تجربتي مع السونار المائي **(( تكملة لموضوعي عن اشعة الصبغه وموعدي معاها))

[شمس مشرقه]

السلام عليكم


انا نزلت من جم يوم موضوع عن اشعة الصبغه بالحكومه

وهذا كان موضوعي

http://forum.hwaml.com/t248295.html

انا اراجع بمستوصف الحكومه عند عيادة النساء

ورحت للدكتوره قلت لها ابي اشعة صبغه وانا بثالث يوم دوره

عطتني تحاليل هرمونات tsh , fsh

وقالت هاج هذي ورقة حقت اشعة صبغه تسوينها بالمستشفى

والورقه بس كان فيها وصف لحالتي ومكتوب تحويل للمستشفى وانه من 2009 متزوجه وما حملت

وموعدي كان بالمستشفى امس تاريخ 9/4

رحت طبعا من 7 الصبح ضبط حتى قبل يجون الكاتبات والموظفات

ورحت صايمه نفس ماقالت دكتورة المستوصف قالت لي صومي 10 ساعات قبل موعد الصبغه

ودخت هناك ولما دخلت ع الطبيب اللي هناك

والا اقوله انا جايه صايمه والددكتوره قالت اليوم راح تكون اشعة الصبغه

قال الورقه اللي موقعتها وجبتيها هذي تحويل لعيادة النساء والتوليد اللي بالمستشفى ورقة طلب الصبغه تختلف وهذي هي عندي

هذي تضحك عليج ما عطتج ورقة طلب اشعة صبغه

انسيها الحين انا راح ابدى معاج من جد وجديد ومالي شغل بسونارات وتحاليل قبل سويتيها عندها

وتجيني الدوره الجايه تسوين تحاليل هرمونات وعطاني تحاليل هرمونات اوراق واجد

وقلت له انا اليوم ثامن يوم دوره وطبيبة المستوصف عطتني تحاليل tsh ,fsh وسويتهم باليوم الثالث

قال جيبي نتيجة هالتحاليل وسوي تحاليل الشهر الجاي

وانسيها خلاص

وعطاني ورقة سونار اسويها اليوم الثاني من الدوره


طبعا انا رجعت البيت وكنت ميته من القهر من اللي صارلي

تعبوني الحكومه الدكتور اللي تبع المستشفى يقولي وحنا فاتحينها بقاله على كيفج تبين اشعة صبغه انا اللي اقرر مو انتي وطبيبة المستوصف ضحكت عليج


حيل قهرني هالموقف خلتني اصوم واتعب ع الفاضي

رحت دقيت على كل عيادات النساء الخاصه اللي بالجهرا (منطقتي)

قالوا ماعندنا اشعة صبغه

كنت بستغل اني كنت ثامن يوم دوره وقريت انه من اليوم السابع والثامن الى العاشر يكون الرحم مفتوح وانسب وقت للصبغه ..

والله كل العيادات قالوا ما عندنا اشعة صبغه بس في بالعرف لما دقيت ع العرف والا غالي

اشعة الصبغه ب75دك اللي بدون بنج

دقيت على اخر عياده موجوده والا قالولي عندنا شي اسمه سونار مائي

نفس اشعة الصبغه بس ماي

وراح نشوف وضع الرحم بالضبط كيف ويبين معانا الرحم من داخل اذا فيه التصاقات ..بطانه مهاجره .. مقلوب او مايل ..اذا في لحميات .. ونقدر كذلك نشوف الانابيب اذا مفتوحه او لااا


وركضه ادق على ابوي عشان يوديني واروح طبعا هذا كان كلام الاستقبال موظفة الاستقبال اللي كلمتني بالتلفون

وكلمت الدكتوره هناك لما جيت وقلت لها اللي صارلي اكدت معلومات الموظفه وقالت راح تبين القنوات والانابيب وخلاص قبلت ودفعت الفلوس كانت قيمة السونار 35دك ..وقلت لها على القصه اللي صارت بالحكومه قالت شلون تخليج تصومين واصلا اشعة الصبغه بالحكومه بدون بنج حتى السستر اللي بالحكومه لما سالتها عن اشعة الصبغه اذا ببنج او بدون بنج هم قالت لي بدون بنج فما كان له داعي تخليني اصوم وادوخ وتتعبني ع الفاضي

