مصدومه.. هرمون الحليب وين كان ووين صار !!!

[soso_BH]

سلام عليكم . شخباركم ان شاء الله طيبين

مابطول عليكم بدش في الموضوع دايركت .. انا متابعتكم من لما فكرت احمل بس للحين الله ماكتب لي ..
عمري 23 صار لي متزوجه 7 اشهر . ومن قبل 3 اشهر رحت حق دكتوره وطلبت مني اسوي فحوصات بيوم 21 من الدوره وطلع عندي هرمون الحليب مرتفع وايد على قولتها و هرمون التبويض منخفض

قالت لي هرمون الحليب الطبيعي من 0.5 الى 16
وهرمون التبويض الطبيعي المفروض يكون 24

وانا كان هرمون الحليب 35 والتبويض 13 وكلش ماكنت احس بأي اعراض ودورتي الحمدلله منتظمه كل 28 يوم

عطتني حبوب dostinex نص حبه مرتين في الاسبوع ولمده اسبوعين
وعطتني Clomid حبتين كل يوم من ثالث يوم الدوره لمده خمس ايام
و Duphaston اشربه يوم 19 لين 8 ايام واليوم اخر يوم

وبعد شهر من العلاج سويت تحليل هرمونات بيوم 21 من الدوره
وهني الصدمه
هرمون الحليب صار 0.33 يعني اقل من الطبيعي
وهرمون التبويض 51 بعد مرتفع وااايد عن الطبيعي !!!

شنو معناته

ملاحظه: اذا فرضنا ان هرمون التبويض اذا مرتفع يعني احتمال حامل بس ليش هرمون الحليب نازل وايد .. اللي اعرفه ان بدايه الحمل يرتفع

باقي على الدوره يوم واحد واعصابي تلفانه . احس باعراض الحمل بس ماابي اتفائل وانصدم نفس كل شهر
ادعولي بنات الله يكتب لي الحمل انا وياكم هالشهر وافرح زوجي


منتظره ردودكم طمنوني ..

[دموع المهاا]

م عندي علم مثلك صار لي 8 اشهر بس مافحصت للحين بنتظر لين اكمل سنه ان شاءالله..
الله يفرج همك وييسر امرك..
الله يرزقني وياك بالذريه الصالحه وكل من تتمنى ..

[علووويه]

ما عندي فكره عن هرمون الحليب والله يرزقج الذريه الصالحه
سبحان الله بس قريت موضوعج جاني احساس انج حامل
يارب تبشرينا بحملج

[ahlam-f]

الصراحة ماعندي علم بس لازم تسالين دكتورتك عن هالسبب .. ويارب تطلعين حاامل ياارب

[الجوهرية]

هرموناتك بعدالعلاج ان شاءالله طبيعية ﻻن هرمون الحيب كل ماكان منخفض كان احسن الدوستنكس معروف انه يخفض معدل الهرمون والتبويض من يرتفع يكون احسن

هرمون التبويض كويس بالنسبة لليوم 21 بس ماتوقع انه ممكن يكون حمل والله يرزقك الحمل عاجلا غير اجل


انتي توج عرووووس ﻻتتحملين وايد

[soso_BH]

المشاركة الأصلية كتبت بواسطة دموع المهاا

م عندي علم مثلك صار لي 8 اشهر بس مافحصت للحين بنتظر لين اكمل سنه ان شاءالله..
الله يفرج همك وييسر امرك..
الله يرزقني وياك بالذريه الصالحه وكل من تتمنى ..

الله يرزقج بالذريه الصالحه ان شاء الله ومايحتاج تنطرين لين السنه تكمل يارب
الدكتوره بعد قالت لي نطري لين سنه بس حدي متلهفه عاليهال وقلت اذا فيني شي بتعالج منه اختصار للوقت
الله كريم

[soso_BH]

المشاركة الأصلية كتبت بواسطة علووويه

ما عندي فكره عن هرمون الحليب والله يرزقج الذريه الصالحه
سبحان الله بس قريت موضوعج جاني احساس انج حامل
يارب تبشرينا بحملج

تسلمييين بردتي قلبي الله يسمع منج ان شاء الله واكون حامل

[soso_BH]

المشاركة الأصلية كتبت بواسطة ahlam-f

الصراحة ماعندي علم بس لازم تسالين دكتورتك عن هالسبب .. ويارب تطلعين حاامل ياارب

اي بسألها لازم بس ماعندي صبر انتظر موعدي باقي عليه جم يوم
مشكوره عالرد حبيبتي والله يسمع منج

[soso_BH]

المشاركة الأصلية كتبت بواسطة الجوهرية

هرموناتك بعدالعلاج ان شاءالله طبيعية ﻻن هرمون الحيب كل ماكان منخفض كان احسن الدوستنكس معروف انه يخفض معدل الهرمون والتبويض من يرتفع يكون احسن

هرمون التبويض كويس بالنسبة لليوم 21 بس ماتوقع انه ممكن يكون حمل والله يرزقك الحمل عاجلا غير اجل


انتي توج عرووووس ﻻتتحملين وايد

صح كلامج بس استغربت لهالدرجه حبوب الدوستنكس يخفض الهرمون لهالحد وفي اقل من شهر !!
والحمدلله التبويض مبرد قلبي هالشهر معنى وقت التبويض ذبحني الالم اول مره احس فيه

مشكوره عالرد وان شاء الله يرزقنا ويرزق كل منتظره يارب

[حياتي توأمي]

الله يرزقج ان شاء الله يارب