بسم لله الرحمن الرحيم
راح اكتب لكم قصة ولادتي الا صارت قبل 6 ايام طبعا هذا البيبي الثاني حملت علي ولدي وهو ثمان اشهر وعدت شهور الحمل والثقل ورحت المستشفي قبل موعدي بيومين فحصتني الدكتوره قالت 2 ونص فيه امكانيه نولدك اليوم لو حابه بس بطلق صناعي طبعا انا قلت لا ما ابي وطلعت رجعت بيتي ونمت من 12 الظهر لين المغرب لدرجة امي فكرت اني ولدت لاني ما ارد عالجوال المهم بعدها الساعه 9 رحت بيت اهلي ورجعت بيتي 11 ونص
نيمت ولدي وبعدها مشيت بالبيت نص ساعه وتمرنت تمارين تساعد بفتح الرحم القرفصاء وكذا تمرين بس ما تعبت حالي وكنت احس بضغط من تحت ونهاية الظهر والالم بسيط مثل الدوره بس عادي قلت لاني بالتاسع وعالساعه 3 ونص الفجر ريحت عالسرير قلت بغفي بس سمعت طقه من تحت وجاني الم بدا من الظهر لين تحت البطن كذا مره عاد قلت انا شكلي ابولد اليوم المهم صحو زوجي وولدي من الاهات حقي قلت لزوجي هذي ولاده برروح اصلي لانا اذن وبعدها بسبح صليت وتجيني الالم لدرجة اني ما اقدر اركع حاسه بشي من تحت يضغط من الالم المهم خلصت صلاه وسبحت عبيت البانيو وهدا الالم شوي وقلت لزوجي ابي موس يمكن طلع لي شعرات بشيلها عاد انا جلست جلسة القرفصاء وحسيييت اني ابي اضغط مع الالم خلاص وقلت شكلي واصله بستعجل المهم قمت وناديت زوجي ابي فووطه اتنشف وكنت اصرخ عليه لانا جاتني الطلقه وخلاااااص حسيت بشي قوي تحت اخذت الفوطه ما تنشفت حطيتها علي جسمي وطلعت من الحمام والطلقه جاتني وتسندت علي الجدار الا خلاص حسيت شي ينزل قمت اصررررررخ طاح عاد انا طحت اصرخ الياهل راح خلااااص وانادي زوجي بمووووت كنت اصرخ
وانا بدون ملابس وجسمي مبلل وولدي يصرخ من صرختي بس كان بالغرفه قال زوجي يلا عالمستشفي قلت نادي اي احد اتصل لأهل لانا بيت اهلي قرييب انا قمت ادور عالبيبي ويينه لكن اتضح ان الا طااااح كيس الماي بقده وهو مفتوح علي جنب فجر الماي بالصاله كلها و كان في قطع دم داخله و خفس بطني لدرجة يوم نزل كنت مفكره البيبي بس انتبهت ان بطني لسي فيه شي وبعد ما راحت الطلقه قمت ولبست الا قدامي بدوم ملابس داخليه وبسرعه رحت السياره وزوجي بسرعه اخذ ولدي وجابه قدامي والدمعه في عينه فديته والا يضحك ان كان بيده شراب وستان حقي خخخخ المهم زوجي نسي رموت الكراج وراح يجيبه وانا خلاص كنت اضرب النافذه لاني ما اقدر اهرن اخاف يطلع البيبي
وجا وانطلقنا طبعا بيت اهلي بعدنا ببيتن وقف زوجي قال نزلي الولد عصبت قلت ما اقدر والا بولد عند الباب كان بروح مستشفي الا اتابع فيه يبعد نص ساعه 20 دقيقه قلت له لاااااا روح المستشفي الفلاني طبعا قريب وداني يسرع والحمد لله الفجر الشارع فاضي دقيقتين ثلاث وصلنا ووقفنا طوارئ
نزل زوجي قال عني حالة ولاده قال السكيورتي خذ كرسي بكل برود زوجي ما عرف يفتحه واخيرا تكرم الاخ وساعد زوجي المهم جا زوجي وانا بموت قلت بسويها وخلاص المهم طلعت للكرسي حتي بدون ما البس الجزمه وزوجي اخذ ولدي ويدفني بيد وحده لدرجة الكرس راح عند الشارع والممرضات يطالعون مع السكيورتي بعدين تكرم السكيورتي واخذني لين غرفة الولاه تبع الطوارئ وسكرو الباب انا علي طول قمت
فسخت عباتي والسروال وجلست عالسرير ههههه واقول لهم بوووولد خلااااص الممرضات يلبسون مدري شنو ما صدقو لاني ما اصرخ انا ما قدرت دفعت علي خفيف خافت وجات تحتي وبسرعه جاو كلهم الدكتوره ومساعده وممرضات يسألون بسرعه اول بيبي وشنو فصيلتك وسويتي عمليات قبل وانتي بأي شهر وبعدها قالت ادفعي قلت سوي لي توسيع قالت ما يحتاج قلت طيب بنجي عشان ما احس بالتمزق قالت يمكن ما يتمزق المهم جيت ادفع 3 مرات وطلعت حبيبتي وكان بيني وبين دكتور الاطفال ستاره قصورالسره وعطوها اياه وانا طلعو المشيمه بس احس بحررررقه تحت ودوني بعدها غرفة الولاده وخيطتني عوووور بنجتني 3 مرات ومع ذالك احس واصرخ وهي تقول باقي خير انتي ما تدرين كيف صاير ، طلعت بنتي مزقتني توسيع الا بولدي وزياده عليه من الشرج لييين المهبل داخل الدكتوره تقول هذي عيب الولاده السريعه
كنت بردانه شعري مبلل ومكيف بعدها خلصت ودوني للملاحظه قلت لها جيبو جوال زوجي لاني ما جبت مع شي جابوه وبشرت امي
المستشفي بسيييط ويمشي حال لولا الحاله الا انا فيها ما رحته
تمارين الولاده جابت لي مفعول سريع وبذات ان الرحم فاتح
الحمد لله ما تعذبت بالطلق الالم الا جاني بسيط ولو انه مؤلم بس ولا شي بالنسبه للطلق الطبيعي او الصناعي
طبعا انا جربت الطلق الصناعي لمدة ساعه وثلث بغيت اموووووت الف الحمد لله علي النعمه
طبعا كل هذا صار بساعه وحده من صلاتي لين سبوحتي وطيحت كيس الماي و روحتي المستشفي وجلست فيه 5 دقايق وولدت
المهم اني دعيت بصلاتي يارب ما تجي الظهر الا وانا والده ولاده سهله سبحان الله ولدت قبل ما تطلع الشمس
بس عشت فلم رعب بس الحمد لله المهم الصحه والعافيه والله يسهل علي كل حامل
09-20-2014, 01:29 AM
قصة ولادتي السهله والسريعه بس تخوف
منى العين 
.gif "53")
جديد منتدى إستفسارات مرحلة الولادة
العرض العادي
