تغيرت دورتي ..

[غربهـ]

السلام عليكم أخواتي
انا عضوه جديده بالمنتدى بس دايما كنت اتصفحه أتمنى اتلقى مساعدتكم من خبراتكم

انا متزوجه من 7 شهور
الحمدلله دورتي منتظمه كل 28 يوم وتستمر 7 ايام
كانت تجي علامه بنيه أول يوم .. وثاني يوم تبدأ تنزل بقوه ويجي ألمها
واستمرت ع هالحال من اول ماجات لي إلى بعد الزواج ب 4 شهور

لكن

خلال الثلاث الأشهر الماضيه صارت تجي بموعدها تمام الحمدلله
لكن
صارت تنزل نقطه لما ادخل دورة المياه بس اما الفوط عفوا أحطها واشيلها نظيفه خلال الثلاث الايام الاولى وباليوم الرابع تبدأ تنزل بقوه لدرجة استخدم فوطتين

هالتغير موترني جدا وخايفه يكون سبب لتأخر الحمل خاصه انو ملهوفه ع نونو ربي يكرمني وإياكم

وسبحان الله ماتجي الدوره الا بوقت يكون زوجي موموجود بحيث تكون روحة المستشفى صعبه او مثل هالوثت ايام عيد ومافي الا دكتوره عامه مو دكتورة نسا وهم يقولون لي انو لو بكشف لازم يكون ثاني يوم دوره

فمن خبرتكم شنو تشورون علي ..اروح اراجع ؟
هل يعتبر علامه ع ضعف تبويض او ضعف بطانة الرحم زي ماقريت وخفت ؟
ولا اعتبرها بأنها طبيعيه بما انها تنزل بموعدها ؟

وشاكره للجميع

[جنوبية وأفتخر]

اذا نزلت فموعدها فهي طبيعية وبالنسبة للتغيير
في غزارتها او قلتها فهي تتأثر بتأثر نفسية المرأة والاكل والحياة اليومية
الدورة اذا اجت فموعدها هذا شي طبيعي بإذن الله والله أعلم
بالتوفيق يا اختي وحاولي ما تقلقي واسألي طبيبتك اذا رجع زوجك
الأمر ما يدعوا للقلق ^_^

[غربهـ]

اشكرك أختي جنوبية وأفتخر ع اهتمامك واجابتك
ريحتيني ربي يشهد
ومعك حق انا كنت افكر بشكل هستيري
طول الوقت خايفه ومتوتره وابحث واقرأ ليه ماحملت فصرت اوسوس
يمكن فعلا يكون هذا السبب
خاصه ان عمرها ماعملت كذا الا خلال هالكم شهر اللي زاد فيهم انشغالي بموضوع الحمل
لان اللي نزوجت معي حملت ربي يبارك لها ف احس الناس صارت تسأل واجد ويحسسوني اني من سنوات متزوجه وماحملت

ربي يرزقني وإياكم