كثير اشياء تحصل بين الازواج توتر العلاقه بينهم و احيان تهدمها
وانا يا بنات عندي كم مشكله مو عارفه احلها
و طبعاً ب فضفضها لكم اليوم ؟؟
ما انتبه ل كلامي :
والله كثير اغلط مع زوجي ب كلام م انتبه له احس نفسي صرت غبيه وبقوه و استعبط كثير
و احس كمان هوا كمان بدأ يتضايق و حياناً يعاملني بقسوه مثلاً يقول كف يعدل لك وجهك ، او تبين تنضربين ، و احياناً يتوعد ولما اقول له مو قاصده طلعت لا ارادي مايعطيني وجه ، هو عودني ما اعامله ك زوج ك أخ او صديق وتوام روح
يعني مثلاً اقول خبل كانت اول مره اقولها بالخطوبه بس حسيت انه مو متقبلها طبعاً انا ماقلتها الا بوقت خجل هههههه
خلاص يوم فهمته عليها صارت عاده عند الخجل اقولها لها ولا اذا استغربت من حاجه عملها تعود لكن الكلمات اللي تطلع مني الان شوي ثقيله مره كان يهتم ب شعره كثير قلت له شعر توم كروز ع غفله مسكها علي قال توم كروز احسن مني و مدري ايش روحي له و هو يضحك بس ما ادري احس اخذ ب خاطره لان كذا مره يكررها قدامي انو توم كروز افضل منه
وقلت له اكيد انت احلى و افضل وهذا الشي صحيح هو افضل منه ب مليون مره ب نظري بس زلة لسان ، ومره قلت له كمان يلعن ام الغباوه عصب ومدري ايش و طلعت نتيجه من ردة فعل شي هو سواه وصدمني وماكان قصدي وهو فضل يقول انتي سبيتيني وكيذا و سكت ماعرف ايش اقول ؟
[COLOR="rgb(139, 0, 0)"]ثانياً مدة الإيييييد :[/COLOR]
طبعاً احيان انا وقت المزح ولا الضحك امد يدي بس مش مدة اليد اللي انتم عارفينها ؟؟؟
امد يدي ب مزح يعني اضربو ع ذراعوا ع خفيف ضربه خفيفه مثل خفة الهوى لما يضربك و اكون مبتسمه واضحك زوجي يزعل منها تدرج بالتدريج بدايتاً ما تكلم نهايتاً انفجر طبعاً قال لا تمدين ايدك لا اكسرها لك تراك حرمه لا تنسين نفسك
وانا مدة الايد مو ب قصد ؟؟ و احياناً امدها لا ايرادي ايش اسوي
[COLOR="rgb(139, 0, 0)"]العناد و الزعل :[/COLOR]
انا طبعي عنيده من كنت في بيت اهلي و زعوله ودمعتي ع خدي ع طول من اي شي و هالشي مضايقني في علاقتي مع زوجي مع كل شي يصير ازعل او اتضايق و ابكي و مسبب له نقطة ضعف اللي هي دموعي و طبعا احيان اذا ابي اكسبه اعمل نفسي ابكي و ابكي < يسمونه كيد النسا هههه
لكن في الجديه دائماً ابكي و هالشي مضايقني ويسبب عنادي تقريبا كل مابين يوم او يومين متخاصمين
[COLOR="rgb(139, 0, 0)"]الاستعجال :[/COLOR]
زوجي من النوع العجول واتوقع مافي رجال ماهو عجول كل رجال بتلاقينع يستعجل ع اللي يبيع سواءً اكل ولا كوي ملابس ولا تنظيف ولا حتى طلعه و مشوار هههه لكم انا هالشي يضايقني مره وخصوصاً اني احب اسوي الشي ب راحتي ما احب احد يعجلني والمصيبه اذا قلت دقايق اخلص اللي ب يدي احس تقوم القيامه علي ؟؟ علموني كيف اتفاهم معه ؟
[COLOR="rgb(139, 0, 0)"]الدقّه :[/COLOR]
زوجي احسه يدقق ع كل شي فيني بس ما يتكلم واحس اذا اكلم انحرج يسبب لي احراج قوي احس اني سوي واطبح مصفره ههههه والله ما ابالغ فعلاً احس بهالشي وقت الاحراج دايم و هالشي مضايقني ويوم صارحته يقول ابيك تكونين افضل الحريم لجل ما اطالع غيرك ودامي م اطالع غيرك انتبهي و حافظي علي ؟ اقتنعت لكن ايش اسوي كل حرمه تهتم في نفسها لكن تطلع فيه عيوب ممكن ماتنزال لو مياخذون وحده مشوهه كامل ايش بيقولون ؟ عالجي تشوهاتك قبل اطالع غيرك ؟ و كل شخص له عيب سواء زوج او زوجه و بيني وبينكم مشكلة الدقه فعلا مسببه لي ازمه
[COLOR="rgb(139, 0, 0)"]الجوال :[/COLOR]
هذا فعلاً مشكله ورى مشكله كل مامسكته قال انا جنبك كيف تمسكينه او اذا بشتغل بسلي نفسي فيه يقول لي تركي اللي ب ايدك او يقلب ملامح وجهه للعبوس يبين لي انه متضايق من مسكتي للجوال مع العلم هو اللي مهديني ياه 😑 ايش اقول صار كل شي اقولها واناقشه فيها يجيب سيرة الجوال انتي كل ع الجوال ع الجوال ..
