لسه حامل جديد؟؟ تعالى شوفى النصائح الطبية الاساسية
السلام عليكم ورحمة الله
اعزائى زوارنا الكرام تحية طيبة
جبتلكم موضوع النهارده عن اهم النصائح الطبية الاساسية للسيادات الحوامل
طب تعالوا نعرف ايه هى
1- العناية بصحة الاسنان : ضرورى جدا تعتنى باسنانك فى فترة الحمل ويفضل قبل الحمل كمان ليه بقى ؟ علشان فى فترة الحمل بتضعف الاسنان اذا لم تهتمى بها وتكثر الشكوى منها لذلك يفضل الاهتمام بها قبل الحمل بمتابعة طبيب الاسنان واثناء الحمل
2- امتنعى عن الرياضه الصعبه : طبعا صعب جدا ممارسه الرياضه اثناء فترة الحمل فلا يجوز طبعا لعب اى رياضه عنيفه او بها حركات قد تؤذى الجنين ويمكن ان تكون الرياضه فى هذه الفتره هى المشى ودى رياضه مفضله جدا لهذه الفتره وتساعد على الولاده الطبيعية
3- احذرى من حمل الاشياء الثقيله : حولى بقدر الاماكن ان لا تحملى كل ما هو ثقيل علشان متتعبيش عظلات المعده والرحم
4- ارتدى الملابس المريحه : حوالى يكون الملابس وسعه خصوصا فى منطقة البطن علشان متحسيش بالضيق والتعب
5- امتنعى عن التدخين : بلاش السجاير وتجنبى المدخنين علشان متأثيرش على الجنين وتبعدى عن قصه التشوهات
6- الادوية : طبعا لازم متخديش اى دوه اى حد يقولك عليه علشان كل حاله بتختلف عن التانية وخصوصا فى فترة الحمل اى دواء مش مظبوط هياثر على صحتك انتى والجنين
7- المياة : اشربى مياة كتير مفيده جدا طول الوقت فما بالك وانتى حامل ومتنسيش ان درجه حرارة الجسم بترتفع فى فترة الحمل فتفظل المياة كثيرا للطرطيب
8- تجنبى السفر : حاولى تقليلى سفرك على اد ما تقدرى لان السفر له متاعب وانتى فى غنى عن اى تعب
9- اعتنى بنظافة جسمك : نظافة جسمك بتديكى راحه نفسية لان فى فترة الحمل بتكونى متوتره وفى بعض الاحيان تشعرين بالضيق فالعتناء بنظافة الجسم هتهدى شويه من اعصابك
10- السباحه : لان الحمل يدى احساس بتقل فى الجسم والعوم فى المياة لا يجعلك تشعرين بهذا التقل حولى كلما استطعت النزول الى المياه ولكن دون عنف للاستجمام فقط
11- استشرى الطبيب : عند شعورك ب اى الم او شعور غريب لا تستعينى بتجارب الاخريين يفضل المتابعه عند طبيب خلال فترة الحمل
اتمنى ان يكون موضوعى مفيد بالنسبة لكم واتمنى من الله ان يتمم فترة حملكم على خير ويرزقكم الذرية الصالحه