خوفتني الدكتوره الله يسامحها

[زهره فواحة]

السلام عليكم ورحمة الله وبركاته
كيفكم حبيباتي
حبيت افضفض لكم وودي تنصحوني
انا تقريبا دخلت الخامس من الحمل وراجعت يوم الخميس عند الدكتوره وسالتني عن حملي السابق وهل عندي قيصري وانا كان عندي قيصري قبل بنتي الاخيره لان حجمها كان كبير ومانزلت في الحوض وبعدها جبت بنت طبيعي وحملت بعدها فقالت لي وهذا ييمكن عمليه وخوفتني وسوت سونر وقالت حجمه كبير قلت لها من الحين قالت لاموكبير مره بس احسن تسوين عمليه وترتاحي وحسيت من كلامها انها ودها تسوي عمليه وبس والاالمفروض ماتحكم الحين الافي الشهور الاخير ه والمفروض تطمني صح كلامي يابنات والالا
انا صراحه كرهتها من كلامها وايضا قالت لي سوي الحين اشعه ثلاثية الابعاد فبسالكم هل هذي الاشعه اسويها الحين من الخامس والا المفروض في الشهور الاخيره ووش فايدتها وليه اسويها

ياريت تنصحوني وش اسوي ورايكم اغير الدكتوره والالا ووش رايكم في كلامها معي

انتظركم حبيباتي

[آوتآر]

حبيبتي بدري على الولاده وماعليك من كلامهآ..
بالتاسع شوفي كيف الوضع وش اسباب الي تستدعي انهم يحكمون تسوين علميه ؟!

وافضل لك اكشفي عند دكتوره غيرهآ ولا تقولين لهآ على كلام الدكتوره ذي

الله يسير لك اللي فيه الخير ..

بالنسبه للاشعه البنآت يساعدونك ما عندي خلفيه ..

نصيحه / عليك بالدعاء وكثره الاستغفار والله معك

[فاغره]

اكيد اهلي ما عليك تبي فلوس اصلا الحين حجمه ما يبان كبير ولا كذابه واشاعه مو لازم لان نفس الاشاعه العاديه بس تكون ملونه وتشوفين البيبي واضح اكثر والحين بدري عليها ولا لها لزمه وغاليه ع الفاضي اذا تبغين تشوفين شكل نونو واضح سويها ع سابع اذا ودك بس مو لازم يعني وبس

[عمة ايلاف]

توكلي على ربك وأدعية واستغفري. وأنا نفس كلام البنات الي قبلي. بدري أنها تحكم على الحجم. والعملية. ربي يتمم حملك على خير ويسهل ولادتك يارب

[مدام ن]

السلام عليكم

أختي بكل بساطة محتارة استشيري دكتورة غيرها وشوفي محتاجه للأشعة لأني أظن انه بدري ان تقرر لك عملية من الآن لأن الجنين بيكسب وزن أكثر من الآن للتاسع ..الله ييسر لك لاتاخذي على كلامها وتضيقي نفسك

[هيبة أنثى]

والله مدري وش اقولك بس اختي صارت لها نفسك تماما
وفعلا جابت عمليه
بعدين وانا في الشهرالثالث الحين قالت لي دكتورتين ان الحجم كبير مو على العمر ماشاء الله واحتمال عمليه
لكن يتقرر بالشهر السادس
انتي خليك راضيه بكل شيء ومتقبله وروحي لدكتوره ثانيه واتطمني اكثر
واللي كاتبه ربك بيصير الله يسهل عليك وتولدين طبيعي

[oumdarda2]

انا من راي البنات شلون تحكم على حجمه من الحين وانتي بالخامس تقوليك عملية ومدري ايش تبي تولدك من غير وقت
والاشعة هاذي يسوونها هنا بفرنسا عادي ما لها اي ضرر
اختي روحي لدكتورة ثانية وما في داعي تخوفي نفسك الله سبحانه اهو اللي مقرر مصيرنا ما في شي بايدنا حنا البشر
استغفري ربك وكثري دعاء وان شاء الله خير

[البارقة]

الله ييسر امورك ياعمري

[ام ريتان]

طيب ما قالت لك كم وزن الجنين...
وليش طلبت منك تسوي الاشعة الثلاثية...بالعادة الحامل هي اللي تطلبها مو الدكتورة...
انا اشوف انك تغيريها...الله يسخر لك دكتورة فاهمة...

[أم بندر الحلو]

أفضل تغيري الدكتورة
وأنا مع الأخوات في كلامهم
الله يسرلك ويسهل عليك ياارب