فقدت جنيني

[دمـوع]

السلام عليكم

اجهضت امس والحمد لله على كل حال وهذي المرة الثانية اجهاض

بقول قصتي علشان محد يصير له نفس اللي صار لي

عندي نزيف اكثر من اسبوعين بدايته بني وتغير لونه من يوم الجمعة الى احمر كنت استخدم دوفاستون حبتين باليوم اول امس رحت موعدي وقلت ان الدم زاد وزادت لي الدوفاستون الى 2 الليل و2 النهار وسألتها عن سبب النزف قالت مو واضح السبب لان مو شاربة ماي بس قالت ان الجنين سليم ونبضه موجود وعنق الرحم مغلق وامس الصبح كنت اول مرة اخذ حبتين دوفاستون وكان عندي مغص ودم موجود ماتغير شي اتصلت عند الدكتورة اللي اتابع عندها قالت لي لازم تروحي مستشفى تنويم ومتابعة رحت امس مستشفى حكومي الساعة 12 الظهر كلمت الدكتورة اللي هناك عن حالتي وقالت لازم سونار وكشف رفضت الكشف لاني اسمع انه يسبب اجهاض قلت للدكتورة مابغى كشف بس سونار قالت لا لازم ولا تخافي اذا بينزل بينزل بكشف او بدون كشف بعدها قلت خلاص اكشفي لان قالت لي مايصير شي ولا تخافي سوت سونار قالت لي الجنين موجود وحجمه زين والنبض موجود ورتني اياه بعدين قالت لي الحين كشف يوم كشفت قالت لي ان الرحم مغلق واحتمال سبب النزف يكون بسبب مجهود من الحركة بعدها قالت لي اذا شفتي الدم زاد وطلعت قطع تعالي هنا

بس رحت البيت زااد الدم ولا وقف صار دم اعظم من الدورة وزاد المغص الساعة 4 والساعة 5 نزل الجنين رحت المستشفى بالسونار ماطلع الجنين لانه نزل بعدها الدكتورة نظف لي وعطتني مغدي علشان تنزل البقاية الموجودة والحمد لله نزل بدون عملية تنظيف العام مسوية عملية تنظيف وهالمرة كل شي نزل
الحمد لله على كل حال والله يعوضني والله لايسامح الدكتورة اذا كانت هي السبب

[حساويه عسل]

سمعت السونار الداخلي ينزل الجنين واعرف ثلاث سووه واجهضو وحده من صديقاتي قبل لاتقوم من السرير السونار جاها نزيف والدكتوره خافت وعطتها ابره بس الله ماراد ونزل. الله يعوض عليك قريب بتوم يارب ياكريم لاتزعلين ياقلبي الله ماكتبه لك الله يعوضك واهم شي صحتك

[مندوبة توزيعات]

حبيبتي لاتضايقين. روحك الله يعوضك خير

[ببون]

الله يكتب لك أجرك و يعوضك خير عنه

ما تدرين يا بنت الحلال يمكن خييييييره لو عاش يكون مب طبيعي أو فيه تشوه

أنا في حملي الأول أجهضت و كان ينزل مني دم بني 9 أيام

و سقطت في البيت بدون تنظيف و لله الحمد من قبل و من بعد

الله يعوضنا جميع أطفال أصحاء معافين سليمين الخلقة و الخلق،، اللهم آمين

[دمـوع]

المشاركة الأصلية كتبت بواسطة حساويه عسل

سمعت السونار الداخلي ينزل الجنين واعرف ثلاث سووه واجهضو وحده من صديقاتي قبل لاتقوم من السرير السونار جاها نزيف والدكتوره خافت وعطتها ابره بس الله ماراد ونزل. الله يعوض عليك قريب بتوم يارب ياكريم لاتزعلين ياقلبي الله ماكتبه لك الله يعوضك واهم شي صحتك

لا مو سونار داخلي

كشفت بيدها

بس رجعت البيت وزاد النزيف ونزل والله يعوض

تسلمي حبيبتي

[حياتي توأمي]

الله يعوضك خير حبيبتي
وعسى ان تكرهوا شيئاً وهو خيراً لكم

[دمـوع]

المشاركة الأصلية كتبت بواسطة مندوبة توزيعات

حبيبتي لاتضايقين. روحك الله يعوضك خير

ان شاء الله يعوض علينا وعليكم بالخير

ومشكورة حبيبتي

[دمـوع]

المشاركة الأصلية كتبت بواسطة ببون

الله يكتب لك أجرك و يعوضك خير عنه

ما تدرين يا بنت الحلال يمكن خييييييره لو عاش يكون مب طبيعي أو فيه تشوه

أنا في حملي الأول أجهضت و كان ينزل مني دم بني 9 أيام

و سقطت في البيت بدون تنظيف و لله الحمد من قبل و من بعد

الله يعوضنا جميع أطفال أصحاء معافين سليمين الخلقة و الخلق،، اللهم آمين

بداية النزيف عندي بني وتغير لونه لاحمر وزاد الدم شوي بس بعد ماكشفت بيدها صار اعظم من الدورة من رجعت البيت

والحمد لله على كل حال

الله يعوضنا ويعوضكم بخير يارب

مشكورة حبيبتي

[دمـوع]

المشاركة الأصلية كتبت بواسطة حياتي توأمي

الله يعوضك خير حبيبتي
وعسى ان تكرهوا شيئاً وهو خيراً لكم

ان شاء الله

مشكورة حبيبتي

[ام فيصل1434]

لا تتضايقي يا غاليه وخلي ثقتك بالله كبيره عارفه اللي يتكلم مو زي اللي يتألم لكن عسى ان تكرهوا شي وهوا خير لكم وعسى ان تحبوا شي وفيه شر لكم الله يعوضك ويريح قلبك ويشرح صدرك ويرزقك من واسع فضله