نرجع للسونار المائي وطريقته

اول شي نمت ع السررير وفتحت رجولي ودخلت بوز البطه ( حديده يفتحون فيها عنق الرحم مثل فم البطه) كان يعور بس تحملته شوي وبعد ما ثبتتته فيني هالبوز

قالت انتي عنق الرحم ملياااااان التهابات لازم احط معقم وقعدت تمسح بسائل

وعقب جابت ابره وحقنت وقعدت اصررررررررررررررخ

تخيلوا ابره تحقنها بهالمكان وحاره حيل

بعدين شالت البطه ودخلت الحديده حقت السونار المهبلي والسستر معاها سرنجه فيها ماي دخلوا فيني حديده السونار مع السرنجه والسستر تدخل الماي داخل شوي شوي

الدكتوره قالت وضع الرحم ممتاز وبمكانه الطبيعي والبطانه زينه والمبايض فيها تكيس بس مو كثير

ولقت بويضه حجمها تقول 2 ملي ونص تقول هذي شكلها من الشهر اللي فاتت ما انفجرت

انت شكل اللي مأخر حملج ان البويضات ما تكبر للحجم الصح وتنفجر محتاجه ابر تفجير ..

وقالت انتي شكلج من الناس اللي تبويضهم ورا الدوره على طول مو نص الشهر

وتقولي انها شافت القنوات وسالكه ..

وسوت لي تقرير اكتبته + صورت السونار والرحم 3 صور وحطتهم بظرف وعطتني اياهم

ولما قمت من السرير بعد ما اخلصت نزل علي دم خفيف شفاف واستمر كم ساعه وراح وبعدين قلب افرازات بنيه فاتحه ولازالت الحين تطلع معاي هالافرازات



ما ادري بنات شرايكم اعتمد على كلام الدكتوره؟؟؟؟

مايحتاج اسوي اشعة صبغه والا يكفي نتيجة السونار المائي ؟؟

قالت انتي بس مشكلتج هرمونات وتبويض فقط

والا الرحم والانابيب زينه

كلامها ريحني بس هم قاعده افكر يمكن اشعة الصبغه نتيجتها اقوى من السونار المائي وادق والا انتم شرايكم ؟؟؟


يا ليت البنات اللي جربوا اشعة الصبغه والسونار المائي يقولون لي رايهم واللي عنده فكره

[Orchid109]

هي تقريباً طريقتها نفس طريقة الصبغة
بس خلاص اعتمدي على كلامها، والحمدلله على سلامتك حبيبتي
بالنسبة للهرمونات عليك بالبردقوش منظم ممتازة للهرمونات وعليك بالاكثار من شرب الماء

[M0ra]

انا بردو رايى انها نفس طريقة الاشعة بالصبغة مبرووك حبيبتى و هقبال منبارك لكى على الحمل عن قريب
مثل ما قالت اوركيد عليكى بالبردقووش و الاناناس مفيدين جدا للتبويض و تكبير البويضة

[ابتسامه رغم الالم]

جديده حركت السونار المائي

وخلاص اتوقع هذا يكفي والله يرزقك يارب

[ربمة]

انا سويت اشعه الصبغه.. ومن كلامك انها مثلها بالضبط بس افرق اشعه الصبغه تكون ماده ملونه
والسونار المائي ماء....
انا الدكتورة قالت للي في حريم يحملوا بعد اشعه الصبغه او السونار المائي.. سبحان الله يكون الماي زي المنظف للانابيب..

