منظار رحمي بدون بنج!

[أمنيه]

شلونكم بنات زمان عنكم وعن المنتدى

انا سويت منظار بطني ورحمي ببنج عام عشان يعرفون سبب عدم خروج الصبغه من الانابيب
ولإزالة اللحميه اللي اكتشفو وجودها بأشعة الصبغه

بعد المنظار قالوا ان اللحميه صغيره ومو مؤثر مكانها .. وان يوجد ورم ليفي ضغط عالرحم من الداخل وان الانابيب متسكره من الداخل يعني الانبوب نفسه متسكر

وطبعا بعد ما اكتشفو الورم اللي ما بين قبل هيك لا بأشعه ولا سونار
ما شالوا اللحميه وقالو نشيلها مع الورم مره وحده بعد ما اسوي اشعة الرنين المغناطيسي للتأكد ان الورم فعلا ليفي مو شي اخر

ولان دكتوري مو متخصص بالاورام
فحولني على دكتوره متخصصه

حطيت موعد عندها للاسبوع الجاي وقالو بسوون لي منظار رحمي يشوفون اذا الورم محتاج عمليه ولا يتركونه وانهم حيشيلون اللحميه

بس المشكله اذا حتشيل الدكتور بس اللحميه قالت بدون بنج !!!
واذا بتشيل معاها الورم بتعملي المنظار ببنج


وانا صراحة وايييييد خايفه شلون منظار رحمي بدون بنج وفوق هذا ممكن تشيلي اللحميه يعني تقطع لحمي وانا بكامل وعيي !!!! !!

منو جربت منظار بدون بنج
انا وقت ما سويت اشعة الصبغه تعبت وتألمت حيييييل ومو مستعده اعيش هالالم مره ثانيه

ياليت اللي سوت بدون بنج تطمني وماتخبي عني اذا فعلا مؤلم
لان اذا مؤلم اروح اسويه مع بنج في مستشفى خاص

ناطره الردود

[مسك أبيض]

والله يا قلبي ماعندي فكرة انا سويت المنظار تخدير كامل انتي شوفي نفسيتك كيف اذا متقبله الفكرة توكلي على الله واذا خايفه و حاسة انك مارح تقدرين توكلي على الله و غيري المستشفى

[أمنيه]

مشكوره عالرد حبيبتي

المشكله ان هذه اخر خطوه لي بهالقسم بعدها بحولوني اطفال انابيب
فبعرف درجة الألم عشان اخلص واطلع منهم

او خلاص اسحب اوراقي واسويها بمستشفى خاص

انطر تجارب البنات

[ديسمبرية]

الله يسهلها عليك ويشفيك يا رب ويرزقك بكل ما تتمني
مو عارفه بس حبيت أدعي لك لأني من زمان فاقدتك بالمنتدى اختفيتي فجأة ♥

[سمر الليل]

يمكن تكون باليزر تشيل لك اللحمية يعني ماراح تحسي فية لان الطب تقدم
ولان اهي راح سوي منظار

[أمنيه]

المشاركة الأصلية كتبت بواسطة ديسمبرية

الله يسهلها عليك ويشفيك يا رب ويرزقك بكل ما تتمني
مو عارفه بس حبيت أدعي لك لأني من زمان فاقدتك بالمنتدى اختفيتي فجأة ♥

حبيبتي وانا بعد افتقدت بنات المنتدى

بس لان خلاص بطلت اراقب موضوع الحمل لان عرفت ما حيصير الا بعمليه
فقللت دخلتي للمنتدى

طمنيني عنك حملتي ولا للحين

[أمنيه]

المشاركة الأصلية كتبت بواسطة سمر الليل

يمكن تكون باليزر تشيل لك اللحمية يعني ماراح تحسي فية لان الطب تقدم
ولان اهي راح سوي منظار

ان شاء الله مايكون في الم عندي اكتئاب من المنظار

بعد ٦ ايام بسويه الله يستر

[أمنيه]

بكتب تجربتي للفائدة

سويت اليوم المنظار الرحمي بدون بنج
كان جدا سهل ومافي أي ألم بس ألم بسيط جدا نفس ألم الدوره

حطولي محلول ملحي بالرحم وبعدين ادخلو انبوب الكاميرا والاداة اللي شالة فيها اللحميه

شالو اللحميه واخذو عينه من الورم اللي عندي طبعا ما كان ورم ليفي فبعد الكشف عالعينه ان شاءالله يعرفون شنو هالورم

[يآ أرحم الرآحمين]

أمنية حبيبتي شنو سوولك بخصوص الأنابيب ؟؟ انفتحت

إن شاء الله يكون حملك سهل بعد المنظآآر يارب

[ساره.]

الف الحمدلله على سلامتك حبيبتي والله يرزقك بالحمل السليم المعافى دون زياده او نقصان