اراء البنات يا الغلا
مدري بس انا والده لي سنه ونص
معاملتهم ممتازه بالنسبه لسعووود ههههه
لا والله مايستعجلون بالعمليه اختي كانت تطلق ٢٤ ساعه واخرتها سوولها عملية
بدا الطلق ٢ الظهر وراحت لهم يمكن ١٠ قالولها روحي للبيت واذا زاد تعالي رخنا لهم الفجر رقدوها الين الساعه ١ الظهر وهي تصارخ من الوجع والرحم مفتوح ١٠ سم ودخلوها للكشك قعدت من ١٠ الصبح الين ١ سوولها عمليه طبعا مو على طول جو لنا قبل وحده بربع ساعه قالوا لازم عمليه الحنين وقف طفع والرحم مفتوح عشره وخايفين على الجنين يضعف نبضه ٢٤ ساعه تطلق واتصلوا على زوجها واخذوا موافقته
وسوولها القيصريه والبنت طلعوها واااااررررمه منفووووووووووخه تخووووف تقل نافخينها هواء عيونها وارمات من الطلق وجسم البنت وكل من دخل وشاف البنت قال بعذرك ماطلعت البنت كبيره
بس طلع السبب اختي قالته انه طلعت البنت مانزلت بالحوض ومايله على جنب وراسها مدقر بالحوض وتقول اختي ان الدكتورة مدخله ايدها كلها تقول شوفي يجايدي فين البنت مش قريبه ومستحيل نسحبها راح نفضخ راسها
عاد بالنفاس فشت بنت اختي وصارت عووووود ماكنها هي سبحان الله لعب فيها الطلق لعب عاد يمكن العمليه ب١١ الف مدري هذي قبل ثلاث سنين او ازود
وقريبتي ولدت طفلين عندهم طبيعي ماشاءالله الثالث قيصري بسبب انها الام نزل كل المويات بالبيت وصبرت تنتظر ابوه يطلع من الدوام وخلصت المويه وراحت للمستشفى الوفاء انصدموا قالوا مانقدر نعطيك طلق يموت الجنين مافيه مويه وصدق هي تقوله المويه اللي نزلت منها تقول وربي ان فوط الجسم ربصوا كاني متسبحه خانقوا الام وهزئوها قالوا المفروض اول مابدا بنزل مويه بسيطه جيتي نحط لك طلق صناعي
شوفي تراي اقولك قصص اهلي عشان تكونين على بينه
شوفي فيه قصه ثانيه هههههههه الله يعينك علي
يوم اختي حاطينها بالغرفه تتلوى وتتجدع انا واختي الثانيه معها بالغرفه
واخذين غرفه مشتركه يعني معنا وحده
وماكانت فيها الا مغص مرررررره خفييييف يعني مغص اول الدورة البسيط اللي مو وجع
هي مافيها طلق وداخله بالعاشر ورافضه تولد طبيعي وجايه من بريده تبي الوفاء يسوون لها قيصري
والوفاء رافضين القيصري وحنا داخلين بالسالفه هههههه نسمع
يجون لها الدكتورات يقلون لها مستحيل نسوي لك قيصري ووضعك سليم وجنينك بخير وكل شيء تمام ليش القيصري مانقدر سياسة المستشفى ماتسمح قالت انا جيت من بريده وبدفع اللي تبون بس ماابي طبيعي قالوا مانقدر وراحوا الممرضات والدكتورات طلعوا من الغرفه تجي الحرمه تتصل على زوجها وتقوله مابي طبيعي رح للمدير واللي يبونه عطهم وتهوشه بشووويش ومنقهره وشكلها خايفه ومتوتره
وتجي سعوديه شكلها المشرفه الاجتماعية بالمستشفى مرسلينها لها ووتنصحها وتقولها مننوع والله ممنوع مانقدر وتقول انا مابي طلوق انا مابي ابي قيصري وشفيكم مالكم دخل انا جايه من بريده عشان القيصري لو ابي طبيعي كان رحت للمستشفى العادي ووتفهمها وذيييييك مستحيييييل
الا تجي الممرضه وتاخذ اختي بكرسي متحرك للكشك
بعدها بعشر دقايق جابوا سرير والدكتورة وممرضتين قالوا يالله مدام عملية وتجي الدكتورة تعطيها ابره قالت الحرمه دكتورة ليش هالابره قالت هذي مسكن ومنوووم اختي الكبيره شافت الابره مع الدكتورة ضحكت اختي قالت كذبووووووا عليها عطوها ابرة طلق صناعي
وتنسدح على السرير وياخذونها للكشك
بعدها وربي يمكن بساعه بس او اقل من ساعه جت الخرمه ماشاءالله ولدت طبيعي
واختي ولدت قيصري
وجتها الدكتورة مصريه وهزئتها قالت احمدي ربك شوفي الولادة الطبيعيه قمتي بعدها ومشيتي ورحتي للحمام بدون مساعده رحتي للكشك بسرير وجيتي بكرسي
اللي جنبك راحت بكرسي وجت بسرير
