقات

ايام الخطوبة مو مثل الزواج في مسؤوليات ومشاكل
وكمان الشوق بيقل لانك صرتي معو يوميا جددي عاقتك بزوجك ساافري غيرو جو اطلعو مشاوير

موفقة

[حياتي توأمي]

اللي بتحكي عنه طبيعي جدااااااً جداً


كل علاقاتنا بأزواجنا ايام الخطبه تختلف كانت احلى ايام


لازم بعد الزواج ومع التعود كل واحد مع الآخر يصير نوع من الفتور لكن لاتقلقي سرعان ماتتجدد تلقائيااااً


يعني هي الحياة كذااااا لازم تكون عشان تحسي بطعم الأيام الحلوة منهاااا


الله يهديكم لبعضكم

[حناني لأولادي]

ريحتوني الله يريح بالكم كنت حاسة حالي انا الوحيدة الي بيحصلي هيك
بشكركم

[nour karim]

قبل الزواج تكون الجاذبية اكثر لان الحبيب بعيد عنك معظم الوقت وتشتاقي اله ولكن بعد الزواج زوجك دائما معك لذلك من الطبيعي يقل الشوق الله يخليلك زوجك ويسعدكم ببعض يارب والامر ليس بمشكلة هو عادي بالتوفيق

[Om yasmina]

بصي حبيبتي بعطيكي مثال بسيط
كنتي دايما تمري جنب بوتيك وتشوفي فستان بتنجني عليه كل يوم تمري جنبو
عملتي المستحيل لتشتريه
ولما اشتريتيه عادي خف الحماس لانو صعب المنال تم الحصول عليه
علاقتك بزوجك مو متل هالمثال حرفيا بس قريبة
كل المخطوبين بتلاقيهم يحبو ببعض ويكتبو اشعار ويقولو متى نجتمع تحت سقف واحد
بس لما يجتمعو بتتغير الامور
اول شي الاحتكاك بيولد المشاكل زمان كنتو مبعدين هلأ انتو عطول مع بعض
يعني الاشتياق بيخف
بخصوص الموضوع الثاني,,زوجك بيكون وراه شغل ومسؤولية
وفي كتير ازواج بيكون هم انهم يوفرو لزوجاتهم كلشي اهم من اي شي
فعادي لما يرجع البيت تعبان ما يتحمس يعمل شي
المهم باختصار احنا ما بدنا نحكي عن المشكل
بدنا الحل
بنظري حاولي انك انتي تجذبيه,,لا تكوني هالزوجة الي بتعمل مسؤولياتها بس
كوني الست الي عطول بيتمنى يحصل عليها
غيري ستايلك بين الفترة والفترة ولما يرجع من الشغل
جهزيلو جو رومنسي شموع وعشا او جهزي لسفرية
بتجددي شهر عسلكم وعلاقتكم
يعني حاولي انتي شوي

[υм вtℓαα]

مثل ماقالو لك الاخوات
الامر طبيعي جدااااااااااااااااا وكلناا مرينا فيه
الله يخليكم لبعض ولايفرق بينكم ويرزقكم الذريه الصالحه

[غادوشكا]

حبيبتي عادي جدا
بس عليك كسر الروتين
واستعيني واقرأي عن الاشياء والحركات التي تفيد (فاهماني طبعاُ) وخذي ما يناسبكم
اعرف واحده تختلق شجارا لتخاصم وتبتعد لتكون العودة حميدة ههههه
استخدمي سحر ودهاء المرأة بداخلك

[حناني لأولادي]

ردودكم تريح النفس وترد الروح والله
ونصائحكم رح آخذها بعين الاعتبار ان شاء الله
بشكركم من قلبي

[انثى تكره الظلم]

مثل ما البنات قالووو شىء عاااااادى كلناا مرينا بيه خخخخخخ

قبل الزواج بنكون متلهفين وبنعد الايام لحتا يجمعنا بيت وااااحد وبعد الزوااج خلص الشووق ادمر ههههههههههه

انتى حااولى تكسرى هالروتين غيرى من شكلك من استايلك من اسلوبك معه بالعلاقه !!

الله يسخرلك زوجك ويهديك حالك ويريح باالك

تحيااااااتى