اول مشاركه لا تخذلوني

[لوعة الفرقا]

السلام عليكم ورحمة الله وبركاته

هذي اول مشاركة لي رغم اني متابعتكم من زمان
بس لاحظت تعاونكم ودعاويكم الصادقه وحبيت اشارككم وتشاركوني اللي امر فيه
فأي وحده تدخل تدعيلي وترفع الموضوع لا هنتوا لاني تعبت من التفكير

انا لي 7 شهور متزوجه والشهر اللي راح اول رمضان رحت المستشفى لاني كنت اعاني من الام شديده في الظهر ماقدر اتحرك منها ووقتها طلع عندي قرحة في الرحم
وسويت كوي بارد والحمدلله ارتحت كثير عليها بعدها قالت لي الدكتوره تعالي فترة التبويض عشان اشوف حجم البويضات
المهم رحت باليوم ال 12 من الدوره وطلعت عندي البويضات صغيره وقالت لي من الشهر الجاي اعطيك الكلوميد وتعالي بعدها نشوف كيف الحجم
المهم جاتني الدوره بتاريخ 29 رمضان وجلست عندي 7 ايام واخذت الكلوميد من اليوم الثاني لين الخامس حبتين باليوم ..
بعدها رحت اليوم 12 من الدورة عشان حجم البويضات وقالت لي في وحده حجمها صغير كانت اتوقع 16 او 12 ناسية بس قالت لي في عندك اثار انفجار بويضة يعني في بويضة انفجرت في اليوم ال 11 من الدوره
قالت من اليوم ال 17 تبدي تاخذي الدوفستون .. المهم انا من وقت مارحت لها وانا معي غثيان خفيف ولوعة مادري وش سببها
المهم اني من بديت اخذ الدوفستون ومن بديت اخذه لي وانا معي غثيااان شديد وترجيع وبنفس الوقت الصداع من وقت ماكنت اخذ الكلوميد الى الان ماراح يخف ساعه ويرجع لي طول اليوم
وجاني بعد التبويض التهاب في البول الله يكرمكم لما اتبول احس بحراره في البول وحكه رغم اني كشفت قبل اسبوع مافي اي التهاب والمنطقة نظيفه الحمدلله
الغثيان والحراره بالجسم تروح وتجي والصداع ماخف ابد علما انه من اليوم العاشر للدوره الى اليوم حصل الجماع بشكل يومي عشان ازيد فرص تلقيح البويضة

سؤالي هل الكلوميد والدفستون اعراضها اللي امر فيه علما ان الغثيان اليوم بشكل كبير جدااا لدرجة مو طايقه حتى المويا
وكلام الدكتوره يوم تقولي انفجرت البويضة في اليوم ال 11 هل ممكن يكون حصل حمل مبكر ؟
حاليا باقي تقريبا 3 ايام عالدوره وانا ماني عارفه هل اعراضي من الحبوب او من شي ثاني لاني جدا مو طايقه نفسي ومالي نفس شي
ولو انه فعلا ربي اكرمني وحصل حمل وقت انفجار البويضه باليوم ال 11 متى يبان الحمل في البول ؟
لي ثلاث ايام تجيني الام الدوره وتروح والم في حلمة الصدر وحكه بشكل غريب والافرازات البيضا الثقيله بدون ريحة من ايام التبويض حتى هالحظه ماوقفت
غير نغز في الرحم لدرجة احس شي ينسحب مني من تحت اعذروني عالوصف بس نغز مستمر مع نغز بالمبايض

اسفه طولت عليكم بس مالي غير الله ثم انتو اشكيله حالي . ياليت اللي عندها اي معلومات او حصل لها اللي حصل معي تجاوبني وتريحني تكفون

[معانده]

ماعندي خلفيه عن الحبوب ان شاء الله تكونين حامل
واكيد البنات بيفيدونك اكثر موووفقه يارب

[لوعة الفرقا]

لله يسمع منك يالغالية وتسلمي على ردك

بنات وينكم :(

[حوريه السعوديه]

استني شوي لبعد الدوره ب٧ ايام وحللي وان شالله حامل ممكن تكون دوره وممكن يكون حمل

انتي تفاءلي وااستغفري ربج وان شالله يفرحج ببالقريب العاجل

[لوعة الفرقا]

حورية يسلمو عالرد
بس انا مو قادره اصبر يومين هههههههه

خلق الانسان عجولا سبحان الله طول الشهر وانا مطنشه الموضوع ويوم جا على اخر يومين ماعاد فيني صبر لدرجة ان ودي بس اصيح

اليوم اهل زوجي مسوين عشا سمك وبس دخلت المطبخ معاهم ماقدرت اتحمل الريحه قلبت معدتي على طول ورجعت بيتي واخذت دش عشان يخف مغص الدوره لانه يجي ويروح بشكل قوي

وقبل شوي وانا البس لاحظت على صدري شعيرات ورديه فاتحه جدا زي الشبكه يعني زي الشرايين الخفيفه بس جدا نحيفه وخط ازرق عريض كانه عرق

والله مره خايفه ومتوتره ولا ني قادره اروح اسوي تحليل دم اخاف انصدم لاني فعلا متفائله هالشهر وبيجين احباط لو ماتم حم خاصه ان كل اللي حولي ماشالله حوامل فزاد فيني الرغبة بالحمل هالشهر الله يتمم عليهم وعلى كل حامل ويرزقنا يارب

لو رحت حللت دم بكره تتوقعون يبين علما ان دورتي باقي لها يومين او ثلاثه بالكثير

حللت بول قبل يومين تكرمون طلع سلبي

[لوعة الفرقا]

بنات وينكم

ماكنش العشم :(

[Ashley_007]

حبيبيتي مراح تحصلين اجابه اكيده اذا انتي حامل او لا
و اذا وحده ردت و قالت انك حامل مراح تكونين متاكدة و برضك راح تكوني شاكة
نصيحة : انتظري بعد الدورة باسبوع و بعدها حللي منزلي ، لو خطين حللي دم
حاولي تشغلي نفسك باي شي حتى يمر اسبوع او يومين اقل شي
و حطي في بالك ان اعراض تاخر الدورة تتشابه كثيرر مع اعراض الحمل
و الله يرزقك الحمل السليم ياارب
دعواتك 😘😘

[لوعة الفرقا]

المشاركة الأصلية كتبت بواسطة Ashley_007

حبيبيتي مراح تحصلين اجابه اكيده اذا انتي حامل او لا
و اذا وحده ردت و قالت انك حامل مراح تكونين متاكدة و برضك راح تكوني شاكة
نصيحة : انتظري بعد الدورة باسبوع و بعدها حللي منزلي ، لو خطين حللي دم
حاولي تشغلي نفسك باي شي حتى يمر اسبوع او يومين اقل شي
و حطي في بالك ان اعراض تاخر الدورة تتشابه كثيرر مع اعراض الحمل
و الله يرزقك الحمل السليم ياارب
دعواتك 😘😘

ان شالله
الله كريم والله يكتبه لي
حاليا اعاني من الم الدوره بشكل كبير
وباقي عليها 3 ايام ولا قد جاني المها قبل كذا الالم بنفس اليوم او قبل بكم ساعه
لكن الحين يجي ويروح وشكلها بتنزل

دعواتكم

[ايرينا]

الكلوميد يعمل اعراض زي اعراض الحمل بالضبط

[اصدق النيه]

باذن الله تعالى تكوني حامل اختي وتين تبشرينا ان شاء الله