تجمع المصريات المنتظرات للحمل والمتفائلات بالخير اليائسات لا ^ ^

[* لحظة حنيـن *]

السلام عليكن
ورحمة الله وبركاته
بسم الله والحمدلله والصلاة والسلام على رسول الله

اسأل الله العظيم رب العرش الكريم ان يرزقنى ويرزق كل مشتاقة بالذرية الصالحة عاجلآ غير آجل يارب العالمين
قولو امين

ازيكم ياقمراتى
موش عرفة هلاقى مصريات هنا كتير ولا لا بس حتى لو صفصفت على اتنين
يكفى ان شاءالله

التجمع دة بقى عشان
اولا كل وحد منا تقول تجربتها مع دكتور معين مثلا لقت معاه تحسن او دكتور مالقتش ف علاجه نتيجة
دكتور مثلا حست انه استغلالى شوية او او او وهكذا
ثانيا كل وحدة تحكى مشكلتها ف عدم الانجاب اية
واية الادوية الى اخدتها طبعا موش اى حاجة بتنفع مع اى حد بس اهو نتعرف على التجارب كلها
ونفضفض سوا
انا عن نفسى مشكلتى كانت الاول عند زوجى والحمدلله اتعالج دلوقتى
انا بقى اكتشفت اللى مانع حملى لحد دلوقت والله اعلم مؤخرآ انا يابنات هكمل ال 3 سنين ف شهر واحد الى جى
واخدت منشطات تقريبا سنة بدات من السنة التانية لزواجى وبعد كدة توقفت عشان المنشطات ماتاذيش المبايض عندى قولت هريحلى كام شهر كدة اعمل حجامة واخد اعشاب واستمر ع السيدوفاج وبس
الحقيقة انى ف الحاجات دية كلها موش بعمل غير الحجامة وبرضو بصفة متقطعة
المهم انا كنت باخد المنشطات والبويضة تكبر وتوصل لحجمها المناسب للتلقيح وموش كانت بتخرج السبب
اول دكتورة اكتشفت عدم خروج البويضة طبعا عشان تابعت معاها واخدت حقنتين تفجيرية وتابعنا خروج البويضة لقيناها لسة جوة فقالتلى ان عندى تكيسات ودة السبب ف عدم خروج البويضة ومحتاجة منظار
روحت لدكتور تانى تابعت تنشيط معاه والشهر دة بقى اخد حقنتين تفجيرية وروحت اشوفها خرجت ولا لا لقيتها لسة جوة ادانى حقنتين كمان وتابعت برضو موش خرجت قالى يبقى انت محتاجة منظار عشان يمكن يكون عندك سمك ف جدار المبيض والبويضة موش قدرة تخترقه
تعددت الاسباب والموت واحد
انا خفت من موضوع المنظار دة خاصة الدكتور قالى انها عملية تثقيب وانا بحثت عنها لقيت ناس كتير بتحذر منها جدا
وكمان زوجى رفض بشدة موضوع التثقيب دة موش مستوعبه خالص الصراحة

وعملت تحاليل من كام شهر كدة لقيت عندى نسبة التكيس عالية جدا وهرمون اللبن كمان
ولسة لحد دلوقت موش روحت لدكاترة ولا حاجة
قولت اتعالج من اللخبطة دية بعد كدة استخير ف موضوع المنظار دة

اما بالنسة للدكاترة الى روحتلهم مفيش حد مشهور اوى يعنى اغلبهم ساكنين جمبى او حد من اهلى او صحابى قالولى عليهم وكدة يعنى
وكمان انا مالفتش كتير اوى يعنى وماستمرتش مع حد اكتر من 3 شهور فموش عوزة اظلم حد ف الحكم عليه ف مدة قصيرة
وبس كدة
ها سمعونى بقى حكاويكم
انا كلى اذان صاغية


وصايا بسيطة عوزة اوصيهالكم
نعملها وتكون نيتنا خالصة لوجهه الكريم
ياريت الاعمال دية تكون بينك وبين ربك ماتعرفيش بيها حد حتى زوجك
عشان يتحقق الاخلاص


* الاستغفار اقل حاجة 500 مرة وان زدتى فخير
* ورد القران يوميا حزب ع الاقل وان زدتى فخير
* الصلاة على النبى اقل عدد 500 وان زدتى فخير
*تجيبى حصالة وكل يوم تحطى فيها مبلغ اى مبلغ الى تقدرى عليه ان شالله جنية المهم كل يوم تحطى وتخرجيه اخر الاسبوع بنية ان ربنا يرض عنك ويرزقك من فضله
*السنن يابنات موش لازم بعد الظهر اربعة وقبل اربعة اقله ركعتين بعد كل صلاة ماعدا العصر والفجر قبل
* *وشوفى بقى الاعمال الصالحة كتيييير خلى يكون ليكِ سهم ف كل عمل **
اسال الله ان يتقبل منى ومنكن حبيباتى
ويارب الاقى تفاعل منكن
اترككم فى امان الله

[غصن ألبان]

يامرحبا بقدومك حبيبتي حنين بينا نورتينا
بس بعد اذنك ياغالية اني مضطرة اغلق التجمع
لأن عدنا تجمع لكل المتأخرالت مثبت بالقسم
اذا حبيتي تنورينا هناك فيا الف اهلآ وسهلآ حياج
وطبعآ عندا اخوات مصريات بالتجمع وعربيات من كل
الوطن العربي ان شاء الله تستفادين من خبراتهن. تحياتي♥


http://forum.hwaml.com/t266996.html