مرحبا بنات
انا كملت سنه و 3 شهور من زواجي و كنت اتعالج و اخذ ادويه و غيرها و ما استفدت شي منها و اغلبها سبب لي تكيسات و التهابات يعني كل ما اتعالج من شي يطلع لي شي ثاني وزوجي نفس الشي كان مب راضي يكشف عند الدكتور و رافض نهائيا لين الله هداه و طلبت منه الدكتوره يسوي الفحص و يعاني من التهابات و دوالي و قله حركه و عدد و الحمد لله خضع للعمليه و اليوم طلعت النتيجه وايد للافضل و الحمد لله ارتفع العدد و نسبه الحركه و قلة نسبه التشوهات و الحمد لله الامور تبشر بخير
مممم بخبركن عن الخلطات اللي كنت استخدمها لما الدكتوره تعطيني كلوميد كنت اروح البيت و اخذ الكلوميد و اول كل صبح ع الريج " الريق" اخذ عسل مشبع بغذاء ملكات النحل و اخلطه مع بودرة طلع النخل و حبوب اللقاح و زيت حبه البركه الاصلي اليماني و اخذ ملقعه اول الصبح و فليل قبل لا انام و بعدها ب ربع ساعه اكل اللي ابغيه و هالخلطه وايد ساعدتني بتنشيط مبايضي و نظفت لي الرحم و شلت حتى التكيسات وغيرها بفضل الله
"عين الجمل " بيوم و ليله كبر لي بويضاتي من 15 الين 20 و 21 و 18 مشاء الله منشط قوي و مفعوله قوي
الالتهابات كنت اعاني منها كثير لدرجه ما انام الليل و جفاف و حكه و غيرها بعد الدوره ع طول و ما خليت غسول ما استخدمته و الدكتوره منعتني من استخدام الغسول لنه يزيد الحاله عندي و لدرجه اني احك و ينزل دم و حتى بالجماع احس الم و التهابات و تموت الالتهابات الحيوانات المنويه و تعيق حركتها و تاخر الحمل
كنت اتصفح النت و شفت وحده يزاها الله خير كاتبه موضوع عن الالتهابات و كيف اتخلص منها و رحت و اخذت التحميله و الكريم و الله يا بنات لي يومين بنت استخدمها حتى زوجي لاحظ راحت عني الالتهابات و المكان صار رطب و ناعم و مسهل له عمليه الجماع للافضل و براحته من غير لا اتلم
و حبيت اخبركن عن هالتحميله و الكريم
التحميله : GynQ-Mikozal لون العلبه بيضا وفيها خطوط خضرا تقدرون تحصلونها بالنت
الكريم : وايد عانيت لين حصلته لنه للاسف ما يتوفر عندنا لكن الحمد لله حصلته بفضل الله و بالصدفه من حرمه قطريه و ما ينباع الا بالسعوديه " اليكا - ام " و فيه له انوع طبعا لكن النوع اللي لازم تسخدمونه و استخدمته انا لونه اصفر و عليه خط ازرق
بالنسبه لزوجي و لاحظت اغلب البنات ازواجهم يعانون نفس المعاناه اول شي لازم فحوصات و غيره عشان يتاكدون من سلامتهم او لا قدر الله فيه شي يمنع حدوث الحمل او ياخره
زيت الجرجير الاصلي يضاف لعصير و يشربه في اليوم مره
بذور الجرجير مع العسل
هالخلطتين بتزيد عدد الحيوانات و حركتها و زوجي جربها و للحين مستمر عليها و بنات النتيجه في الفحص و لله الحمد
الله يرزقكن و يرزق كل منتظره الذريه الصالحه " لا تنسوني من دعواتكن الحلوه "
اختكن " العليا"