ياحظ من خذاها....!!!

[بكرى أحلى]

السلام عليكم ورحمة الله وبركاته
بالبدايه انا تعمدت اني اكتب الموضوع بقسم المتزوجات لانكن متزوجات واكيد راح تحسن بالكلام اللي باقوله واكيد في احد منكن مر باللي انا مريت فيه ولعلي اجد قلب حنونآ يعنني من بعد الله على تخطي مشاكلي ......
انا عمري 26 وغيرمتزوجه
لما كان عمري 17ابوي الله يهديه (كتب كتابي على ولد عمه من دون علمي) وجاني الخبر مثل الصاعقه وبكيت وانضربت وانذليت وانهنت وحاولت الانتحار من شدة القسوه اللي شفتها من اهلي ولم اجد قلب حنون علي الا ((عمتي)) ساعدتني في تخطي المشكله الى ان فسخ العقد وافتكيت بس بعد ايش المهم.......
بعد كل الظلم اللي شفته جاء دور خواتي وحده اكبر مني والبقيه كلهم اصغر مني طبعآ هذه القصه من سنه والى الان محد يكلم الثاني ومسوياتن على مثل الحزب ...المهم القصه ومافيه خطب اختي الصغيره شخص (الله يستر عليه) رحت نصحت اختي قلت لها ترى هالولد موزين وش كانت النتيجه طلعت وحده غايره وحاقده ومااتمنى لهن الخير وقالن انتي( ضايعه)!!!!!؟؟؟؟
بس بعدين اختي رفضته راحت اختي الكبيره قالت لخوات (الشخص اللي خطب اختي) ليه ماتخذون فلانه!!؟؟(أنا)آآآآآآآآآآآآآآآآه ياقلبي من ابوي لخواتي....
مالكن بالطويله انكشف كل شي وصار مذبحه..........


وفي الثلاث سنوات الاخيره طلعت علي اشاعه ان ابن عمتي خطبني وسبحان الله هالاشاعه قلبت كياني فوق تحت وصار في تلميحات وطلعت كذا حركه منه مثل اتصاله على الاهل وكثرت السلامات...........
المهم اني حبيته وتعلقت فيه وحتى استخرت فيه وادعي ربي ليل نهار انه يكون من نصيبي وواثقه ان الله لايرد من لجأ اليه....
بس احس اني تعبانه وانكسرت شوكتي عقب عمايل اهلي فيني رغم جمالي واخلاقي وديني والكل يمدح فيني لدرحه ان خالي كتب فيني شعر وقال ياحظ من خذاها والله لهذا اليوم ابكي على حالي واني ماني راعية خرابيط ويوجعني قلبي لمل ينشغلن صديقاتي عني بعيالهن وازواجهن..............
ياعمري كل من تقرأ موضوعي لاتطلع والا كاتبه تجربتها مع الدعاء والاستغفار وقيام الليل...................
ساعدوني
اسفه على الاطاله

[بكرى أحلى]

وش دعوه وين الردود

[هنادي تنادي]

أختي الغالية ..

يبدوا أنك من القبائل الي يفرضون الزواج على البنت ..

الله يعينك ويصلح مابينك وبين أهلك وأخواتك ..

لايضيق صدرك ..

نصيبك يجيك بس المهم أنه يكون يستاهلك ..

لو جلستي عمرك عزوبية ولاتاخذي احد يذلك ويتعبك ..

عمتي وصل عمرها 30 سنه وفيها {بهاق} شفاها الله ومع دعائها وصلاحها رزقها الله شاب بكري .. والله كلنا مو مصدقين لكن رحمة الله أقرب ..

أصلحي مابينك وبين الله يصلح الله مابينك وبين الناس ويرزقك من حيث لاتحتسبين ..

والله ياعمري حاسة فيك ..

بس الله أرحم بك منا ..

فدييييييييييييتك.

[بكرى أحلى]

المشاركة الأصلية كتبت بواسطة هنادي تنادي

أختي الغالية ..

يبدوا أنك من القبائل الي يفرضون الزواج على البنت ..

الله يعينك ويصلح مابينك وبين أهلك وأخواتك ..

لايضيق صدرك ..

نصيبك يجيك بس المهم أنه يكون يستاهلك ..

لو جلستي عمرك عزوبية ولاتاخذي احد يذلك ويتعبك ..

عمتي وصل عمرها 30 سنه وفيها {بهاق} شفاها الله ومع دعائها وصلاحها رزقها الله شاب بكري .. والله كلنا مو مصدقين لكن رحمة الله أقرب ..

أصلحي مابينك وبين الله يصلح الله مابينك وبين الناس ويرزقك من حيث لاتحتسبين ..

والله ياعمري حاسة فيك ..

بس الله أرحم بك منا ..

فدييييييييييييتك.

ياعمري مشكوره على الكلام الطيب والله الولد جامعي قسم الشريعه الاسلامي وفوق كل هذا بار بامه وابوه

[أم ياسمين]

الله يكتبلج الي فيه الصالح حبيبتي ما راح تاخذين الا اللي الله كاتبه لج
بس ما قلتيلنا ليش الاول رفضتيه و ليش قلتي حق اختج لا تاخذين اللي متقدملها شايفه عليه شي؟

[بكرى أحلى]

المشاركة الأصلية كتبت بواسطة أم ياسمين

الله يكتبلج الي فيه الصالح حبيبتي ما راح تاخذين الا اللي الله كاتبه لج
بس ما قلتيلنا ليش الاول رفضتيه و ليش قلتي حق اختج لا تاخذين اللي متقدملها شايفه عليه شي؟

بالنسبه لي كنت صغيره ومااعرف معنى زواج على ايامنا مو الحين وغير كذا ابوي زوجني من ولد عمه لان ابوي يقول ابي مصلحتك بس مره قالي لاشعوريآ ان حلالنا واحد ومايبي الفلوس تطلع لبرى بمع معنى كلامه
اما اختي اكيد شايفه على الخطيب شي لانه يقرب لنا لادين ولا اخلاق وفوق كذا نعقد وشكاك

والله ماودي اتكلم عن عيال الناس بس علشان ابين اني خفت على اختي منه مو مثل ماسون خواتي فيني

بس انا مسامحه ابوي وخواتني بس ابي ربي يعوضني

[فداك عمري يازوجي]

ماحبيت اطلع بدون مااكتبلك شي حبيبتي صدقيني نصيبك راااح تاخدينه غصبا عن الكل وادعي ربك بالليل صلي ركعتين وادعي صدقيني الدعااااء والصدقه
وربي يوفقك ياقلبو وتبشرينا بالمنتدى وتعزمينا

[فداك عمري يازوجي]

على فكره انتي متفأله وهذا احلى شي لان اسمك ((بكرا احلى ))
وعجبني على فكره

[بكرى أحلى]

المشاركة الأصلية كتبت بواسطة فداك عمري يازوجي

على فكره انتي متفأله وهذا احلى شي لان اسمك ((بكرا احلى ))
وعجبني على فكره

والله وبالله وتالله اني فعلا متفائله رغم كل مايحدث حولي ومتوكله على الله ولا ابالي
ولكن حبيت اني افضفض لان دايم بالبيت ساكته ومااكلم احد

[بكرى أحلى]

سبحانك اللهم وبحمدك أشهد أن لااله الاانت استغفرك واتوب اليك