السلام عليكم ورحمة الله وبركاته
اخباركم حبيباتي
اليوم عندي موضوع عن الشغالات وبلاويهم الله يهديهم
تقول احدى صديقاتي عندها شغاله سريلانكيه اخلاق عسل وشغل ممتاز ونظيفه ومعامله مع الأطفال ولا اروع ولا عمرها لاحظت عليها شي..
وفجاءة تكتشف ان عندها جوال ثاني
مع العلم انهم معطينها جوال وتكلم اهلها باستمرار ومايقصرون عنها بشي
بس ليش سوت كذا ماادري
الجوال معروف من وين .. قبل فتره جاهم ناس واختفى جوال ولدهم الصغير ايفون ولا احد شك فيها اصلا... وطلع هو نفس الجوال المفقود.
السؤال/ تقول اخذه على الساكت ولا اعلمها واكون حريصه اكثر..
او اواجهها بالموضوع بس خايفه يصير مشاكل وخايفه على عيالها وهي ماتقدر تستغني عن الشغاله في الوقت الحالي
لانها موظفه وعيالها صغار ماعندهم احد .. وصعب تجيب غيرها انتم عارفين ظروف المكاتب والإستقدام.