[COLOR="rgb(139, 0, 0)"]صديقاتي و اصحابه :[/COLOR]
طبعاً هو يغار من صاحبتي احيان في الحاله اكتب فديتك ي فلانه تسلمين ع الهديه حبيبتي يجيني يقول خلي حبيبتك فلانه تفيدك او امسحي الحاله محد حبيبك الا انا و بس وماتقولين هالكلام ل غيري ؟
صحيح احبه كيذا لكن توصل انه يسب صاحباتي احيان بسبب غيرته واذا رحت لهم يخاف علي كل شوي يدق و لا القى جوالك طافي شحنه و اذا دق ماشبعتي منهم تراس اشتقت لك صار بينه وبينهم عداوه مع اني ما اهتم فيهم كثره ؟
اما اصحابه حدث ولا حرج ولا يبيني اتكللم تخيلوا في رجال متزوج يدق ع صاحبه ب نص الليل شتسوي و وينك بتنام ولا لا ابيك تطلع معي ؟ طبعاً هذا واحد من اصحابه ؟ و دائماً يدقون ب اوقات غلط استغفر الله يابنات حتى شرع ربي مانرتاح فيه كل حين شوي داقين و زوجي يطنش لكن اللي معاند معاند و لا يدقون عليه بالصباح الساعه 6 تعال معنا حنا بنطلع للمنطقه الفلانيه يتركني و يطلع و دائماً العصريات ولا بالليل كمان يدقدقون تعال لنا نبي نشوفك استغفر الله ما اشوفه نفس الناس لانه اسبوع او اسبوغين يظل معي لان شغله برى المنطقه وهم طول هالاسبوعين ماخذينه مني وكانه بعده عزوبي ماعنده زوجه ![hwaml15](images/smilies/TR (8).gif)
واذا كلمته يجي ل سالفة الجوال و صديقتي اللي اكلمهم بتواضل الواتس و موا ديم كمان لان حتى هم عندهم ازواج و دوامات
[COLOR="rgb(139, 0, 0)"]غيرة امه مني ؟ :[/COLOR]
م ادري اسميه غيره ولا اهتمام ب ما انه الكبير احيان احس انها تغار لاني اخذته منها لان احيان القاها تقول شف يسوي لها و انا مايسوي لي مايقول لي و دايم بالمناسبات وقت العشا ولا الغدا و زوجي مش موجود تقول لي خذي هذا ل زوجك اقول له شلت له ماله داعي قالت لا هذا مني غير و قولي مني مو شي ثاني ؟؟ ايش اقول انتو ايش تشوفون هالحركات غيره ولا اهتمام هو معودها مهتم فيها هي و بس وانا مو مانعته بالعكس بس هالامور صارت تسبب لي حساسيه مع اني ابتسم و ما اقول شي وما ابين ل زوجي لكن زوجي حاس فيني وقال لي لا تاخذين الامور ب حساسيه ي عمري ؟
[COLOR="rgb(139, 0, 0)"]مقارنتي ب زوجة حماي :[/COLOR]
دائماً اشتكي من كيذا ل زوجي لكن دايم يقول انا حساسه وانا افهم غلط
زوجك حماي حملت قبلي و هي دايم مع اهل زوجي ينحزون لي بالحمل ل درجة يعلمون الصغيره تجي تقول لي ان ب بطن فلانه بيبي انا ابتسم و اخذذ الامور عاديه جداً لكن اشتكي ل زوجي و يقول حساسه ؟ زوجة حماي افضل مني دائماً هي اشلح عبايتها وانا لا هي تاكل ب حُريه وانا لا هي تضمك وصوتها مالي للمكان وانا لا هي تطبخ كثير وانا لا هي حملت وانا لا بس في شي اسمه انا غير ولا لا ؟ في شي اسمه فيني حيا ولا لا ؟
زوجة حماي اكبر مني ب اربع سنين و هي فترة خطوبتها اذول مني يعني متعوده عليهم من قبلي وانا ما اخذت فتره طويله وماتعرفت عليهم كثير لان زوجي اصلا لما يجي مايوديني لهم ع طول بس بالاسبوع مره من فترة الخطوبه وهو كيذا والمشكله مو فاهمين يبوني اصير اللي ببالهم والقهر حتى بيت اهلي لا مشا زوجي ل شغله مايبوني انام هناك و يشتكون ل زوجي و زوجي يجي يسوي مشكله روحي بيت اهلي ولا تنامين بيت اهلك خلاص
احس انضغطت ي بنات والله احس تعبا من كل اللي يصير ؟
تخيلوا الان صاروا حتى مشاويرهم ياخذون زوجة حماي و اذا موجود حماي يقولون لهم ويطلعون و حنا لا ؟؟
و زوجي يعصب و يقول لهم ليه يعني يقرلون تونا طالعين ما امدانا تقول ومدري وش ؟
زوجي يقول بوديك معهم اقول لا ما ابي انا ما اعزم نفسي ب نفسي و ينفهر ليه مايقولون لنا اقول له حنا نقول لهم لما نطلع يقول لا اقول له خلاص مب لازم يقولون لنا عادي ؟
يسكن المسكين مايقول شي ..
ادري طولت عليكم بس معليش فضفضت من الي ب قلبي لكم شوي انتم خواتي ماعدتم غريبين عني
وللاسف للان مو عارفه لا اتفاهم معه ولا القى حل ل نفسي ولا ل اهله ؟؟
ربي يسعدكم لا تبخلون علي ب نصيحه و ب كلام حلو مثلكم
يسعدكم رب الخلايق ،