وامشي على اللي قالته.... الظاهر تحتاجي ابر تبويض وتفجير. والله يرزقك ويرزقنا يااااااارب

[شمس مشرقه]

المشاركة الأصلية كتبت بواسطة orchid109

هي تقريباً طريقتها نفس طريقة الصبغة
بس خلاص اعتمدي على كلامها، والحمدلله على سلامتك حبيبتي
بالنسبة للهرمونات عليك بالبردقوش منظم ممتازة للهرمونات وعليك بالاكثار من شرب الماء

صراحه انا مقله بشرب الماي حتى التهاب بول صار مزمن عندي صارله سنه يروح ويرجع ..
وبالنسبه للبردقوش كنت ادمنه يوميا وكان يريحني يساعدني انام مبجر
ان شاء الله برجع له

بس الدكتور قال لا تاخذين حبوب تنزل الدوره ولا اعشاب ابي اشوف التحاليل والدنيا ملخبطه عندك عشان اعرف اوصف علاج وتحاليلي بتكون 6/5 مثل ما كتب وتوقع انها راح تكون ثاني يوم دوره لان الدوره تاخر عندي فهذا تاريخ تقديري

[شمس مشرقه]

المشاركة الأصلية كتبت بواسطة m0ra

انا بردو رايى انها نفس طريقة الاشعة بالصبغة مبرووك حبيبتى و هقبال منبارك لكى على الحمل عن قريب
مثل ما قالت اوركيد عليكى بالبردقووش و الاناناس مفيدين جدا للتبويض و تكبير البويضة

مشكوره على هالدعوه الحلوه :)

الاناناس حامض

كيف اكله وقت الدوره
اللي اعرفه العصاير اللي فيها نسبة حموضه ت او الحمضيات بشكل عام تحبس دم الدوره وماتخليه ينزل

وانا مابي يصير عندي سدد

[سوزان الرياض]

ماشاء الله رميتي هم اشعه الصبغه
الا وصفك اللي قلتي نفسك وصف اشعه الصبغه
الله يرزقك الحمل السليم عاجلا غير اجل

[شمس مشرقه]

المشاركة الأصلية كتبت بواسطة ابتسامه رغم الالم

جديده حركت السونار المائي

وخلاص اتوقع هذا يكفي والله يرزقك يارب

آمين ..


اي والله جديد هالسونار المائي ما سمعت فيه الا اليوم اللي سويته فيه

حتى لما سويت سيرج بقوقل

كاتبين انه يكشف بطانة الرحم من داخل اذا في لحميات او بطانه مهاجره + انه يشوف القنوات الرحميه ويكشف الالتصاقات مدري قصدهم بهالشي الانابيب او لاء ويشوف وضع الرحم اذا مايل او مقلوب او ذو القرنين او اي شي فيه

والله اعلم مو كاتبين بقوقل عنه شي رسمي انه يشوف الانابيب

[شمس مشرقه]

المشاركة الأصلية كتبت بواسطة ربمة

انا سويت اشعه الصبغه.. ومن كلامك انها مثلها بالضبط بس افرق اشعه الصبغه تكون ماده ملونه
والسونار المائي ماء....
انا الدكتورة قالت للي في حريم يحملوا بعد اشعه الصبغه او السونار المائي.. سبحان الله يكون الماي زي المنظف للانابيب..

وامشي على اللي قالته.... الظاهر تحتاجي ابر تبويض وتفجير. والله يرزقك ويرزقنا يااااااارب

ان شاء الله يكون هالماي منظف ويفتح الانابيب

انا سمعت من الدكتور فواز اديب باليوتوب انه الانبوب اذا تجمعت فيه السوائل اخترب لما كان يشرح اسباب الحمل خارج الرحم الله يبعدنا عنا يارب هالمشاكل والامراض

هو انا اكيد احتاج تنشيط بسبة هالتكيس

انا بحثت واجد عن اشعة الصبغه والسونار المائي

قريت انه السونار المائي دايم يسوونه للي عنده اجهاض متكرر عشان يكشفون عدل اذا في عيوب بالرحم

هو فرقه الوحيد عن اشعة الصبغه مو بس انه ماي الدكتوره استعملت الالترا ساوند (السونار المهبلي ) وصورت 3 صور من الشاشه اما اشعة الصبغه فكانوا يسوون اشعة نفس العظام تكون صور الاشعة هذي اللي ورق نايلون قوي واسود ويحطونه على الليت ويشوفون

نفس هالصور تكون النتيجه تطلع




وهم بعد سمعت انه يسوون فيلم او سي دي فيه حركة السائل وصور الرحم والانابيب وهو يمشي فيها السائل