ظروفي صعبة وعندي عرس قريب ! ابي مشورتكم

[زحمة حكي]

السلام عليكم ورحمة الله

انا عندي استفسار وابي مشورتكم انا حامل في نهايه الرابع وعندي انفصال بالمشيمة ومشيمة متقدمة نازله والدكتوره قالت لي لااازم راحه تامه ماتتحركي نهائي وهذا ثاني حمل لي ، الحمل الاول ربي ماكتبه ، وزواج اخوي قريب بعد كم اسبوع ، مو عارفه ايش اسوي خايفه اروح واتعب وتسوء حالتي واقعد طول عمري الوم نفسي ، وخايفه كمان ما احضر واندم والناس تتشره وتقول شلون ماتحضر عرس اخوها . احترت ابي مشورتكم لو انتي مكان ايش تسوين ؟ ايه نسيت اقول انه ماحد يدري اني حامل ف راح يستغربون غيابي :(

[ninya]

روحي ولا تسوين شيء او ما تروحي المهم اهلك واخوكي ما يزعل والناس طز فيهم شو بيعنوكي

[شذى الحياة]

الله يثبتلك حملك يارب ويقومك بالسلامه
روحي بس خليك مرتاحه لاتجهدين نفسك مرره خليك جالسه او اذا اضطريتي تتحركين تحركي بهدوء
مريت في نفس الحاله الله يقومك بالسلامه ويفرحك بضناك

[ابتسامه رغم الالم]

والله ياحبيبتي الزم ماعليك صحتك انا من رائيي انك ماتروحين وسالفه ماتسوين شي وما ادري ايش اريحلك في بيتك واكيد اهلك بيعذرونك والله يوفق اخوك ويرزقه الذريه الصالحه
يعني لازم يقدرون موقفك وخصوصا انك حامل للمره الثانيه وتقولين الاول ماتم فأهتمي بالثاني والله يتمم لك عاى خير يارب

[أم حمودي وعبودي]

لا تروحين وقولي للأهل أن الدكتور مانعك من الحركة وصدقيني كلهم بيعذرونك

[أم حمودي وعبودي]

تذكري أن حياة الجنين أهم من كلام الناس

[هاجر كندا]

لو كنت مكانك مااروح منو المهم طفلك لو عرس اخوك
يعني لو ماحضرتي مراح يفرح؟؟
اكيد بيفرح بس انتي الي راح تتعبي
بالنهايه العروس للعريس والجري للمتعيس هههههههه

[زحمة حكي]

الله يجزاكم خير على الردود بالنسبة لاهلي يعرفون ظروفي واهلي بالذات مايبغوني اروح يقولون صحتك اهم واخوي مايبغاني اروح كمان ، بس العايله والاقارب راح يتشرهون وينتقدون. على فكرة انا متزوجه من 4 سنين وكنت اتعالج يعني عشان كذا متخوفه الموضوع مو سهل بالنسبة لي ، الله يكتب الي فيه الخير وادعو ان الله يثبت حملي ويتمم لي على خير يارب.

[!اميرة الورد!]

والله ياختي على حسب نفسك انتي ودك تروحين روحي

ان شاء الله ماياثر عليك

خليك جالسه بجنب امك تستقبلين الضيوف

موشرط تكملين لين اخر العرس روحي ساعتين ثلاث ساعات

استقبلي مع امك

اختي كان معها نفس اللي قلتي انفصال جزئي بالمشيمة

اخذت مثبت ومشي الحال والحمدلله

واذا انتي ماودك تروحين لاتروحين عادي اهم شي انتي وش ودك عشان النفسية

واتكلي على الله دائما وابدا واستودعي جنينك الله يحفظه بحفظه وهو خير الحافظين

[نون 24]

حبيبتي الله يطمنك على ضناك وتشوفينه بحضنك
اذا بتاخذين نصيحتي استخيري واجلسي الناس ماراح تفيدك
انا خسرت حملي الاول والناس ماقصروا حط اني انا السبب

حملي الثاني كانت المشيمه نازله قالت لي الدكتوره ارتاحي
وارفعي رجولك وﻻ تتحركين اﻻ لضروره
انفصال المشيمه خطر فلا تضحين بضناك عشان الناس كذا
وﻻ كذا بيتكلمون عليك بالمثبت وموية زمزم يوميا ودعاء
حصنيه و ودعيه الله وفكري ان بعد 5 شهور ان شاء الله
بتشيلينه بحضنك عشان كذا ﻻ تفرطين فيه استخيري مره ومرتين
و عشر والله هو اللي بيدلك