والمشكله اللي جنبك بكر وتتمنى وتترجانا طبيعي بس وضعها غير وضعك
وانتي هذا الخامس لك وماتعودتي وتبين الشق والوجع وقالت كلام كثير وراحت لاختي الدكتورة المصريه واختي تصحى من البنج تبكي وترجع تنام تقول مابي قيصري مابي والدكتورة تقولها ان شاءالله الثاني طبيعي بس بنتك مانزلت للحوض هذا السبب ماتخافيش
وطلعت الحرمه بنفس اليوم من المستشفى واختي قعدت ثلاث ايام
لذا اقولك بهالقصص اسفه اني طولت انهم وربي فيهم امانه شوفت عيني انا وخواتي وقريباتي
انا ولدت عندهم طبيعي وربي وربي اتعب وانا اقول ممتازيييين اما التشجييييع بوقت الطلق وانا بالكشك ههههههههههه نكته
اربعه معي وحده ماسكه رجل والثانيه رجل ووحده تدفني عشان مانسدح والدكتورة تحت توسع الفتحه لراس الجنين واسمعي التشجيع وقت دفعك ايوه ايوه ايوه هههههه طلع طلع ولا يزعلون اذا وقفتي
تقعدين ٢٤ ساعه بالمستشفى بس اذا طبيعي
يعني احسبي من اول مادخلتي غرفه مشتركه معك وحده ثانيه طبيعي ب٤٥٠٠
غرفه خاصه طبيعي ب٥٠٠٠٠
القيصري لازم يقعدونك ثلاث ايام ب١١ اذا غرفه مشتركه
خاصه مدري كم
شوفي كل مازدتي يوم من نفسك تزيدين ٥٠٠
المرافق ٢٠٠
انا والله ماتابعت عندهم بحملي ولا. حتى كشفت عندهم جيتهم فجئه ونحاسوا لانه لقوا ملف باسمي وانا كنت ناسيه انه لي ملف للبشره من زماااان
لذا الافضل تسوين الاوراق وتسوين ملف لك اذا ماعندهم والافضل تاخذين معك اختك عشان هي تسوي اوراق الدخول وتدفع لهم انا كانت معي اختي
انا الدكتورة المناوبه هي تشرف عليك
انا ثلاثه هنديه او باكستانيه نوييييعمه ماحسيت بيدها
ومصريتين اما اللي معي بالكشك مصريه جبره اسمها سهير كذا
ولاتاخذين خاصه وشوله انا مشتركه وبالحالي انا واختي بالغرفه ماجابوا عندي وحده
لذا هم نظامهم لاحظة اللي فيها طلق يخلونها لحالها بيوم الطلق عشان ماتهبل باللي عندها اذا كانوا ثنتين فيهم طلق
بعدها يحطون بعد الولادة معك وحده بس تكون فيها طلق واصلا احتمال كبير ماتشوفين معك احد بالغرفه
شوفي الافضل تكونين مجهزه ٥٠٠٠
وان شاءالله ماتحتاجين قيصري
اختي تقول لو قايلين لي سعود من الاول قيصري كان رحت لسعود بس سعود حسبي الله عليهم
اختي تراجع بسعود من اول حملها والدكتورة كل مره تقول كويس كويس ولي قريبه تقول انها ملاحظه بطن اختي مايل بس ماحبت تخوفنا
ياكثثثثثر قرقي ههههههههه بس اقولك عن مغامراتنا
الله يجعل كل عيالي وعيال خواتي نجيبهم بالوفاء مو بسعووود ![](http://forum.hwaml.com/imgcache2/hwaml.com_1428941467_354.gif)
انا اخاااااف من الولادة
الله يعينك ويسهل ولادتك يارب والله يجعلك بين ايادي رحيمه
ادعي اختي تراها تساهيل من الله عزوجل
.................................................. ...........
اسأل مجرب ولاتسأل طبيب
الله لايخلينا من المستشفاءالحكومي والله ثم والله مافيه زيه قسم الولاده
1=مايدخل عليك رجل الاعند طلب من المريضه
2=توفيرجميع الاسعافات اين كانت
3=كشف على المولود من الى
4=العنايه الكامله بلولاده القيصريه توفير جميع احتياجات العمليه من نقل الدم...الخ
.........................................
شوفي يا قلبي انا كنت موظفه بالمستشفى واشوف الاشياء اللي تصيرمع الحريم و الاخطاء الطبيه اللي لا تعد ولا تحصى وما يدري عنها الا الموجود داخل المستشفى و وفيات الاطفال المواليد و دايما يبررون حالات الووفاه باسباب كذب والاسباب غالبا تكون خراب او مشاكل في الاجهزه الممستخدمه في الحضانات
هالمستشفى فيه مشاكل كثير بس دايما يتكتمون عليها
ان شاء الله تولدي في مكان احسن و تقومي بالسلامه
والله يحفظناااااااااااا جميعن يا الغلا